1 SAMUELA 30:6 - Mara Bible RV (BSI)

⁶ Chyhsa to ta ama sawchapawzy nata sawchanôzy vâta palôh pasa ngaitapa ta y ei ta. Chavâta Dâvi cha alô ta vaw awpa kyh reih ei ta. Dâvi cha a nôpo kaw ta. Châhrasala Dâvi cha Abeipa a Khazohpa liata tha a patlô ta.

1 SAMUELA 30:6 ပူးပေါင်းရင်းမြစ်များ

ÂTHAONA 32:7

Zakaw cha chipa ta a nôpo ngaita ta. A hnohta chyhsa a ypazy, mietaku zawzy, viahchao zawzy nata râraoseihpazy cha py no ta pachhaih ta.

2 SAMUELA 17:8

Husai ta, “Na paw nata a chyhsazy cha na pahno ei, pasaiphazy châ ei ta, chyhsa chhyu ngaitapa, lyurâhpa liata chavyh a taw la hapa hawhta amâ hrâh. Cha dei châ vei, na paw cha a dyuhpa chyhsa châ ta, zawpi hry liata a rie ngyu aw vei.

2 ABEIZY 4:27

Khazohpa chyhsa yna tlâh a tlô nahta, a phei patu ta. Kehâzi a vy ta, chanô cha parai awpa a chhuah ta. Châhrasala Khazohpa chyhsa ta, “Kheihta hmah tah khah y, a nô a po ngaita hih. Abeipa ta kei tawhta nyu chy ta, na chho mâh vei,” tah ta.

ZAWBÂ 13:15

Eina thie hapa chhao ta, Ano liata hnabeiseihna hnei aw na ta, A hmiakô liata ei thâtih ei duakhei pyly aw.

HLAZY 116:10

“Thata pasa pataosapa ei châ,” Ei tah no chhao ta, Ei ngiapâ thlâh haw.

HLAZY 138:3

Ei cha pado noh ta, Nâ chhy chi ta, Ei hro tha na patlô tyh.

HLAZY 18:2

Abeipa cha ei lôpanô, ei thokhy nata nâ pachhatuhpa châ ta, Ano cha ei Khazohpa, ei chhaipa lôpanô châ ta, Ei vyhphao, ei pachhana ki nata ei diahsua a châ.

HLAZY 18:6

Nôpopa ta Abeipa cha pado na ta, Na bao awpa ta ei Khazohpa ei aw. Achhyna o tawhta ei ao thei ta, Ei awna ao a nah liata â ngia.

HLAZY 25:17

Ei palôh nôponazy pôh via rili ta, Ei pachârôhna tawhta na thaoh papua mah y.

HLAZY 27:14

Abeipa cha hâ la, Thatlôpa ta y mah y! Abeipa cha hâ la, Riahphapa ta y mah y!

HLAZY 31:24

Abeipa a hâtuhpa zydua saih u, Thatlôpa ta y u la, Nama palôh riahphapa ta y mawh sy.

HLAZY 42:11

Hy ei thlahpa, khazia a khu chi ta, Khazia ei chhôh liata a tymâpa ta na y? Khazohpa hnabeiseih mah y. Ano cha reithai heih aw na ta, Ei pachhana nata ei Khazohpa cha ei reithai aw.

HLAZY 42:5

Hy ei thlahpa, khazia ma a khu chi ta, Khazia ma ei chhôh liata a tymâpa ta na y? Khazohpa hnabeiseih mah y. Ei pachhana cha reithai aw na ta,

HLAZY 42:7

Na tisaozy a aohpa ta, Ti athupa nata ti athupa a awsao ei ta, Na tilyzy nata na tichatlaopazy ta eina vao ei.

HLAZY 56:11

Khazohpa cha ngâ na ta, Chi aw va na. Chyhsapa ta kheihta eina tao thei aw?

HLAZY 62:1

Ei hro he Khazohpa lia dei ta apahâna hmô ta, Ano tawhta ei pachhana a vaw tlô.

HLAZY 62:5

Ei hro ta Khazohpa deita hâ ta, Ano tawhta ei hnabeiseihna a vaw tlô.

HLAZY 71:4

Hy ei Khazohpa, moleipa ku tawh­ta na pachha la, Chyhsa chhiepa nata adoleipa ku tawhta na pachha mah y.

HLAZY 71:5

Hy Abeipa, nâ cha ei hnabeiseihna châ chi ta, Hy Abeipa, ei hawti no tawhta ei ngâchhâpa na châ.

PUASAINA 17:4

Mawsi cha Abeipa pado ta, a hnohta, “He chyhsazy heta alô ta na vawhsao awpa a mâ thlâh ha bâ ei ta, kheihta ei tao aw ei?” tah ta.

BIESOZY 18:10

Abeipa moh cha thokhy a sâhpa thatlôpa châ ta, Mosiapazy ta cha lâ a râ ei ta amâ boh tyh.

ISAI 25:4

Sipasapa châta thokhy châ chi ta, Dyhchhiepa nôpo daihti liata a thokhy na châ; Thlihpipa tawhta abohna châ chi ta, Noh lopa châta nohdi na châ. Nôchhiepa hu deikua cha, Thlihpipa ta pâhchhô a vawhpa hawhta châ ta;

ZEREMIAH 16:19

Hy Abeipa, ei thatlôna nata ei thokhy, Nôpona noh liata ei chhai tyhpa y, Phopizy khizaw kaokih tawhta nâ lâ a vy aw ei ta, Hetana heta ama tah aw: “Haipa biezy tah leipa ta cha, Miah pathlatuhpazy ta khâpa ryu hmah to leipa ei ta; Athôhna a hnei leipa hmo phahnai leipazy tah leipa ta cha, Khâpa ryu hmah to veih ei.

ZAWNA 2:2

“Nôpopa ta Abeipa pado na ta, Ano ta eina chyh-ei; Athihkhih py chhôh tawhta awh na ta, Ei ao na thei.

MALUHREINA 14:10

Châhrasala zawpi pôhpakhypazy chata Zawsua nata Kâlebâ cha alô ta vaw awpa ta pahrua ei ta. Abeipa rônahna cha Izarei saw zydua hnohta ahmaohna poh o liata a zâ luah ta.

MATHAI 21:9

A hmia lâta a siepa nata a hnôh lâta a pazipa zawpizy ta, “Dâvi Sawchapawpa hnohta Haozanâ! Abeipa moh ta a vypa cha reithaipa ta y mawh sy! Chônôchaipa liata Haozanâ y mawh sy!” tahpa ta awh ei ta.

MATHAI 27:22

Pilâ ta ama hnohta, “Cha khiahta la, Krista ama tahpa Zisu he zaw, kheihta ei tao aw?” tah ta. Ama zydua ta, “Khaipâ teh,” tah ei ta.

ZAWHÂNA 8:59

Alô a huah ei ta, Zisu cha vaw a chhuah ei ta, châhrasala Zisu cha a nyu ta, Achhyna o tawhta pua ha ta.

RAWMA 4:18

“Cha hawhna chata na pathlazy ama y aw,” tahpa ta chhopa a châpa hawhta, phopi hluhpi paw châ awpa ta, hnabeiseih â chhih leipa chhao ta, ngiapâna ta khâchâ hnabeiseih lymâ ta.

RAWMA 4:20

Ngiapâna a phahla beih leipa ta, Khazohpa bietai a lôh leipa ta y beih vei. Â ngiapâna a thatlô via rili ta, Khazohpa a palyupalih lymâ.

RAWMA 8:31

Cha kyhzy liana chata khâpa eima reih khao aw? Khazohpa eima chhâh â châ khiahta cha, ahy miah a dyuh thei aw?

2 KAWRINI 1:6

Pasataopa ta eima y khiahta cha, nâmo thlalôh nawpa nata pachha nawpa châ ta, thlahpalôhpa ta eima y khiahta cha, nâmo thlalôh nawpa a châ. Cha thlalôhna cha keimo pasa taopa hawhta palôh pasi ngaitapa ta pasa nama tao hrana liata nama hmô tyh.

2 KAWRINI 4:8

Kyh to liata chaiepa ta y pi ta, châhrasala eima hu po vei. Nôpopa ta y pi ta, châhrasala eima hnabeidy vei.

2 KAWRINI 7:5

Mâsidônia râh eima vaw tlô nota, eima pôhpa a pahâ beih leipa ta, su to liata riethei pataosapa ta eima y. Khôtho lâta miah a dyuh ei ta, chhôh lâta china ta miah a khu.

HEBRAI 13:6

Chavâta riahphapa ta, “Abeipa cha nâ baotuhpa châ ta, Chi aw va na; Chyhsa ta kheihta eina tao thei aw?” Eima tah ngâh.

RYUREITUHPAZY 18:25

Dânâ pathlazy ta a hnohta, “Eima hry liata na ao thei awpa ta papua khah y, chataleipatala chyhsa pathichhiepazy ta ku cha pathla aw ei ta, na chhôhkhazy hrona a leina liata nâma hrona chhao a lei pâ pathlei aw na,” tah ei ta.

RYUREITUHPAZY 20:22

Izarei pheisaih zawpizy cha a pachyu heih ei ta, amâ dyuh tua nota amâ duana su liata a duahpa ta a dyuh awpa ta a pachyh heih ei ta.

1 SAMUELA 1:10

Hânâ cha a palôh pasa ngaita ta, Abeipa lâta thlahchhâ ta, thata cha ta.

1 SAMUELA 23:16

Sawla sawchapawpa Zawnathâ cha thyu ta, Hôresâ liata Dâvi yna lâ sie ta, Zawnathâ ta Dâvi cha Khazohpa liata a ku thapatlô ta.

1 SAMUELA 28:15

Samuela ta Sawla hnohta, “Khazia he hawhta na aw papuapa ta eina patypamâ chi?” tah ta. Sawla ta a chhy ta, “Ei nôpo ngaitapa vâta a châ. Philistinâ mo ta nâ dyuh ei ta, Khazohpa hra cha nâ heihsai ha ta, hrohsopazy hmâpa ta tlyma, mâ lâta tlyma, nâ chhy khao leipa ta. Chavâta ei tao awpa na chho awpa ta ei cha aw papua,” tah ta.