1 SAMUELA 30:4 - Mara Bible RV (BSI)

⁴ Dâvi nata a hnohta a ypa chyhsazy cha ama tha chhâ khai hana taihta aoh tlili ta cha ei ta.

1 SAMUELA 30:4 ပူးပေါင်းရင်းမြစ်များ

EZRÂ 10:1

Ezrâ cha Khazohpa o hmiakô liata â khu lâta pao ta, chana chôta thlahchhâ ta, moleinazy palâhâh ta reihpha a chei hai nota, Izarei saw hluhpi, chapawzy, chanôzy nata hawtizy ano lâ a vaw hmaoh ei ta, aoh tlili ta cha ei ta.

MALUHREINA 14:1

Cha zâ cha ahmaohpakhypa zydua ta ao paro ngaitapa ta awh ei ta, zawpizy cha aoh tlili ta ama cha.

MALUHREINA 14:39

Mawsi ta cha biezy cha Izarei saw zydua chho ta, zawpizy cha pachârôhpa ta mâchhiesa ei ta.

RYUREITUHPAZY 2:4

Cha biezy cha Abeipa vâlyuhchâpa ta Izarei saw zydua hnohta a rei khaipa nahta, zawpizy cha aoh tlili ta cha ei ta.

RYUREITUHPAZY 21:2

Izarei phopi cha Bethel lâ sie ei ta, cha liata zâlâ taih Khazohpa hmiakô liata a tyuh ei ta, a paropa ta palôh pasa ngaitapa ta cha ei ta.

1 SAMUELA 11:4

Lyuhchâpazy cha Sawla yna Kibia khih ama tlô nahta, bie ama phaopazy cha zawpi nah theina liata reih ei ta, zawpi zydua cha aoh tlili ta cha ei ta.

1 SAMUELA 30:3

Dâvi nata a chyhsazy cha khihpi vaw tlô ei ta, moh teh u, mei ta vaw kâ khai ha ta. Ama lapinôzy nata ama sawchapawzy nata ama sawchanôzy cha sei ta vaw patu ha ei ta.

1 SAMUELA 4:13

A vaw tlô nota Eli cha lâpi kiah liata dyuchhai liata a tyuh ta, vaw sai thlâh ha ta. Khazohpa Byh vâta a palôh thata a chalyu ta. Cha chyhsa cha khihpi vaw tlô ta, hmo yzie a rei nahta, a khihpi dua ta thata sâh ei ta.