1 SAMUELA 30:26 - Mara Bible RV (BSI)

²⁶ Dâvi cha Zikalâ a vaw tlô nahta, hraona sôh thokhazy cha a viasa Zudâh machâzy paphao ta, ama hnohta, “He he nâmo châta hmosaipa a châ, Abeipa chariahpazy hraona sôh a châ hih,” tah ta.

1 SAMUELA 30:26 ပူးပေါင်းရင်းမြစ်များ

ÂTHAONA 33:11

Byhnâ ei topa na hnohta ama vaw cheipazy kha, ngiachhiepa ta a pyh mah y. Khazohpa ta na ngiachhie ta, ei hneina ta â daihpa vâta kuhria ei cha piepa a châ,” tah ta. Thata â hawpa vâta a la ha ta.

2 SAMUELA 1:1

Sawla a thi tawhta, Dâvi cha Amale mo a dyuh ta. Adyuhna lâ tawhta â vaw lie nahta, Zikalâ liata noh no a pahâ ta.

2 ABEIZY 5:15

Chatawhcha Nâmâ cha a sahlao zydua chhaota Kha­zohpa chyhsa yna lâ a lie ta. A tlô nahta, a hmiakô liata a kei duah ta, a hnohta, “Izarei lia dei leipa ta cha, khizaw zydua liana heta Khazohpa rai y vei tahpa ei pahno haw. Chavâta châ chakaotuhpa kuhria he a hlâh mah y,” tah ta.

HLAZY 35:27

Ei thaichâna nâ lykheituhpazy cha, Thaphapa ta awh ei sala, “Abeipa cha rônah ta, Ano a chakaotuhpazy hlaotlohna ama to tita, A ly kaw tyhpa a châ,” tahpa ta, Thaphapa ta khâ awh mawh ei sy.

HLAZY 68:18

Hy Zehôvâh Khazohpa, Chô lâ na kia nota, Patupazy cha sei ta a chhi chi ta; Cha liata na pahrâ thei nawpa ta, Chyhsazy tawhta hmopiepazy daopa ta, Dyuhtuhpazy tawhta chhao na daopa kha.

ISAI 32:8

Zachhihpa deikua cha, Zachhihpa hmozy pachhuahpanoh ta, Zachhihpa hmozy liata â duah tyh.

2 KAWRINI 9:5

Chavâta pie awpa namâ taihpazy kha pasia awpa ta, unawhzy he nâmo lâ pavysa chhielie a byuhpa ta ei pahno. Chatanachata tararuahna ta châ leipa ta, pasai ngaitapa ta piepa châ aw ta, a mâ chiehpa ta a y thei aw.

1 SAMUELA 18:17

Chatawhcha Sawla ta Dâvi hnohta, “Moh teh, he he ei sawchanô uhtheipa Merâbi a châ hih. Ano he lapinô ta ei cha pahneisa aw. Keima châta riahpha ngaitapa ta y la, Abeipa adyuhnazy cha a dyuh mah y,” tah ta. Sawla ta, “Kei ta Dâvi chô liata ku pathla leipa aw sah la, Philistinâ mo ta a chô liata ku tlao pathla lah vâ ei,” tahpa ta pachâna a hneipa vâta, cha hawhta a taopa a châ.

1 SAMUELA 25:27

Tahmâ châ chakaotuhnô ta ei zibeipa châta hmosaipa ei vaw cheipa he, ei zibeipa a vaw zipa satliazy he pie awpa ta rie paryhsa mah y.

1 SAMUELA 25:28

Châ chakaotuhnô paraona cha rie a ngiahthai mah y. Ei zibeipa he Abeipa adyuhnazy châta a dyuhpa na châpa vâta, Abeipa ta ei zibeipa he chipathla a ipa a paduapa tlai aw. Na hro chhôh zydua ta nâma liata moleina rai hmôpa châ aw vei.

1 SAMUELA 30:20

Dâvi ta mietaku zaw nata viahchao zaw zydua la ta, pheisaihzy ta sahrohzy cha Dâvi hmia lâta haoh laih ei ta, “He he Dâvi hraopa a châ hih,” tah ei ta.

1 SAMUELA 30:25

Cha bie cha Izarei châta bieraopa nata biezyhpa ta hmâh ta, cha noh tawhta tanoh taihta hmâ lymâ awpa ta tao ha ta.