1 SAMUELA 30:20 - Mara Bible RV (BSI)

²⁰ Dâvi ta mietaku zaw nata viahchao zaw zydua la ta, pheisaihzy ta sahrohzy cha Dâvi hmia lâta haoh laih ei ta, “He he Dâvi hraopa a châ hih,” tah ei ta.

1 SAMUELA 30:20 ပူးပေါင်းရင်းမြစ်များ

2 THÂTIHZYRONA 14:15

Sahroh pasatuhpazy poh ozy parao ei ta, mietaku nata râraoseihpa hluhpi a chhipa ta, Zerusale lâ ama kua haw.

2 THÂTIHZYRONA 20:25

Zehôsaphâ nata a pheisaihzy cha hraona sôh la awpa ta vawh ei ta. Chhaichhizy, chysiazy nata hmo sôhpa hluhpi athihpa rizy hry liata hmô ei ta, ama phao thei leina taihta la ei ta. Hraona sôh a hluh ngaitapa vâta, noh thôh chhôh tlai ama paly.

ISAI 53:12

Thina taihta a hrona leihtha ta, Moleipazy hry liata rei pâpa ta a ypa chhao ta, Chyhsa hluhpi moleina phaoh ta, Hmoparaopazy châta thlah a chhâpa vâta, Ano cha chyhsa rônahpazy hry liata tovyuh rai aw na ta, Thatlôpazy hry liata hraona sôh a hmô hra aw.

RAWMA 8:37

Pachhaih bao va! Cha zydua liana chata kyh miah pachâtuhpa vâta, pahnietuhpazy hlâta rônah viapa eima châ.

1 SAMUELA 30:21

Ama tha a chhâ kawpa vâta Dâvi zi thei khao leipa ei ta, Besô chavah liata ama siesai hapa chyhsa za nozy yna kha Dâvi ta kei tlô ta. A sie thei khao leipazy chata Dâvi nata a chyhsazy dy awpa ta vaw pua ei ta. Dâvi ta âmo cha a kei hnia ta, a naoh ta.

1 SAMUELA 30:26

Dâvi cha Zikalâ a vaw tlô nahta, hraona sôh thokhazy cha a viasa Zudâh machâzy paphao ta, ama hnohta, “He he nâmo châta hmosaipa a châ, Abeipa chariahpazy hraona sôh a châ hih,” tah ta.