1 SAMUELA 3:2 - Mara Bible RV (BSI)

² Cha daihti liata, Eli cha a yna su liata a zia thlâh ha ta. A mo a zoh pathao hapa vâta a phathipa ta hmô thei khao leipa ta.

1 SAMUELA 3:2 ပူးပေါင်းရင်းမြစ်များ

ÂTHAONA 27:1

Aisika cha vaw machâ ta, hmô thei khao leina taihta a mo vaw zoh ha ta. A sawchapaw uhtheipa Esaw aw ta, a hnohta, “Ei sawchapawpa,” tah ta, ano ta, “He liata ei y,” tah ta.

ÂTHAONA 48:10

Izarei cha a pawpi hapa vâta a mo zoh ha ta, chavâta hmô thei khao vei. Zawsi ta a sawchapawzy cha vaw pahnia ta, Izarei ta âmo cha a pahnâpa ta, a pyh ta.

ÂTHAONA 48:19

Châhrasala a paw ta khoh leipa ta, “Ei pahno na, ei sawchapawpa y, ei pahno na. Manase chhao phopi miakha vaw châ hra aw ta, a vaw rônah hra aw. Châhrasala a nawhta he ano hlâta rônah via aw ta, a chipathla cha phopi hluhpi a vaw châ aw,” tah ta.

1 ABEIZY 14:4

Zerôbaw lapinô ta cha hawh­ta tao ta. Thyu ta, Silô lâ sie ta, Ahiza o cha kei tlô ta. Ahiza cha a machâ hapa vâta a mo zoh ha ta, hmô thei khao leipa ta.

HLAZY 90:10

Eima hro chhôh kôzy cha kô sysari châ ta, Thatlôna vâta kô sycharie chhao a châ thei; Châhrasala hro pasina cha hriapasana nata pachârôhna dei châ ta, Thlai lei ei ta, keimo chhao eimâ zaw syulyu tyh.

BIECHHOTUHPA 12:3

o vaituhpazy a chalyupa ta, thatlôpazy ama ky a pakopa ta, ama chyh tupa vâta sâh chariehtuhpazy a chalihpa ta, opy tawhta a saituhpazy ama mo a zoh hlâta;

1 SAMUELA 2:22

Eli cha machâ kaw bâ ta, Izarei zydua chô liata a sawchapawzy hmotaopa zydua nata ahmaohna poh o chhikao liata chakaotuhpa chanôzy amâ ziakhei tyhpa kyhzy thei tyh ta.

1 SAMUELA 4:15

Eli cha kô sychaki nata kô charie uhtheipa châ ha ta, a mo chhao zoh ha ta.