1 SAMUELA 3:19 - Mara Bible RV (BSI)

¹⁹ Samuela cha laiseih lymâ ta, a hnohta Abeipa y ta, a bie reipazy leilô liata a pailyupa y vei.

1 SAMUELA 3:19 ပူးပေါင်းရင်းမြစ်များ

ÂTHAONA 21:22

Cha daihti liata, Abimele nata a pheisaih hyutuhpa Phikaw ta Abarahâ hnohta, “Na hmotaopa zydua liata Khazohpa na hnohta a y lymâ.

ÂTHAONA 28:15

Pachâ teh, na hnohta ei y. Na siena maihta cha vaih lymâ aw na ta, he râh lâ he ei châ vaw chhi heih aw. Na hnohta bie ei taihpa he, ei patlô hlâlei cha, cha siesai cheita aw va na,” tah ta.

ÂTHAONA 39:2

Abeipa cha Zawsi hnohta y ta. Vânoh thata to ta, a zibeipa Izi chyhsa o liata y ta.

ÂTHAONA 39:3

Abeipa cha Zawsi hnohta y ta, a ku ta a taopa maih Abeipa ta hlao a patlohsa lymâpa a zibeipa ta hmô ta.

1 ABEIZY 8:56

“A bietai zydua hawhta, a phopi Izarei sawzy apahâna a pietuhpa Abeipa cha reithaipa ta y mawh sy. A chakaotuhpa Mawsi hmâpa ta a bietai phapa zydua kha, a vaw tlô leipa bie miakha hmahta y vei.

2 ABEIZY 10:10

Abeipa ta Ahabâ chhôhkhazy kyh a reipa Abeipa bie cha leilô liata lei cheita aw vei tahpa pahno teh u. Abeipa ta a chakaotuhpa Elaizâh hmâpa ta a reipa kha a vaw patlô ha hih,” tah ta.

2 ABEIZY 15:12

Abeipa ta Zehu hnohta, “Izarei beidyuchhai liata na sawchapawzy chhâ palihna taih amâ tyuh aw,” tahpa ta bie a taih ta. A bietai hawhta a vaw tlôpa a châ.

2 ABEIZY 22:16

Abeipa ta hetana heta a tah, pachâ teh, Zudâh bei ta châbu bie a reipa liata chhiena zydua kha he su nata a chhôh liata a pahrâpazy chô liata ei vaw patlôsa aw.

ISAI 43:2

Tizy na chaka nota, Na hnohta y awh na ta; Chavahzy na chaka nota, Cha vao aw veih ei. Mei hry liata na sie nota, Cha kâ leipa aw ta, Meipaleih ta cha palâ aw vei.

ISAI 44:26

Nâ chakaotuhpazy bie pa-i na ta, Ei lyuhchâpazy ryhraopa a patlôsatuhpa ei châ. Zerusale kyh liata, ‘Cha liata chyhsa ama pahrâ heih aw,’ tah na ta, Zudâh khihpizy kyh liata, ‘Paduapathipa châ aw ei ta, Roryhrapa khihpizy ei paduapathi aw ei,’ A tahtuhpa ei châ.

ISAI 55:11

Cha hawhna hra chata ei bie chhao, Ei pakah tawhta pua aw ta; Aruapa ta kei lâ vaw kua aw vei. Ei chhuahpa patlô aw ta, Ei tuana chhâpa rai a pangoh aw.

MATHAI 1:23

“Pachâ teh u, laihsa kôpa ta saw phaoh aw ta, Sawchapawpa sa aw ta, A moh Imanuel ama bi aw,” tahpa ta a reipa kha â ki thei nawpa ta a vaw tlôpa a châ. Imanuel cha “Khazohpa eima hnohta a y,” tahna a châ.

LUKA 1:28

Vâlyuhchâpa cha ano lâ a vy ta, a hnohta, “Ei châ naoh na, nohlaopa y, Abeipa na hnohta a y! Chanôzy hry liata nohlao chaipa na châ,” tah ta.

LUKA 1:80

Hawsaih cha laiseih lymâ ta, thlahpa liata a tha vaw tlô via lymâ ta, Izarei hnohta â luah hlâlei cha râhchawhpa liata y thlâh ha ta.

LUKA 2:40

Hawsaih cha laiseih lymâ ta, a tha vaw tlô ta, sona ta bie ta, Khazohpa ngiachhiena ano liata y lymâ ta.

LUKA 2:52

Zisu cha laiseih ta, so via rili ta, Khazohpa nata chyhsapa modypa ta y ta.

2 KAWRINI 13:11

Achhâna ta, unawh saih u, a lypa ta y teh u. Phapaki a chhuah u la, thlah a palôh raihrie u la, palôh miakha phaohpa ta, adyryh kawpa ta y teh u. Kyhpachâna nata thlalôhna Khazohpa cha nama hnohta y mawh sy.

2 KAWRINI 13:14

Abeipa Zisu Krista ngiachhiena, Khazohpa kyhpachâna nata Thlahpa Pathaihpa akaona cha nama zydua hnohta y mawh sy.

RYHPACHANEINA 18:22

Hrohsopa ta Abeipa moh ta bie reih sala, a bie reipa cha vaw tlô leipa sala, â do leipa khiahta cha, cha cha Abeipa ta a rei leipa bie a châ. Hrohsopa ta a palai ngaitapa ta ano phichhyhpa bie a reipa châ ta, ano cha nama chi awpa châ vei.

2 TIMAWTHY 4:22

Abeipa cha na thlahpa hnohta y mawh sy. Ngiachhiena nama hnohta y mawh sy.

ZAWSUA 21:45

Izarei phopi hnohta Abeipa bietai phapa zydua miakha hmah a tlô leipa y vei. A zydua ta a tlô paki khai haw.

RYUREITUHPAZY 13:24

Chatawhcha chanô cha sawchapaw sa ta, a moh Sâsawna bi ta. Hawti cha vaw laiseih ta, Abeipa ta ano cha byhnâ pie ta.

1 SAMUELA 10:7

He ngianazy he na chô liata a vaw tlô tita, na ku ta tao awpa a hmôpa maih tao lymâ mah y, Khazohpa na hnohta a y lymâ aw.

1 SAMUELA 12:2

Tahmâ cha nama hmia lâta a sie awpa bei nama hnei haw. Kei cha machâpa nata luhpawhpa châ ha na ta, ei sawchapawzy nama hnohta ama y hih. Ei thyutlia daihti tawhta tanoh taihta nama hmia lâta ei sie lymâ.

1 SAMUELA 16:18

Satlia pakha ta a chhy ta, a hnohta, “Pachâ teh, Bethlehe khihpa Zese sawchapawpa pakha hmô na ta, ano cha totâ tô thai ngaitapa, chyhsa riahphapa, adyuhpa chyhsa, bierei a thai kawpa nata hmipha ngaitapa châ ta, Abeipa ta a ypâpa chyhsa a châ,” tah ta.

1 SAMUELA 18:12

Abeipa ta Sawla siesai ha ta, Dâvi deikua cha a ypâpa vâta, Sawla ta Dâvi cha chi kaw ta.

1 SAMUELA 18:14

Abeipa a hnohta a ypa vâta, Dâvi cha a hmotaopa maih liata hlaotlohna hmô lymâ ta.

1 SAMUELA 18:5

Sawla ta a tuana lâ maih Dâvi cha sie ta, a hlao a tloh lymâ tyh. Chavâta Sawla ta Dâvi cha pheisaih hyutuhpa ta tao ta. Cha cha chyhsa zydua pachâna liata nata Sawla chakaotuhpazy pachâna liata chhao pha tah ngaita ei ta.

1 SAMUELA 2:21

Abeipa ta Hânâ cha za tly ta, saw phaoh ta, sawchapaw pathôh nata sawchanô pano sa ta. Hawtipa Samuela cha Abeipa hmiakô liata laiseih lymâ ta.

1 SAMUELA 2:26

Hawtipa Samuela cha laiseih lymâ ta, Khazohpa nata chyhsapa modypa ta y ta.

1 SAMUELA 9:6

Châhrasala chakaotuhpa ta a hnohta, “Pachâ tua, he khih liana he Khazohpa chyhsa pakha y ta, chyhsa zachhih ngaitapa a châ, a reipa maih a tlô lymâ tyh. Cha lâ cha vawh tua ei si, eima sie nawpa lâpi miah a chho thei ngyu aw,” tah ta.