1 SAMUELA 3:13 - Mara Bible RV (BSI)

¹³ A sawchapawzy ta reipachhie tlâhpa ta âmosasyh ta â tao ei ta, cha cha a pahno thlâh hana chôta a pakhâ leipa vâta, a pathlazy cha chhâzaw ta ei hrie aw ei tahpa chho ha na ta.

1 SAMUELA 3:13 ပူးပေါင်းရင်းမြစ်များ

1 ABEIZY 1:6

Adôniza he a paw ta, “Khazia cha ta kha ta na tao?” tahpa ta a palôh châ leina khati nota hmahta a vaw chho beih leipa a châ. Ano chhao he hmipha ngaitapa châ ta, uhtheina lâta Absalaw a pazipa a châ.

1 ABEIZY 2:44

Abei ta Simei hnohta, “Ei paw Dâvi na pasasana zydua kha na palôh liata na pahno ngâ thlâh ha aw. Chyhsa na pasana kha Abeipa ta nâma luh chô liata a cha vaw palie thlu aw.

2 THÂTIHZYRONA 20:12

Hy eima Khazohpa y, âmo cha pachia aw va chi ma? Miah a vaw siehnaopa pheisaih hri hluh ngaitapa he a dyuh awpa ta tloh ma pi. Tao awpa chhao pahno ma pi. Chavâta eima mozy nâ lâta eima vaw khaih hih,’” tah ta.

BIESOZY 19:18

Na sawchapawpa cha chhorei teh, Hnabeiseihna a y lah y; A leidia thlâh ha awpa ta pachâ khah y.

BIESOZY 29:15

Sôsi nata rana ta sona pie ta, Ano y ta paysapa hawti deikua cha, A nô châta nozana a tlôkhei tyh.

BIECHHOTUHPA 7:22

Nâma tlai chhao ta mohropazy chô liata Ei hluhpi chhie na vaw sapa na palôh ta a pahnopa kha.

EZEKIA 18:30

“Chavâta Hy Izarei pathlazy saih u, chyhsa to nama hrozie chyu hawhta ei cha pachia aw ei,” Abeipa Zehôvâh ta a tah. “Ro u la, nama paraona zydua a heihsai ha muh vy. Chataleipatala paraona cha nama raona a châ pathlei aw na.

EZEKIA 7:3

Chhâna ta tahmâ a cha vaw tlô thlu haw. Na chô liata ei hiehâhna vaw tuah aw na ta, na hroziezy hawhta cha pachia aw na ta, na pasichhihna zydua vâta ei cha hrie aw.

ZÔELA 3:12

“Phopizy cha thyu ei sala, Zehôsaphâ Saikao lâ a khy mawh ei sy. Cha liata a tyuh aw na ta, Izarei chheipâh phopi zydua ei pachia aw ei.

MATHAI 10:37

Kei hlâta a paw tlyma, a nô tlyma kyh a pachâ viapa cha, ei chyhsa tlâh châ vei. Kei hlâta a sawchapaw tlyma, a sawchanô tlyma kyh a pachâ viapa chhao, ei chyhsa tlâh châ vei.

RYHPACHANEINA 17:12

Abeipa nama Khazohpa chakaotuhpa theihthaipa nata ryureituhpa bie nathlie leipa ta, a papeisa leipa chyhsa cha thie awpa a châ. Cha hawhna chata, moleina cha Izarei tawhta nama pahleipadia aw.

RYHPACHANEINA 21:18

“Chyhsa ta sawchapaw chhorupa nata atyhmâhpa hnei sala, a nô nata a paw rei a ngiah leipa sala, ama chhoreipa chhao ta ama bie a nathlie khoh leipa khiahta cha,

1 ZAWHÂNA 3:20

Eima palôh ta thailei miah a pachâsana maihta, Khazohpa cha keimo palôh hlâta a lai viapa châ ta, ato pahnotuhpa a châ tahpa eima pahno.

1 SAMUELA 2:12

Eli sawchapawzy cha dyutlai leipazy châ ei ta, Abeipa pahno veih ei.

1 SAMUELA 2:17

He satliazy moleina he Abeipa mohmô liata rarôh y ngaitapa châ ta, he chyhsazy heta Abeipa lâta atheihna hlâpazy khâpasaw ta reih veih ei.