1 SAMUELA 3:10 - Mara Bible RV (BSI)

¹⁰ Abeipa cha a vy ta, a vaw duah ta, a aw tua notapa hawhna khata, “Samuela, Samuela!” tahpa ta aw heih ta. Samuela ta, “Reih mah y, châ chakaotuhpa ta a nathlie na,” tah ta.

1 SAMUELA 3:10 ပူးပေါင်းရင်းမြစ်များ

ZAWSUA 5:14

Chyhsa chata, “Châ vei, Abeipa pheisaihzy hyutuhpa ei châ. Tahmâ ei vy haw,” tah ta. Chatawhcha Zawsua cha alei liata â khu lâta pao ta, Abeipa pheisaihzy hyutuhpa cha a chhy ta, a hnohta, “Ei zibeipa ta a chakaotuhpa hnohta khâpa ma rei awpa a hnei tly?” tah ta.

1 SAMUELA 12:2

Tahmâ cha nama hmia lâta a sie awpa bei nama hnei haw. Kei cha machâpa nata luhpawhpa châ ha na ta, ei sawchapawzy nama hnohta ama y hih. Ei thyutlia daihti tawhta tanoh taihta nama hmia lâta ei sie lymâ.

1 SAMUELA 3:11

Abeipa ta Samuela hnohta, “Moh teh, Izarei liata hmo miakha tao aw na ta, a theipa maihta ama nah kârano ta a khai aw.

1 SAMUELA 3:15

Samuela cha my taihta a zia ta, chatawhcha Abeipa o ochhizy cha pahy ta. Samuela ta aluahna a hmôpa cha Eli pahnosa awpa chi kaw ta.

1 SAMUELA 3:21

Abeipa cha Silô liata a luah heih ta, Abeipa bie hmâpa ta Samuela hnohta anosasyh ta a phualuah ta.

1 SAMUELA 3:8

Abeipa ta Samuela cha a ei thôhna ta aw heih ta. Thyu ta, Eli lâ vawh ta, a hnohta, “He liata ei y, na aw chi ta,” tah ta. Hawtipa cha Abeipa ta a aw tahpa Eli ta pahno ha ta.

1 SAMUELA 3:9

Chavâta Eli ta Samuela hnohta, “Vawh la, a kei zia la, a cha aw heih khiahta cha, ‘Abeipa y, bie reih teh, châ chakaotuhpa ta a nathlie,’ tah mah y,” tah ta. Chatawhcha Samuela cha vawh ta, a yna liata a kei zia ta.