1 SAMUELA 29:6 - Mara Bible RV (BSI)

⁶ Akisâ ta Dâvi cha aw ta, a hnohta, “Abeipa hrona reipa ta ei reih, chyhsa dopa châ chi ta, chavâta pheisaihzy hry liata ei hnohta na sie tyhpa nata na vaw tlô tyhpa zy he, keima mohmô liata la a pha ngaita. Kei lâ nâ vy noh tawhta tanoh taihta, nâma liata adoleina khâpa hmah hmô va na. Châhrasala beimachâzy heta cha ngâ veih ei.

1 SAMUELA 29:6 ပူးပေါင်းရင်းမြစ်များ

ÂTHAONA 16:6

Abarâ ta Sârai hnohta, “Nathlie teh, na seichanô cha na ku liata a y. Pha na tahnazie hawhta a chô liata tao mah y,” tah ta. Sârai ta Hâkarâ cha a rie thata pathei ta. Chavâta Hâkarâ ta Sârai cha â râsai haw.

2 SAMUELA 3:25

Nerâ sawchapawpa Abane he na pahno mâh tâh. Cha dôvei awpa ta a vypa a châ khawh. Na puana nata nâ ngiana zy pahno ta, na hmo taopa zydua pahno a chhuahpa ta â vypa a châ,” tah ta.

2 ABEIZY 19:27

“Châhrasala nâ tyupa pahno na ta, Na puapa nata nâ ngiapa chhao ei pahno; Ei chô liata na hiehâhna chhao ei pahno.

HLAZY 121:8

Abeipa ta na puapa nata nâ ngiapa cha vaih aw ta, Tahmâ tawhta chhâzaw ta a cha vaih lymâ aw.

ISAI 37:28

“Nâ tyupa pahno na ta, Na puapa nata nâ ngiapa ei pahno; Ei chô liata na hiehâhna chhao ei pahno.

ISAI 65:16

Kha hlâta nôponazy kha mypa châ ha ta, Ei mo tawhta nyupa a châ hapa vâta, Alei liata anosasyh ta byhnâ â awpa cha, Biehmeiseihpa Khazohpa ta byhnâ pie aw ta, Alei liata bietai a taopa cha, Biehmeiseihpa Khazohpa liata bietai a taopa a châ aw.”

ZEREMIAH 12:16

Chatawhcha hetana heta a vaw châ aw. Phopi hropazy ta Bâlâ moh ta bie a taih awpa ta ei phopi ama vaw pachu hapa chhao ta, ei phopi hroziezy pakhâta ta a chu ei sala, ‘Abeipa hrona reipa ta ei reih,’ tahpa ta ei moh ta bie amâ taih khiahta cha, ei phopi hry liata âmo chhao ei padua aw ei.

MALUHREINA 27:17

Ano chata zawpizy hmia lâta pua aw ta, a tlôkhei aw ei. Zawpizy chhihtha aw ta, â ngiakhei aw ei. Chatanachata Abeipa chyhsa zawpizy cha vaituhpa hnei leipa mietaku hawhta y aw veih ei,” tah ta.

MATHAI 5:16

Cha hawhna chata, nama khaihna cha chyhsa mohmô ta khaih mawh sy. Chatanachata nama hmo pha taopa hmô aw ei ta, nama Paw avâ liata a ypa ama palyupalih thei aw.

RYHPACHANEINA 10:20

Abeipa nama Khazohpa cha chi aw chi ta, ano chakao aw chi ta, ano cha khâchâ patu aw chi ta, ano moh ta bie namâ taih awpa a châ.

ZAWSUA 22:30

Theihthaipa Phinehâ nata a hnohta a siepa zawpi chhituhpa Izarei pho hyutuhpazy ta Rubena pathlazy, Kâdâ pathlazy nata Manase pathlazy bie reipa cha ama thei nahta, a ly kaw ei ta.

1 PITY 2:12

Zenitaizy hry liata zachhihpa ta y teh u. Chatanachata moleina hmo a taopazy hawhta ama cha reipachhiepa chhao ta, nama hmo pha taopazy hmô aw ei ta, Khazohpa ta miah a vaw tly noh ta ano cha ama palyupalih thei aw.

1 PITY 3:16

chhie nata pha pahnona pathaihpa hmâpa ta nama tao awpa a châ. Chatanachata Krista liata nama hrozie phapa a reipachhie tyhpazy cha maophyuhpa ta ama y aw.

1 SAMUELA 20:3

Dâvi ta bie a taih heih ta, Zawnathâ hnohta, “Eina ngiachhiezie chi he na paw ta pahnopasia ta, chavâta, ‘He hmo he la Zawnathâ ta pahno khah sy, chataleipatala a pachâ a rôh kaw aw na,’ a tahpa vâta a châ aw. Abeipa hrona nata nâma hrona reipa ta ei reih, hmeiseihta ta la, keima nata thina likawh he keih kha deita â hla bâ,” tah ta.

1 SAMUELA 28:10

Sawla ta Abeipa moh ta a hnohta bie a taih ta, “Abeipa hrona reipa ta ei reih, he hmo vâna heta na chô liata hriena tlô cheita aw vei,” tah ta.

1 SAMUELA 29:3

Philistinâ pheisaih hyutuhpazy ta, “He Hebrai mo he, he liata khâpa ma ama tao?” tah ei ta. Akisâ ta Philistinâ pheisaih hyutuhpazy hnohta, “He he Davi, Izarei bei Sawla chakaotuhpa a châ. Kei lâ â vaw râ tawhta, ei hnohta cha ti kô sy y ha ta, tanoh taihta ano liata adoleina khâpa hmah hmô va na?” tah ta.

1 SAMUELA 29:7

Chavâta tahmâ a lie ha la, Philistinâ beimachâzy palysa leipa ta na y lei nawpa ta, palôh tlâh kawpa ta sie ha mah y,” tah ta.

1 SAMUELA 5:8

Chyhsa tuah ei ta, Philistinâ bei zydua aw pakhy ei ta, ama hnohta, “Izarei Khazohpa Byh he kheihta ma eima tao aw?” tah ei ta. Âmo ta, “Izarei Khazohpa Byh he Kâthâ khihpi lâ siekheipa châ mawh sy,” tah ei ta. Chatanachata Izarei Khazohpa Byh cha Kâthâ khihpi lâ siekhei ei ta.