1 SAMUELA 29:3 - Mara Bible RV (BSI)

³ Philistinâ pheisaih hyutuhpazy ta, “He Hebrai mo he, he liata khâpa ma ama tao?” tah ei ta. Akisâ ta Philistinâ pheisaih hyutuhpazy hnohta, “He he Davi, Izarei bei Sawla chakaotuhpa a châ. Kei lâ â vaw râ tawhta, ei hnohta cha ti kô sy y ha ta, tanoh taihta ano liata adoleina khâpa hmah hmô va na?” tah ta.

1 SAMUELA 29:3 ပူးပေါင်းရင်းမြစ်များ

ÂTHAONA 14:13

Chyhsa â râpa pakha a vy ta, Mamre thothih liata a pahrâpa Hebrai chyhsa Abarâ hnohta cha thâtih cha chho ta. Mamre cha Amawri chyhsa châ ta, Eskaw nata Ane unawhpa a châ. Âmo cha Abarâ nata a pazaopa ama châ.

1 THÂTIHZYRONA 12:19

Sawla a dyuh awpa ta Philistinâ mo hnohta Dâvi a sie hra nota, Manase chi tawhta pheisaih thokhazy Dâvi lâ a vaw râ ei ta. Châhrasala Dâvi ta Philistinâ mo cha bao khao vei. Philistinâ ryureituhpazy ta reihpahmaoh ei ta, “A zibeipa Sawla chhâh a châpa ta, keimo luh tlao miah a la pathlei aw na,” tah ei ta, Dâvi cha ama pakuasa haw.

1 THÂTIHZYRONA 12:20

Zikalâ lâ a lie ta, Manase chi tawhta Adanâh, Zôzabâ, Zedia, Mikaila, Zôzabâ, Elihu nata Zilethai zy ta Dâvi cha amâ kei bai. Âmo cha pheisaih sâh kha hyutuhpazy ama châ.

DÂNIAH 6:5

Chavâta chyhsazy chata, “He Dâniah he, a Khazohpa ryhpa kyh liata leih nawpa eima tlua tah leipa ta cha, ano leih nawpa chhâpa hmô aw ma pi,” tah ei ta.

ZAWHÂNA 19:6

Theihthai beizy nata hyutuhpazy ta Zisu ama hmôpa nahta, “Khaipâ teh, Khaipâ teh!” tahpa ta awh ei ta. Pilâ ta ama hnohta, “Nâmo ta a chhi u la, khaipâ teh u, kei la thailei a châna khâpa hmah hmô va na,” tah ta.

RAWMA 12:17

Ahy moleina rai moleina ta viarithô leipa u la, chyhsa zydua mohmô ta hmo dopa tao awpa ta pachâna tlao hmâh tyh muh vy.

1 PITY 3:16

chhie nata pha pahnona pathaihpa hmâpa ta nama tao awpa a châ. Chatanachata Krista liata nama hrozie phapa a reipachhie tyhpazy cha maophyuhpa ta ama y aw.

1 SAMUELA 14:11

Ama pano ta Philistinâ pheisaihzy cha a kaw pahmôsa ei ta. Philistinâ mo ta, “Moh tua u, Hebrai mo amâ nyuna khaohtlô tawhta ama vaw pua huh,” tah ei ta.

1 SAMUELA 25:28

Châ chakaotuhnô paraona cha rie a ngiahthai mah y. Ei zibeipa he Abeipa adyuhnazy châta a dyuhpa na châpa vâta, Abeipa ta ei zibeipa he chipathla a ipa a paduapa tlai aw. Na hro chhôh zydua ta nâma liata moleina rai hmôpa châ aw vei.

1 SAMUELA 27:1

Dâvi ta a palôh liata, “Khati ta ma cha Sawla ku liata ei leidia ualua aw hih. Philistinâ râh lâ a râpa hlâta a pha viapa y thlyu aw vei. Sawla ta Izarei râh liata eina tluapa he a hnabeidy daihti tlô aw ta, chatanachata a ku tawhta ei boh ha aw,” tah ta.

1 SAMUELA 27:7

Dâvi cha Philistinâ râh liata kô kha nata thla palih tlai y ta.

1 SAMUELA 29:6

Akisâ ta Dâvi cha aw ta, a hnohta, “Abeipa hrona reipa ta ei reih, chyhsa dopa châ chi ta, chavâta pheisaihzy hry liata ei hnohta na sie tyhpa nata na vaw tlô tyhpa zy he, keima mohmô liata la a pha ngaita. Kei lâ nâ vy noh tawhta tanoh taihta, nâma liata adoleina khâpa hmah hmô va na. Châhrasala beimachâzy heta cha ngâ veih ei.

1 SAMUELA 4:6

Philistinâ mo ta ama awpa pyu cha ama thei nahta, “Hebrai mo riehmo liata awpa pyu a paro ngâpa cha khâpa ma a yzie tly?” tah ei ta. Abeipa Byh riehmo liata a vaw tlôpa a châzie ama pahno nahta,