1 SAMUELA 28:7 - Mara Bible RV (BSI)

⁷ Sawla ta a chakaotuhpazy hnohta, “Peihthaipa chanô na tluapa teh u, ano lâ sie aw na ta, ei saohiah aw,” tah ta. A chakaotuhpazy ta a hnohta “Enadaw khih liata peihthaipa chanô a y,” tah ei ta.

1 SAMUELA 28:7 ပူးပေါင်းရင်းမြစ်များ

2 ABEIZY 6:33

Cha hawhta a chho hai no ei ta, lyuhchâpa cha ano lâ a zu ta, a hnohta, “He hmo pha leipa he Abeipa vaw tuapa a châ hih! Khazia Abeipa cha ei hâ khao aw?” tah ta.

1 THÂTIHZYRONA 10:13

Sawla cha Abeipa châta ngâ â chhih leipa vâta a thi hapa a châ. Abeipa biepiepa zyh leipa ta, pachaothaipazy tlao a saohiah ta a pachaosa tyh ei.

HLAZY 83:10

Âmo cha Enadaw liata pahleipadiapa châ ei ta, Chhaohlei châta ie hawh dei ama châ haw.

ISAI 19:3

Izi mo cha ama palôh pachhâsapa châ aw ta, Ama ryhraona ei patypamâ aw. Khazoh nothlahpazy nata dyuthaipazy a saohiah aw ei ta, Peihthaipazy nata pachaothaipazy amâ saohiah aw.

THEIHTHAINA 19:31

“Peihthaipa tlyma, ahripa lâta pachaothaipa tlyma pangai leipa u la, chazy liata a papuapalei awpa ta âmo cha tlua hra khah u. Kei he Abeipa nama Khazohpa ei châ.

HABAKU 2:3

Aluahna cha a daihti raopa hâ chy ta, Chhâna kyh reih ta, Rei chhei aw vei. Vaw tlô mâh vei hra sala, Hâ hualua mah y; A vaw tlô thlyu aw, Hawh aw vei.

HMOTAOPAZY 16:16

Thlahchhâna su lâ eima sie nota, sei laihsa pakha ta miah a vaw tyh ta. Ano cha pachaothaina thlahpa a hneipa châ ta, pachaona bie a reipazy tawhta a zibeipa châta sôh hluhpi a hmô tyhpa a châ.

RYHPACHANEINA 18:11

Dyuthaipazy, thlahpa nata ahripa bie a chho thaipazy nata athih lâ hryh thaipazy chhao nama hry liata ama y awpa châ vei.

ZAWSUA 17:11

Iskâra nata Asera râhzy liata chhao Manase ta khihpizy hnei ta, Besia nata a khichapeihzy, Ibalia nata a khichapeihzy, Dôrâ khihsawzy nata a khichapeihzy, Enadô khihsawzy nata a khichapeihzy, Tânâ khihsawzy nata a khichapeihzy nata Mekidô khihsawzy nata a khichapeihzy cha Manase khihpizy châ ei ta, bia thôh a ô.

1 SAMUELA 28:3

Samuela cha thi ha ta, Izarei zydua ta ano châta mâchhiesa ei ta, ano khih, Râmâ liata ama pabu hapa kha châ ta. Peihthaipazy nata dyuthaipazy chhao Sawla ta râh tawhta papua khai ha ta.