1 SAMUELA 28:6 - Mara Bible RV (BSI)

⁶ Abeipa a saohiah ta, châhrasala Abeipa ta mâ lâta tlyma, Uri ta tlyma, hrohsopazy hmâpa ta tlyma a chhy leipa ta.

1 SAMUELA 28:6 ပူးပေါင်းရင်းမြစ်များ

2 SAMUELA 22:42

Mohmia pasaih ei ta, A pachha awpa y veih ei; Abeipa aw ei ta, Châhrasala âmo a chhy vei.

HLAZY 74:9

Ngiana nata hmonoâhpazy hmô khao leipa pi ta, Hrohsopa rai y khao leipa ei ta; Khati taih ma he hawhta a sie aw tahpa a pahnopa chhao, Eima hry liata y veih ei.

PUASAINA 28:20

tlâh palihna cha beri, awnisi nata zaspi lôzy a châ aw. Chazy cha ngôh patusana liata pangaih awpa a châ.

PUASAINA 28:30

Pachiana chachôhna vyhphao liata Uri nata Thumi soh aw chi ta, Abeipa hmiakô lâ Arawna a vaw tita, cha cha a pathipalôh liata y aw ta, chatanachata Izarei sawzy pachiana cha Arawna ta a pathipalôh liata khatino rai ta a theipa ta, Abeipa hmiakô liata â dua tyh awpa a châ.

BIESOZY 27:1

Mylâ ta hmo a vaw y awpa a palaikhei khah y, Cha noh chata khâpa ma a vaw tlôkhei aw tahpa pahno tlôh chi va.

ZEREMIAH 23:28

Mâsapa a hneipa hrohsopa ta a mâsapa cha reih sala, ei bie a hneipa ta ei bie cha ngâchhihpa ta reih mawh sy. Sâh kô nata sâh hmô zy khâpa alyuna ma ama hnei?” Abeipa ta a tah.

CHAPHÔHTUNA 2:9

A thokhy chhikaozy alei liata pao ei ta, A chhikao lâhreizy parao ta a thlie khai haw; Abei nata beimachâzy cha phopi hropazy hry liata y ei ta, Ryhpa y khao vei; A hrohsopazy chhao ta, Abeipa tawhta aluahna hmô khao veih ei.

ZÔELA 2:28

“Cha hnôhlâ liata cha, Hetana heta a vaw y aw: Chyhsa zydua chô liata ei Thlahpa hry aw na ta, Nama sawchapawzy nata nama sawchanôzy ta hrohsona bie ama phuah aw; Nama pawpipazy ta mâ sa aw ei ta, Nama thyutliazy ta aluahnazy ama hmô aw.

THEIHTHAINA 8:8

Cha khai tawhta chachôhna vyhphao paky ta, chachôhna vyhphao liana cha Uri nata Thumi khô ta.

MIKÂ 3:7

Hrohsopazy nohzaopa ta y aw ei ta, Peihthaipazy nozapa ta ama y aw.

MALUHREINA 12:6

Abeipa ta, “Ei bie nathlie teh u: Nama hry liata hrohsopa a y khiahta cha, kei, Abeipa ta aluahna ta a hnohta a pahnosa na ta, mâ lâta bie ei chho tyh.

MALUHREINA 27:21

Ano cha theihthaipa Eliaza hmiakô liata a duah aw ta, theihthaipa Eliaza ta Abeipa hmiakô liata Uri hmâpa ta pachiana bie a hiahripa tyh aw. Ano nata a hnohta a ypa Izarei zawpi zydua ano rei sai ta pua aw ei ta, ano rei sai ta amâ ngia aw,” tah ta.

MATHAI 1:20

Châhrasala he hmo he a pachâ hai nota, Abeipa vâlyuhchâpa cha a hnohta a mâ lâta a vaw luah ta, “Dâvi sawchapawpa Zawsi y, Mâri na lapinô ta hnei awpa chi khah y. A saw phaopa kha Thlahpa Pathaihpa ta a paphaosapa a châ.

ZAWHÂNA 9:31

Khazohpa ta moleipa bie nathlie vei tahpa eima pahno. Châhrasala ahy rai ta Khazohpa a chhy ta a khopa a taopa cha, Khazohpa ta a bie a nathlie tyh.

RYHPACHANEINA 33:8

Livai châta byhnâ awna: “Livai hnohta na Thumi pie la, Na mopathaihpa hnohta na Uri pie mah y. Ano cha Mâsâ liata pasia chi ta, Meribâ tizy liata na pahao.

ZÂMIE 4:3

Hiah ei chi ta, nama hiapa su leipa ta, nama aohraohna châta hmâ awpa ta nama hiapa vâta, hmô veih ei chi.

1 SAMUELA 14:37

Sawla ta, “Philistinâ mo cha ei zâ dyuh aw mâ? Âmo cha Izarei ku liata na pie aw mâ?” tahpa ta Khazohpa hiahri ta. Châhrasala cha noh liata Khazohpa ta a chhy leipa ta.

1 SAMUELA 28:15

Samuela ta Sawla hnohta, “Khazia he hawhta na aw papuapa ta eina patypamâ chi?” tah ta. Sawla ta a chhy ta, “Ei nôpo ngaitapa vâta a châ. Philistinâ mo ta nâ dyuh ei ta, Khazohpa hra cha nâ heihsai ha ta, hrohsopazy hmâpa ta tlyma, mâ lâta tlyma, nâ chhy khao leipa ta. Chavâta ei tao awpa na chho awpa ta ei cha aw papua,” tah ta.

1 SAMUELA 28:5

Sawla cha Philistinâ pheisaihzy a hmô nahta, chi ngaita ta, liathih thata nie ta.