1 SAMUELA 28:16 - Mara Bible RV (BSI)

¹⁶ Samuela ta, “Cha hawhta Abeipa ta châ heihsai ha ta, na chariahpa lâta tlao â lie hapa na pahno thlâh tlôh khiahta cha, khazia eina hiahri chi?

1 SAMUELA 28:16 ပူးပေါင်းရင်းမြစ်များ

2 ABEIZY 6:27

Abei ta, “Abeipa ta a cha bao leipa khiahta cha, khataih tawhta ma kei ta zua ei cha bao aw? Sawhri tawhta sâh y khao leipa ta, kre saohna tawhta kresawhti y khao vei,” tah ta.

CHAPHÔHTUNA 2:4

Chariahpa hawhta a libaw a kei ta, Khakhaipa hawhta a ku chachâh lâ â pachyh haw; Zaio sawchanô poh o liata, Eima modypa zydua a thie khai haw; A hiehâhna cha, Mei hawhta a lei thlu haw.

CHAPHÔHTUNA 2:5

Abeipa cha chariahpa hawhta châ ha ta, Izarei a palâ khai haw; A bei ozy palâ khai ha ta, A thokhyzy a parao khai haw; Zudâh sawchanô chhôh liata, Mâchhiesana nata chaphôhtuna a papôh haw.

BIEPHUAH 18:20

“Hy avâ, ano vâta a ly la, Nâmo, mopathaihpazy, Nâmo, lyuhchâpazy, Nâmo, hrohsopazy, Ano vâta a ly teh u; Khazohpa ta a chô liata Viari a cha thôpa ha ei hih.”

BIEPHUAH 18:24

A chhôh liata hrohsopazy thisaih y ta, Mopathaihpazy thisaih chhao y ta, Lei liata thiepa zydua thisaih a y.”

RYUREITUHPAZY 5:31

“Cha hawhna chata, Hy Abeipa, Na chariahpa zydua leidia khai ei sala, Na viasazy deikua cha, Noh hawhta khaih ei sala, Thatlôpa ta thyu mawh ei sy!” Chatanachata râh cha kô sypalih chhôh thlalôhpa ta y ta.

1 SAMUELA 28:15

Samuela ta Sawla hnohta, “Khazia he hawhta na aw papuapa ta eina patypamâ chi?” tah ta. Sawla ta a chhy ta, “Ei nôpo ngaitapa vâta a châ. Philistinâ mo ta nâ dyuh ei ta, Khazohpa hra cha nâ heihsai ha ta, hrohsopazy hmâpa ta tlyma, mâ lâta tlyma, nâ chhy khao leipa ta. Chavâta ei tao awpa na chho awpa ta ei cha aw papua,” tah ta.

1 SAMUELA 28:17

Keima hmâpa ta a reipa hawhna khata, Abeipa ta na chô liata a tao ha cha zaw. Abeipa ta khinarâh cha na ku tawhta la ta, na opapa Dâvi a pie haw.