1 SAMUELA 28:15 - Mara Bible RV (BSI)

¹⁵ Samuela ta Sawla hnohta, “Khazia he hawhta na aw papuapa ta eina patypamâ chi?” tah ta. Sawla ta a chhy ta, “Ei nôpo ngaitapa vâta a châ. Philistinâ mo ta nâ dyuh ei ta, Khazohpa hra cha nâ heihsai ha ta, hrohsopazy hmâpa ta tlyma, mâ lâta tlyma, nâ chhy khao leipa ta. Chavâta ei tao awpa na chho awpa ta ei cha aw papua,” tah ta.

1 SAMUELA 28:15 ပူးပေါင်းရင်းမြစ်များ

HLAZY 51:11

Na hmiakô tawhta na thy leipa la, Na Thlahpa Pathaihpa na lapa khah y.

BIESOZY 14:14

Palôh hnôhsypa cha a hrozie theizy ta pabiepa châ aw ta, Chyhsa phapa chhao a hrozie theizy ta pabiepa a châ aw.

HÔSIA 9:12

Saw amâ pyhpa chhao ta, Pakha hmah ama y khao leina taihta Mâchhie ei pasasa lymâ aw ei. Ei heihsai ti ei ta cha, Ama hu a po tlai aw.

MATHAI 25:41

“Cha khai tawhta a chavei lâta a ypazy hnohta, ‘Chhiesapa ta a ypa saih u, ahripa nata a lyuhchâpazy châta a chhuahdypa chhâzaw mei lâ na siesai teh u.

RYUREITUHPAZY 16:20

Delilâ ta a hnohta, “Sâsawna, Philistinâ mo ta ama cha vaw siehnao!” tah ta. Â môpa cha a kaw hra ta, “Noh hrozy hawhna khata pua aw na ta, ei tlieh papua thlâh heih awh,” tahpa ta pachâ ta. Abeipa ta a siesai hapa pahno vei.

1 SAMUELA 18:12

Abeipa ta Sawla siesai ha ta, Dâvi deikua cha a ypâpa vâta, Sawla ta Dâvi cha chi kaw ta.

1 SAMUELA 23:2

Dâvi cha Abeipa a saohiah ta, “Philistinâ mo cha a dyuh awpa ta ei sie aw ma?” tah ta. Abeipa ta Dâvi hnohta, “Sie la, Philistinâ mo cha a zâ dyu la, Keilâh khih za pachha teh,” tah ta.

1 SAMUELA 23:4

Dâvi ta Abeipa a saohiah heih ta, Abeipa ta a chhy ta, a hnohta, “Thyu la, Keilâh lâ cha zu teh, Philistinâ mo cha na ku liata ei cha pie aw,” tah ta.

1 SAMUELA 28:11

Chanô ta, “Ahy ma ei cha awpa aw?” tah ta. Ano ta, “Samuela na awpa teh,” tah ta.

1 SAMUELA 28:16

Samuela ta, “Cha hawhta Abeipa ta châ heihsai ha ta, na chariahpa lâta tlao â lie hapa na pahno thlâh tlôh khiahta cha, khazia eina hiahri chi?

1 SAMUELA 28:6

Abeipa a saohiah ta, châhrasala Abeipa ta mâ lâta tlyma, Uri ta tlyma, hrohsopazy hmâpa ta tlyma a chhy leipa ta.

1 SAMUELA 28:8

Sawla cha a hmisâ nata â tobizie panano ta, ano nata chyhsa hropa pano chhaota sie ei ta. Chanô yna cha zâ ta kei tlô ei ta. Sawla ta, “Peihpa ta thlahpa nâ saohiahpa la, a moh ei cha chhopa maih na awpa mah y,” tah ta.

1 SAMUELA 30:6

Chyhsa to ta ama sawchapawzy nata sawchanôzy vâta palôh pasa ngaitapa ta y ei ta. Chavâta Dâvi cha alô ta vaw awpa kyh reih ei ta. Dâvi cha a nôpo kaw ta. Châhrasala Dâvi cha Abeipa a Khazohpa liata tha a patlô ta.