1 SAMUELA 28:11 - Mara Bible RV (BSI)

¹¹ Chanô ta, “Ahy ma ei cha awpa aw?” tah ta. Ano ta, “Samuela na awpa teh,” tah ta.

1 SAMUELA 28:11 ပူးပေါင်းရင်းမြစ်များ

ISAI 8:19

Chyhsazy ta, “Pavaw tieta hawhta sâh ei ta, chaeichamypa ta bie a reihpa peihthaipa nata dyuthaipa zy a saohiah teh u,” ama cha tah tita, hetana heta a chhy teh u. Phopi miakha châ hra tlôhpa khiahta cha, ama Khazohpa amâ saohiah awpa châ hri vei ma? Ahrohpazy châta ma athipa tlao amâ saohiah aw?

RYHPACHANEINA 18:11

Dyuthaipazy, thlahpa nata ahripa bie a chho thaipazy nata athih lâ hryh thaipazy chhao nama hry liata ama y awpa châ vei.

1 SAMUELA 28:10

Sawla ta Abeipa moh ta a hnohta bie a taih ta, “Abeipa hrona reipa ta ei reih, he hmo vâna heta na chô liata hriena tlô cheita aw vei,” tah ta.

1 SAMUELA 28:12

Chanô cha Samuela a hmô nahta, thata sâh ta. Chanô ta Sawla hnohta, “Khazia eina dôvei chi? Sawla na châpa he,” tah ta.

1 SAMUELA 28:15

Samuela ta Sawla hnohta, “Khazia he hawhta na aw papuapa ta eina patypamâ chi?” tah ta. Sawla ta a chhy ta, “Ei nôpo ngaitapa vâta a châ. Philistinâ mo ta nâ dyuh ei ta, Khazohpa hra cha nâ heihsai ha ta, hrohsopazy hmâpa ta tlyma, mâ lâta tlyma, nâ chhy khao leipa ta. Chavâta ei tao awpa na chho awpa ta ei cha aw papua,” tah ta.