1 SAMUELA 27:8 - Mara Bible RV (BSI)

⁸ Dâvi nata a chyhsazy cha khy ei ta, Kesuri mo, Kirizi mo nata Amale mozy kaw chho ei ta. Âmo he hlâno tawhta he râh liata a vaw pahrâpa, Izi râh daih lâ Surâ taihta a pahrâpazy ama châ.

1 SAMUELA 27:8 ပူးပေါင်းရင်းမြစ်များ

2 SAMUELA 14:23

Chatawhcha Zôabâ cha thyu ta, Kesu lâ sie ta, Absalaw cha Zerusale lâ a vaw chhi ta.

2 SAMUELA 14:32

Absalaw ta Zôabâ cha a chhy ta, a hnohta, “Pachâ teh, abei lâ cha tuahpa ta, a hnohta, ‘Khâpa­ vâta ma Kesu tawhta ei vy ngâ kawna tly? Kha liana kha vaw y thlâh ha aw sah la ei châta a pha via awpa tlai,’ tahpa ta kei chho awpa ta bie cha vaw ta na ta. Chavâta abei hmia cha tahmâ na pahmôsa teh. Paraona a hneipa ei châ khiahta cha, na thie thlâh ha mawh sy,” tah ta.

2 SAMUELA 15:8

Châ chakaotuhpa heta Aramia râh Kesu liata ei y no kha, ‘Abeipa ta Zerusale lâ einâ chhi pakhua heih tlai khiahta cha, Abeipa ei chakao aw,’ tah­pa ta bie a vaw tai ha na ta,” tah ta.

2 SAMUELA 3:22

A sie khaipa nahta, Dâvi chakaotuhpazy cha Zôabâ chhaota hrâsiena lâ tawhta vaw tlô ei ta, hraona sôh hluhpi vaw phaoh ei ta. Abane deikua cha Hebraw liata Dâvi hnohta y khao leipa ta, Dâvi ta thlalôhpa ta pasiesa ha ta.

2 SAMUELA 3:3

A panona cha Kâmel zuah Nâbâ ta a panôhmeipa Abikai liata a sapa Khilia châ ta, a pathôhna cha Kesuri bei Tâmai sawchanô Mâkâ sawchapawpa Absalaw châ ta;

2 SAMUELA 8:12

Cha hraona sôhzy cha Aramia tawhta zy, Môabâ tawhta zy, Amawna mo tawhta zy, Philistinâ mo tawhta zy, Amale tawhta nata Rehô sawchapawpa Zôbâ bei Hadâdeze tawhta ama lapazy a châ.

1 THÂTIHZYRONA 2:23

Châhrasala Kesu nata Aramia ta Kilia râh liata Havôzairâ nata Kenathâ khihpizy nata ama khichapeihzy, khih sycharu cha âmo tawhta la ei ta. Ama zydua heta Kilia paw Mâkhi pathlazy ama châ.

PUASAINA 15:22

Mawsi ta Izarei sawzy cha Tilaipi Saihpa tawhta puakhei ta, Surâ râhchawhpa lâ pangaipa ta sie ei ta. Râhchawhpa liata noh thôh sie ei ta, ti rai hmô leipa ei ta.

PUASAINA 17:8

Chatawhcha Amale mo a vy ei ta, Izarei mo cha Rephidi liata a vaw dyuh ei ta.

MALUHREINA 13:29

Amale mo chho lâ râh liata pahrâ ei ta, Hiti mo, Zebu mo nata Amawri mozy cha tlâh râh liata pahrâ ei ta, Kâna mo cha tilaipi kiah nata Zawdâh kao zy liata ama pahrâ,” tah ei ta.

MALUHREINA 14:45

Chatanachata tlâh râh liata a pahrâpa Amale mo nata Kâna mozy cha a zu ei ta, âmo cha thie ei ta, Hômâ tlâh taihta a chadai ei ta.

ZAWSUA 12:5

Ôkâ cha Hâmaw Tlâh liata zy, Salekâ khihpi liata zy, Kesurimô nata Mâkâ mo râhri taihta Bâsanâ râh zydua chô liata zy ryureih ta, Hesbaw bei Sihaw râhri taihta Kilia râh khophie chô liata chhao ryu a reihpa a châ.

ZAWSUA 13:13

Kesuri mo nata Mâkâ mo deikua cha, Izarei sawzy ta papua veih ei. Kesuri mo nata Mâkâ mo cha tanoh taihta Izarei sawzy hry liata ama y.

ZAWSUA 13:2

Hezy he la mâh leipa râhzy a châ: Philistinâ râh zydua nata Kesuri mo râh zydua;

ZAWSUA 16:10

Keze liata a pahrâpa Kâna mo deikua cha, papua veih ei. Chavâta Kâna mo cha tanoh taihta Epharai mo hry liata pahrâ ei ta, rai hriatuhpazy ta taopa ama châ.

RYUREITUHPAZY 1:29

Epharai pathlazy chhao, Keze khih liata a ypa Kâna mo papua veih ei. Chavâta Kâna mo cha ama hry liata Keze khih liata ama pahrâ lymâ hra.

1 SAMUELA 29:6

Akisâ ta Dâvi cha aw ta, a hnohta, “Abeipa hrona reipa ta ei reih, chyhsa dopa châ chi ta, chavâta pheisaihzy hry liata ei hnohta na sie tyhpa nata na vaw tlô tyhpa zy he, keima mohmô liata la a pha ngaita. Kei lâ nâ vy noh tawhta tanoh taihta, nâma liata adoleina khâpa hmah hmô va na. Châhrasala beimachâzy heta cha ngâ veih ei.

1 SAMUELA 30:1

A noh thôhna noh liata Dâvi nata a chyhsazy cha Zikalâ tlô ei ta. Amale mo ta Neke nata Zikalâ khihpi chho ei ta. Zikalâ cha pahnie ei ta, mei ta rao ha ei ta.