1 SAMUELA 26:8 - Mara Bible RV (BSI)

⁸ Abisai ta Dâvi hnohta. “Tanoh he Khazohpa ta na chariahpa na ku liata a cha pie haw. Asei ta alei nata a kei chô pâ ha tua tlai sah, ei kha a chô â daih aw, a chô chanei byuh aw vei,” tah ta.

1 SAMUELA 26:8 ပူးပေါင်းရင်းမြစ်များ

2 SAMUELA 16:9

Zeru sawchapawpa Abisai ta abei hnohta, “Hao i thiruapa hao ta ei zibeipa abei he khâpa vâta chhie a sapa ma a châ tly? Vawh aw na ta, a luh ei kei tai tua aw” tah ta.

HLAZY 31:8

Ei chariahpa ku liata na hlâ leipa chi ta, Ei pheizy su kawhpa liata na paduasa.

ZEREMIAH 40:15

Kariah sawchapawpa Zôhanâ ta Kedaliah cha Mizpâ liata arulâta bie chho ta, a hnohta, “Sie aw na ta, Nethaniah sawchapawpa Ismela he ei kei thie ha aw. Ahy hmahta pahno aw veih ei. Khazia na hrona a la aw tly? Cha hawhta châ mawh sala, nâma châ bylyupa Zu chyhsa zydua pai khai aw ei ta, Zudâh laibâhpazy ama leidia khai aw mâh tâh,” tah ta.

NÂHU 1:9

Khazia Abeipa cha nama tei tly? Tlokhuh chhâna patlôsa aw ta, Ano a thyuhnao chaneipa chariahpa y aw veih ei.

RAWMA 11:32

A ngiachhie khai thei nawpa ei ta, Khazohpa ta chyhsa zydua reingiah leina liata a khô khai ha ei.

RYHPACHANEINA 32:30

Kheihta ma pakha ta sâh kha a chadai thei aw ta, Pano ta thy kha ama parâpaisa thei aw? Ama Lôpanô ta âmo cha zuah ha ta, Abeipa ta a uasa khao leipa vâ ei ta châ vei ma?

ZAWSUA 21:44

Abeipa ta ama pathlatuhpazy hnohta bie â vaw taihpa hawhta, Izarei sawzy cha su to liata apahâna pie ta. Abeipa ta ama chariah zydua ama ku liata a pie khaipa vâ ei ta, ama chariah ahy hmah ama hmiakô liata a duah theipa y veih ei.

RYUREITUHPAZY 1:4

Zudâh pathlazy cha khy ei ta, Abeipa ta ama ku liata Kâna mo nata Perizi mo pie ta. Beze khih liata chyhsa 10,000 thie ei ta.

1 SAMUELA 23:14

Dâvi cha Ziphi râhchawhpa tlâh râh liata thokhy ta dôhpa khihpizy liata y ta. Sawla ta ano cha noh chareih ta tlua ta, châhrasala Khazohpa ta Dâvi cha a ku liata pie leipa ta.

1 SAMUELA 24:4

Dâvi chyhsazy ta a hnohta, “Moh teh, tanoh he Abeipa ta na hnohta, ‘Na chariahpa cha na ku liata cha pie aw na ta, pha na tahpa hawhta a chô liata na tao aw,’ a tahpa noh kha a châ hih,” tah ei ta. Dâvi cha thyu ta, arulâta Sawla poh pai cha â ta.

1 SAMUELA 24:5

Taviapa ta Dâvi cha Sawla poh pai a kei âpa vâta a chhôh khai kaw ta.

1 SAMUELA 26:23

Abeipa cha chyhsa to ama siana nata ama ngâchhihna hawhta lymâ a pie tyhpa a châ. Tanoh he Abeipa ta nâma cha ei ku liata na pie ta, châhrasala Abeipa sathawthupa chô liata ku pathla awpa cha khoh va na.

1 SAMUELA 26:7

Dâvi nata Abisai cha pheisaihzy yna lâ zâ ta zu ei ta. Sawla cha riehmo chhôh liata a zia ta, â vaw mô thlâh hapa hmô ei ta. A asei cha a luh chô alei liata chalohsa ta. Abane nata pheisaihzy ta ano cha a zia chadô ei ta.

1 SAMUELA 26:9

Châhrasala Dâvi ta Abisai hnohta, “Pahleipadia khah y, Abeipa sathawthupa chô liata ku pathla ta, thai a châpa ahy ma a y beih?” tah ta.