1 SAMUELA 26:6 - Mara Bible RV (BSI)

⁶ Dâvi ta Hiti chyhsa Ahimele nata Zôabâ unawhpa Zeru sawchapawpa Abisai hnohta, “Ahy ma Sawla riehmo lâ nâ zu lâh aw?” tah ta. Abisai ta, “Kei ta ei cha zu lâh aw,” tah ta.

1 SAMUELA 26:6 ပူးပေါင်းရင်းမြစ်များ

ÂTHAONA 10:15

Kâna ta sawchapaw uhtheipa Sidaw nata a pazipa Hethâ sa ta,

ÂTHAONA 15:20

Hiti mo, Perizi mo, Rephai mo,

ÂTHAONA 23:3

Abarahâ cha a lapinô ri hmiakô liata a duah ta, Hiti mo hnohta,

ÂTHAONA 26:34

Esaw cha kô sypalih a châ nahta, Hiti chyhsa Beri sawchanô Zudi nata Hiti chyhsa Elôni sawchanô Bâsemâ zy lapinô ta hnei ta.

2 SAMUELA 11:21

Zerubese sawchapawpa Abimele kha ahy ta ma a thie? Chanô ta sâh chariehna alô a chô lâtapa thokhy tawhta za pathla thlu ta, Thebe liata a thi hapa kha châ vei ma? Khazia thokhy namâ kei hnia?’ a tah khiahta cha, ‘Châ chakaotuhpa Hiti chyhsa Uria chhao kha a thi haw,’ na tah aw,” tah ta.

2 SAMUELA 11:24

Likathaipazy ta châ chakaotuhpazy cha thokhy tawhta vaw ka ei ta, bei chakaotuhpa khazie rakha ma thi ei ta, châ chakaotuhpa Hiti chyhsa Uria chhao kha a thi haw,” tah ta.

2 SAMUELA 11:6

Dâvi ta Zôabâ cha bieta ta, “Hiti chyhsa Uria kha kei lâ vaw pavysa teh,” tah ta. Zôabâ ta Uria cha Dâvi lâ pasiesa ta.

2 SAMUELA 12:9

Khazia ma Abeipa bie khâpasaw ta rei leipa chi ta, a mohmô liata hmo pha leipa na tao? Hiti chyhsa Uria cha zaozi ta thie chi ta, a lapinô cha na lapinô châta hnei chi ta, Amawna mo zaozi ta Uria cha na thie haw.

2 SAMUELA 18:5

Abei ta Zôabâ, Abisai nata Itai zy cha, “Keima vâta thyutliapa Absalaw cha bâh kei chado muh vy,” tahpa ta biepie ta. Abei ta Absalaw kyh liata pheisaih hyutuhpa zydua bie a piepa cha zawpi zydua chhao ta thei ei ta.

2 SAMUELA 2:13

Zeru sawchapawpa Zôabâ nata Dâvi chakaotuhpazy chhao vaw pua ei ta, Kibiô tipo liata a kei tyh ei ta. Tipo haosâ lâ hlao kha a tyuh ei ta, tipo hesâ lâ hlao kha a tyuh ei ta.

2 SAMUELA 2:18

Cha liata Zeru sawchapawpa pathôh, Zôabâ, Abisai nata Asahe zy y ei ta. Asahe cha sakhih tlu ta phei chatliepa a châ.

2 SAMUELA 23:18

Zeru sawchapawpa Abisai, Zôabâ unawhpa cha sythôh hry liata hyutuh chaipa châ ta, chyhsa 300 asei pahieh thlu ta a thie khai hapa a châ. Chavâta pasaipha pathôhzy moh pha tona liata â hlao hra.

2 SAMUELA 23:34

Mâkâ chyhsa Ahâsabai sawchapawpa Eliphele, Kilô chyhsa Ahitôphe sawchapawpa Eliami,

2 SAMUELA 23:39

Hiti chyhsa Uria zy ama châ. Ama zydua ta sythôh nata pasari ama châ.

1 ABEIZY 10:29

Talailih miakha ta sekel 600 lymâ ta nata arâ pô kha ta sekel 150 lymâ ta Izi râh lâ za chalei ei ta, abei sôhpalietuhpazy hmâpa ta Hiti beizy nata Syria beizy lâta ama zuah pachhuah tyh.

2 ABEIZY 7:6

Abeipa ta Aramia pheisaihzy cha talailih pyuzy, arâ pyuzy, pheisaih hluhpi pyuzy patheisa ta, chavâta âmo nata âmo a chho ei ta, “Pachâ teh u, keimo miah siehnao awpa ta, Izarei bei ta Hiti beizy nata Izi beizy a hrua ha ei hih,” tah ei ta.

ZAWSUA 3:10

Zawsua ta, “He hmozy liana heta Khazoh hrohpa cha nama hry liata y ta, nama hmiakô tawhta Kâna mo, Hiti mo, Hivi mo, Perizi mo, Kirkâsi mo, Amawri mo nata Zebu mozy a papua tlai aw ei tahpa nama pahno aw.

1 SAMUELA 26:7

Dâvi nata Abisai cha pheisaihzy yna lâ zâ ta zu ei ta. Sawla cha riehmo chhôh liata a zia ta, â vaw mô thlâh hapa hmô ei ta. A asei cha a luh chô alei liata chalohsa ta. Abane nata pheisaihzy ta ano cha a zia chadô ei ta.