1 SAMUELA 26:24 - Mara Bible RV (BSI)

²⁴ Pachâ teh, tanoh ei mohmô liata na hrona ei pasôpa hawhna heta, keima hrona chhao Abeipa mohmô ta pasôpa ta y sala, nôpona zydua tawh­ta na pachha mawh sy,” tah ta.

1 SAMUELA 26:24 ပူးပေါင်းရင်းမြစ်များ

ÂTHAONA 48:16

Hmo pha leipa zydua tawhta nâ chatlaituhpa Vâlyuhchâpa ta, Hawtizy he byhnâ pie sala, Âmo liata ei moh phaoh lymâpa châ mawh sy. Nâ pathlatuhpa Abarahâ nata Aisika zy moh chhao, Phaoh lymâpa châ sala; Alei chô liata thata vaw pôh mawh ei sy,” tah ta.

2 SAMUELA 4:9

Dâvi ta Berô chyhsa Rimô sawchapawpa Rekhâ nata a unawhpa Bânâ cha a chhy ta, ama hnohta, “Ei nôpona zydua tawhta nâ pachhatuhpa Abeipa hrona reipa ta ei reih.

HLAZY 144:2

Ano cha ei châta ngâchhihpa nata ei thokhy châ ta, Ei diahsua nata nâ pachhatuhpa a châ; Ei vyhphao nata ei chhaina châ ta, Phopizy ei ry liata panawhtuhpa a châ.

HLAZY 18:1

Hy Abeipa, ei thatlôna, Kyh ei cha pachâ kaw dia!

HLAZY 18:25

Zawngiah theipa hnohta zawngiahna palâsa chi ta, Seina hnei leipa hnohta seina hnei leipa na châna na palâsa.

HLAZY 18:48

Ei chariahzy tawhta nâ pachhatuhpa châ chi ta, A châ na, nâ thyuhnaopazy chô lâta na cheihchalopa ta, Thachahra a hmâhpa chyhsa tawhta eina pachha ha chi.

HLAZY 34:20

A rupa zydua pabohsa ta, Miakha hmah tlie vei.

HLAZY 54:7

Ei nôpona zydua liata na pachha ta, Ei chariahpazy ama nawhpa ei mo ta a hmô haw.

MATHAI 5:7

“Zawngiah theipazy ama nohlao na, zawngiahna ama hmô awpa vâta.

MATHAI 7:2

Nama seipa hawhta cha sei aw ei ta, nama panuapa hawhta ama cha panuapa aw.

HMOTAOPAZY 14:22

Riethei hluhpi taopa ta Khazohpa khinarâh eimâ ngia awpa a châ, tahpa ta pachupazy palôh pa-ipa ta, ngiapâna liata y thlâh ha awpa ta thapatlô ei ta.

2 THYSALAWNIKA 3:2

Chyhsa zydua ngiapâtuhpa ama châ khai leipa vâta, chyhsa chhorupa nata moleipazy tawhta eimâ boh thei nawpa ta thlah miah chhâpa hra muh vy.

BIEPHUAH 7:14

Kei ta a hnohta, “Pâpuh, pahno va na, nâ ta tlao na pahno,” tah na ta. Ano ta ei hnohta, “Hezy he rietheipasana ru ngaitapa tawhta a vaw puapazy ama châ hih. Ama pohzy Mietakutaw thisaih ta pasupa ta ama padiehsa haw.

1 SAMUELA 18:30

Philistinâ pheisaih hyutuhpazy ta a dyuh awpa ta vaw pua tyh ei ta, ama vaw puana maihta Dâvi cha Sawla chakaotuhpa zydua hlâta a hlaotloh via lymâ ta, chavâta a moh pathâh ngaita ta.

1 SAMUELA 24:16

Cha biezy cha Dâvi ta Sawla hnohta a rei khai nahta, Sawla ta, “Cha cha nâma ao ma a châ, ei sawchapawpa Davi?” tah ta. Sawla cha aoh tlili ta cha ta.