1 SAMUELA 26:21 - Mara Bible RV (BSI)

²¹ Sawla ta, “Ei vaw molei ha na. Vaw kua ha mah y, ei sawchapawpa Davi. Ei hrona he na mohmô liata tanoh sôh ngaita ta, chavâta kheihta hmahta cha tah khao aw va na. Moh teh, hru kawpa ta hmo vaw tao na ta, ei vaw tao chhei ngaita,” tah ta.

1 SAMUELA 26:21 ပူးပေါင်းရင်းမြစ်များ

2 ABEIZY 1:13

Abei ta pheisaih sypangawh hyutuhpa pathôhna a pheisaih sypangawh chhaota tuah heih ta. Pheisaih sypangawh hyutuhpa pathôhna cha khy ta, Elaizâh hmiakô liata a pakhu paneih ta, a hnohta, “Hy Khazohpa chyhsa y, keima hrona nata châ chakaotuhpa chyhsa sypangawh hrona he, na mohmô liata hmo sôhpa châ mawh sy.

2 ABEIZY 1:14

Pachâ teh, avâ tawhta mei za tla ta, pheisaih sypangawh hyutuhpa panozy kha, ama pheisaih sypangawh chhaota mei ta a kâ patlô khai ha ei. Ngiachhiepa ta ei hrona he na mohmô liata hmo sôhpa châ mawh sy,” tahpa ta a haw ta.

HLAZY 116:15

A mopathaihpazy thina cha, Abeipa pachâ a sôh ngaita.

HLAZY 49:8

Ama hro chatlaina ty cha ru tu ha ta, Sôh ta chatlai thei awpa châ vei.

HLAZY 72:14

Tlybaina nata thachahra hmâna tawhta ama hrona chatlai ta, A mohmô liata ama thisaih a sôh ngaita.

PUASAINA 9:27

Phiraoh ta Mawsi nata Arawna cha paawsa ta, ama hnohta, “Tahmâ la ei vaw molei ha tlai na. Abeipa cha a do ta, kei nata ei phopi tlai he moleipa cha eima châ.

MALUHREINA 22:34

Bâlâma ta vâlyuhchâpa hnohta, “Ei vaw molei ha na. Na pakhâ awpa ta lâpi liata nâ vaw duah tahpa ei pahno leipa vâta a châ. Chavâta ei sie awpa he na hmiakô liata hmo pha leipa a châ khiahta cha, tahmâ he ei kua aw,” tah ta.

MATHAI 27:4

Ama hnohta, “Pei hria leipa thisaih ei paphasaipa vâta, ei vaw molei haw,” tah ta. Âmo ta, “Cha cha keimo châta khâpa a pei aw? Nâma tao ta tao teh” tah ei ta.

1 SAMUELA 13:13

Samuela ta Sawla hnohta, “Hru ngaitapa ta hmo na tao haw. Abeipa na Khazohpa ta zyh awpa ta biepiepa a cha piepa zyh khoh va chi. Zyh ha la cha, Izarei chô liata nâ beina he Abeipa ta chhâzaw châta a pa-i ha awpa tlai.

1 SAMUELA 15:24

Sawla ta Samuela hnohta, “Ei vaw molei haw. Zawpi chi na ta, ama ao ei nathliepa vâta, Abeipa biepiepa nata nâma biezy ei vaw parao haw.

1 SAMUELA 15:30

Sawla ta, “Ei vaw molei ha tlai na. Chatahrasala ei châ haw na, ei chiheih machâzy nata Izarei hmiakô liana heta tahmâ na palyupalih la, Abeipa na Khazohpa hmiakô liata ei bôh thei nawpa ta, rie na kuakhei mah y,” tah ta.

1 SAMUELA 18:30

Philistinâ pheisaih hyutuhpazy ta a dyuh awpa ta vaw pua tyh ei ta, ama vaw puana maihta Dâvi cha Sawla chakaotuhpa zydua hlâta a hlaotloh via lymâ ta, chavâta a moh pathâh ngaita ta.

1 SAMUELA 24:17

Dâvi hnohta, “Keima hlâta na sia via syulyu na, nâ cha ei chô liata hmo phapa tao chi ta, kei deikua cha, hmo chhiepa ta viari ei cha thô.

1 SAMUELA 26:22

Dâvi ta a chhy ta, “Hy abei y, he he na asei a châ hih! Satlia pakha a vy sala, vaw la mawh sy.

1 SAMUELA 26:24

Pachâ teh, tanoh ei mohmô liata na hrona ei pasôpa hawhna heta, keima hrona chhao Abeipa mohmô ta pasôpa ta y sala, nôpona zydua tawh­ta na pachha mawh sy,” tah ta.

1 SAMUELA 27:4

Kâthâ lâ Dâvi â râ hapa kyh Sawla ta a pahno nahta, tlua khao leipa ta.