1 SAMUELA 26:19 - Mara Bible RV (BSI)

¹⁹ Chavâta ei zibeipa abei y, châ chakaotuhpa biezy he tahmâ vaw nathlie tua mah y. Keima nâ dyuh awpa palôh châ pahneisapa he, Abeipa a châ khiahta cha, hmohlâpa a pyh sala, chyhsazy ama châ khiahta deikua cha, Abeipa hmiakô liata chhiesapa ta y mawh sy. ‘Sie la khazoh hropazy kei chakao teh,’ na tah ei ta, Abeipa ryu liata tovyuh ei hnei thei lei nawpa ta, tanoh eina papua ha ei hih.

1 SAMUELA 26:19 ပူးပေါင်းရင်းမြစ်များ

ÂTHAONA 44:18

Zudâh ta Zawsi cha a kei hnia ta, “Hy ei zibeipa, nâ cha Phiraoh tlupa châ chi ta, ngiachhiepa ta ei zibeipa nah theina liata châ chakaotuhpa he bie kawh kha na pareisa la, châ chakaotuhpa chô liata na pathi rie ia khah sy.

ÂTHAONA 8:21

Abeipa ta ropahâhpa cha a thei nahta, Abeipa ta a palôh ta, “Alei he chyhsapa vâta chhiesa heih khao aw va na, chyhsapa palôrupa phaozie cha a hawti no tawhta moleipa châ tlôh ta. Tahmâ ta ei hriepa hawhna heta, hmohrohneipa to hrie heih khao aw va na.

2 SAMUELA 14:16

Abei ta thei aw ta, Khazohpa ryu eima to lei nawpa ta kei nata ei sawchapawpa pahleipadia miah a chhuahpa chyhsa ku tawhtapa a seichanô he a pachha aw,’ tahpa ta pachâ na ta.

2 SAMUELA 16:10

Châhrasala abei ta, “Nâmo, Zeru sawchapawzy saih u, a chahraoh khoh khah u. Abeipa ta, ‘Davi chhiesapa teh,’ a tahpa a châ khiahta cha, chhiesa thlâh ha sa. Ahy ma, ‘Khazia kha hawhta na tao’ a tah thei aw?” tah ta.

2 SAMUELA 16:11

Dâvi ta Abisai nata bei chakaotuhpa zydua hnohta, “Pachâ teh u, ei sawchapawpa, ei chhôh chhipa cheingei ta thie einâ chhuahpa châ ta, he Benzami chyhsa chhochhi heta cha, thie einâ chhuah pachai aw dia! Kheihta hmahta tah khah u. Chhie cha sa thlâh ha lah vâ. Abeipa ta a pataosapa na a châ aw.

2 SAMUELA 20:19

Kei he Izarei liata aryhna a khohpa nata chyhsa ngâchhihpazy hry liata a hlaopa ei châ. Nâ deikua cha Izarei nô a châpa khihpi parao nâ chhuah. Abeipa ryuto he khazia parao khai ha awpa nâ chhuah tly?” tah ta.

2 SAMUELA 21:3

Dâvi ta Kibiô mo hnohta, “Khâpa ma ei cha taopa aw ei? Abeipa ryuto râh he byhnâ nama awpa thei nawpa ta, kheihta ma chatlaina ei tao aw?” tah ta.

2 SAMUELA 24:1

Abeipa cha Izarei chô liata a pathi ia heih ta, chatanachata âmo patypamâ awpa ta Dâvi cha pasyu ta, a hnohta, “Sie la, Izarei nata Zudâh maluh kei reih teh,” tah ta.

1 ABEIZY 22:22

Abeipa ta a hnohta, ‘Khâpa ta maw?’ tah ta. Ano ta, ‘Vawh aw na ta, a hrohsopa zydua pakah liata thlahpa haih thaipa ei kei châ aw,’ tah ta. Abeipa ta, ‘Kei reipasao aw chi ta, na pahnie aw. Vawh la, cha hawhna chata kei tao teh,’ tah ta.

1 THÂTIHZYRONA 21:1

Sâtâ ta Izarei a dyuh awpa ta thyu ta, Izarei maluhpi rei awpa ta Dâvi cha reipasao ta.

HLAZY 120:5

Mese mo râh liata y na ta, Kedâ mo poh ozy hry liata pahrâpa cha, Ei hu a po kaw dia!

HLAZY 20:4

Na palôh khopa cha pie sala, Nâ chhuahna zydua hlao cha patloh mawh sy!

BIESOZY 30:10

Chakaotuhpa cha a zibeipa hnohta reipachhie beih khah y, Chataleipatala chhie cha sapa aw ta, Thailei pachâpa na châ pathlei aw na.

ISAI 60:5

Tilaipi hneirônazy nâ lâ vaw tlô aw ei ta, Râhzy liata sôh nata thihzy nâ lâ amâ vy aw. Chazy cha moh aw chi ta, Na hmia a kai kaw aw; Na palôh thapha aw ta, Nâ ly ngaita aw.

THEIHTHAINA 26:31

Nama khihpizy cha khirypa ta tao aw na ta, nama supathaihpazy roryhrapa ta ei tao aw. Nama ropahâhpazy pahnâ khao aw va na.

MALUHREINA 36:7

Izarei sawzy ryuto cha chi kha tawhta chihropa lâ pasie awpa châ vei. Izarei saw zydua ta ama pathlatuhpa chi ryuto râh ama hnei pazao lymâ aw.

MALUHREINA 36:9

Izarei chi ryuto râh cha, chihropa lâ â pasie awpa châ vei. Izarei saw chi to ta ama ryuto râh chyu ama hnei lymâ awpa a châ’” tah ta.

RAWMA 14:15

Na niepa ta na unawhpa palôh a patypamâ khiahta cha, kyhpachâna lâpi a chhih khao va chi. Ano thi vyuhpa ta Krista ta a thikâ hapa chyhsa cha, parao khah y.

KALATIA 5:12

Châ patypamâtuhpazy cha âmosasyh ta a chhawh pathlah lâlao ei sala ei khoh.

RYHPACHANEINA 13:3

cha hrohsopa bie tlyma, mâ sapa ta chhochhielietuhpa bie tlyma cha nama nathlie awpa châ vei. Abeipa nama Khazohpa ta ano cha nama pathipalôh tlokhuh ta nata nama thlahpa tlokhuh ta kyh nama pachâ ma, pachâ vei ma, tahpa a pahno khohpa vâta a cha pasiapa ei a châ.

2 TIMAWTHY 4:14

Dawh leih thaipa Alezandâ kha thata nâ pasasapa a châ. Abeipa ta a hmotaopazy lymâ hawhta viari a thô aw.

1 SAMUELA 18:10

A mylâ ta Khazohpa tuapa thlahpa chhiepa cha Sawla chô liata vaw tlô ta, o chhôh liata thata a chiaburâh ta. Dâvi cha noh hro ta a tao tyhpa hawhta, to ta tô heih ta. Sawla cha a ku liata asei a chaba thlâh ha ta.

1 SAMUELA 24:9

Dâvi ta Sawla hnohta, “Khazia ma, ‘Dâvi ta na chhiena a tlua,’ châ tahpa chyhsazy bie reipa cha na zo thlâh tly?

1 SAMUELA 25:24

A phei thaby liata â khu lâta pao ta, a hnohta, “Ei zibeipa y, keima ta, keima tlai ta thaileichâna cha ei to aw. Na seichanô he na nah theina liata bie rei awpa ta rie pasaih la, châ chakaotuhnô biezy he ngiachhiepa ta nathlie mah y.

1 SAMUELA 27:1

Dâvi ta a palôh liata, “Khati ta ma cha Sawla ku liata ei leidia ualua aw hih. Philistinâ râh lâ a râpa hlâta a pha viapa y thlyu aw vei. Sawla ta Izarei râh liata eina tluapa he a hnabeidy daihti tlô aw ta, chatanachata a ku tawhta ei boh ha aw,” tah ta.