1 SAMUELA 26:11 - Mara Bible RV (BSI)

¹¹ Abeipa sathawthupa chô liata ku ei pathla awpa cha Abeipa ta pakhâ mawh sy. A luh chô liata asei nata titheih deikua hao kei la la, sie ha ei suh u,” tah ta.

1 SAMUELA 26:11 ပူးပေါင်းရင်းမြစ်များ

2 SAMUELA 1:14

Dâvi ta a hnohta, “Abeipa sathawthupa pahleipadia awpa ta a chô liata ku na pathlapa cha kheihtazieta a chi leipa ma na châ tly?” tah ta.

2 SAMUELA 1:16

Dâvi ta a hnohta, “Na thisaih maoh cha na luh liata y mawh sy. ‘Abeipa sathawthupa ei thie,’ na tahpa vâta, nâma pakah tlai ta thailei a cha pachâ haw,” tah ta.

2 SAMUELA 19:22

Dâvi ta, “Nâmo Zeru sawchapawpa saih u, kheihta ma ei cha tao aw ei tly? Khazia tanoh he nâ dyuhtuhpa nama châ tly? Tanoh he Izarei liata chyhsa thie awpa noh a châ ma? Tanoh he Izarei chô liata abei ei châ tahpa pahno va na mâ?” tah ta.

HLAZY 17:4

Chyhsapa hmotaopazy kyh liata, Na hmao tawhta bie vâta, Thachahra hmâna lâpizy ei khôkhâh haw.

RAWMA 12:17

Ahy moleina rai moleina ta viarithô leipa u la, chyhsa zydua mohmô ta hmo dopa tao awpa ta pachâna tlao hmâh tyh muh vy.

RAWMA 12:19

Kho ngaitapa saih u, nama phuh a la leipa u la, Khazohpa pathiiana tlei hri teh u. “Phuh cha keima la awpa châ ta, kei ta viari ei thô aw, Abeipa ta a tah,” tahpa ta ropa a châ.

1 PITY 3:9

Moleina cha moleina ta viarithô leipa u la, reipachhiena chhao reipachhiena ta viarithô hra leipa u la, byhnâ tlao awpa teh u. Cha hawhta taopa ta byhnâ to awpa ta awpa nama châ.

1 SAMUELA 12:3

Tahmâ nama hmiakô liata ei duah hih. Eina reipasipasua nawpa ei chi nama hneipazy cha, Abeipa hmiakô liata nata a sathawthupa hmiakô liana heta reih teh u. Ahy viahchao tôhpa ma ei chhu? Ahy alâ ma ei chhu? Ahy ma ei dôvei? Ahy ma ei tlybai? Ahy ku tawhta ma panaopapana ei la? Cha panaopapana chata a mo a pachaopa ei châ ma? Reih teh u, ei cha thô khai aw ei,” tah ta.

1 SAMUELA 24:12

Abeipa ta nâma nata keima likah pachia sala, Abeipa ta na chô liata ei phuh tlao la mawh sy. Kei ta la, na chô liata ei ku pathla cheita aw va na.

1 SAMUELA 24:4

Dâvi chyhsazy ta a hnohta, “Moh teh, tanoh he Abeipa ta na hnohta, ‘Na chariahpa cha na ku liata cha pie aw na ta, pha na tahpa hawhta a chô liata na tao aw,’ a tahpa noh kha a châ hih,” tah ei ta. Dâvi cha thyu ta, arulâta Sawla poh pai cha â ta.

1 SAMUELA 24:6

A chyhsazy hnohta, “Ei zibeipa, Abeipa sathawthupa chô liata, he hmo ei taopa he pha vei. Abeipa sathawthupa a châ tahpa ei pahno thlâh hapa tlai ta, a chô liata ei ku ei pathla thlâh hapa he Abeipa ta khoh vei,” tah ta.