1 SAMUELA 25:8 - Mara Bible RV (BSI)

⁸ Na satliazy hiahri la, ama cha chho aw. Chavâta satliazy he vaw ngiachhie mah y. Kyhchhi daihti liata nâ lâ a vypa eima châ hih. Ngiachhiepa ta, châ chakaotuhpazy nata na sawchapawpa Dâvi he, na hnei rypaohpa maih vaw pie mah y,’ tahpa ta nama kaw chho aw,” tah ta.

1 SAMUELA 25:8 ပူးပေါင်းရင်းမြစ်များ

ESTHERI 9:19

Chavâta thokhy a hnei leipa khitawzy liata a pahrâpa Zuzy cha, Adar thla, noh hrawh hleipalihna noh cha thaphana nata kyhchhina noh ta hmâh ei ta, noh phapa, niedo kuhriazy amâ paphao raihriena noh ta ama hmâh tyh.

ESTHERI 9:22

Cha nohzy cha Zuzy ta ama chariahzy tawhta amâ bohna noh, pachârôhna alyna lâta â liena noh nata mâchhiesana noh phapa lâta â liena noh ta ama chay tyh awpa a châ. Kyhchhina nata thaphana nohzy ta hmâh aw ei ta, niedo kuhriazy a paphao raihriena nohzy ta hmâh hra aw ei ta, dyhchhiepazy hmosaipa piena noh ta ama hmâh awpa a châ.

BIECHHOTUHPA 11:2

Alei chô liata chhiena a vaw tlô thei awpa na pahno leipa vâta, Chyhsa pasari hnohta tovyuh pie la, Pacharie hnohta chhao pie mah y.

LUKA 11:41

A chhôh liata hmo a ypa cha dyhchhiepazy pie awpa ta hmâh teh u, chatanachata nama châta ato a pathaih aw.

1 SAMUELA 24:11

Ei pâ, moh tua, vaw moh tua rai, na poh pai chhao ei chaba thlâh ha hih. Na poh pai ei tai thei thlâh hapa ta, nâma ei cha thie leipa kha, ei ku liata paraona nata abei adyuhna rai y vei tahpa na hmô awpa nata na pahno awpa ei khopa vâta a châ. Ei hrona la a chhuahpa ta na tlua ngâ hra la, na chô liata molei va na.

1 SAMUELA 25:9

Dâvi satliazy cha Nâbâ kô kei tlô ei ta. Bie zydua cha Dâvi moh ta ama chho khai nahta, a chalihpa ta â chhyna hâ ei ta.

1 SAMUELA 3:6

Abeipa ta “Samuela!” tahpa ta aw heih ta, Samuela cha thyu ta, Eli lâ vawh ta, “He liata ei y, na aw chi ta,” tah ta. Eli ta a chhy ta, “Cha aw va na, ei sawchapawpa y, a kei zia heih teh,” tah ta.