1 SAMUELA 25:7 - Mara Bible RV (BSI)

⁷ Mietaku hmi ngyutuhpazy na hnei tahpa ei vaw thei. Na mietaku vaituhpazy eima hnohta y ei ta, kheihta hmahta tah beih leipa pi ta, Kâmel liata ama y chhôh zydua khâpa hmo hmahta pahlei veih ei.

1 SAMUELA 25:7 ပူးပေါင်းရင်းမြစ်များ

2 SAMUELA 13:23

Kô no bohloh a lei nahta, Absalaw cha Epharai kiapâh Bâlâhazô liata mietaku hmi pangyusa ta. Absalaw ta abei sawchapaw zydua hrua ta.

2 SAMUELA 13:24

Absalaw cha abei lâ vawh ta, a hnohta, “Châ chakaotuhpa heta mietaku hmi pangyusa na ta, abei nata a chakaotuhpazy chhao châ chakaotuhpa hnohta vaw sie hra muh vy,” tah ta.

LUKA 3:14

Pheisaihzy chhao ta a hnohta, “Keimo chhao he khâpa eima tao aw?” tah ei ta. Ano ta ama hnohta, “Pachhiparypa nata â doleipa ta leihpa ta ahy sôh hmah nama la awpa châ vei. Nama hlao liata palôhtlâh namâ paoh awpa a châ,” tah ta.

PHILIPI 2:15

Chatanachata chhâ moleipa nata paviapa hry liana heta, seina hnei leipa nata pathaihpa châ aw ei chi ta, vâ awhsizy hawhta ama hry liata nama khaih aw.

PHILIPI 4:8

Achhâna ta cha, unawh saih u, adopa maih zy, zachhihpa maih zy, asiapa maih zy, pathaihpa maih zy, khochhihpa maih nata pasâhsa a chhihpa maih zy cha, phana hneipa ta, reithai tlâh a châ khiahta cha, chazy cha pachâ teh u.

1 SAMUELA 22:2

Nôpona a hneipa, leibâh a hneipa nata palôh pasana a hneipa maihta ano liata a hmaohpakhy ei ta, ama hyutuhpa ta y ta. A hnohta chyhsa 400 tlai ama y.

1 SAMUELA 25:21

Dâvi ta, “He chyhsa he, a hneipa zydua miakha hmah a lei lei nawpa ta, a hneipa zydua râhchawhpa liata vaipa tyh na ta, hraoleipa deita a vaw châ he. Hmo phapa cha, hmo chhiepa ta viari eina thô he!