1 SAMUELA 25:39 - Mara Bible RV (BSI)

³⁹ Dâvi ta Nâbâ a thi haw tahpa a thei nahta, “Nâbâ ku liata pasipasawh ei tyhpa viari nâ thôpatuhpa nata ano a chakaotuhpa heta hmo pha leipa ei tao ha awpa tawhta nâ pakhâpa Abeipa cha reithaipa ta y mawh sy. Nâbâ molei paraona cha Abeipa ta ano luh chô liata a patlasa haw,” tah ta. Chatawhcha Dâvi ta a chakaotuhpazy tuah ta, Abikai cha a lapinô châta za pahiasa ta.

1 SAMUELA 25:39 ပူးပေါင်းရင်းမြစ်များ

2 SAMUELA 1:16

Dâvi ta a hnohta, “Na thisaih maoh cha na luh liata y mawh sy. ‘Abeipa sathawthupa ei thie,’ na tahpa vâta, nâma pakah tlai ta thailei a cha pachâ haw,” tah ta.

1 ABEIZY 2:44

Abei ta Simei hnohta, “Ei paw Dâvi na pasasana zydua kha na palôh liata na pahno ngâ thlâh ha aw. Chyhsa na pasana kha Abeipa ta nâma luh chô liata a cha vaw palie thlu aw.

ESTHERI 7:10

Chatanachata Hâmâ cha Môdekai paaosao nawpa ta a taopa liata paaosao ei ta. Cha khai tawhta abei pathiiana cha dia ha ta.

ESTHERI 9:25

Châhrasala cha thâtih cha abei kô a vaw tlô nahta, Zuzy tei nawpa ta hmo chhiepa tao â chhuahpa cha, ano luh chô liata a lie thlupa ta, ano nata a sawchapawzy cha, paaosaona tho tlâh liata paaosao awpa ta ropa ta tlao bie a pie haw.

HLAZY 7:16

A hrochhiena ta ano luh chô liata a vaw lie thlu ta, A nôchhiena ta ano luh ru liata a tla thlu.

HLAZY 9:5

Phopizy ra chi ta, Hmoparaopazy pahleipadiapa ta, Ama moh chhâzaw nata tlyzaw ta na phie ha ei.

BIESOZY 18:22

Lapinô a hmôpa cha hmo phapa a hmôpa châ ta, Abeipa khokheina a totuhpa a châ.

BIESOZY 19:14

O nata sôh zy cha pawzy tawhta ryuto châ ta, Lapinô sopa deikua cha Abeipa tawhta a châ.

BIESOZY 22:23

Abeipa ta ama bie a duakhei tlôh aw ta, Âmo a hraotuhpazy hro a hrao hra aw.

BIESOZY 31:10

Lapinô phapa ahy ma a hmô thei aw? Lapinô phapa cha lôsôhpazy hlâta a sôh via syulyu.

BIESOZY 31:30

Khoiah hneina cha dôveina châ ta, Chhithaina chhao hraoleipa a châ; Abeipa a chituhpa chanô deikua cha reithaipa a châ aw.

HLAZY HLA 8:8

Sietanô seihnainô hnei pi ta, A sâhpizy hra cha pabyuh mâh leipa ta. Ano miah ama vaw hia noh liata, Eima sietanô châta khâpa ma eima taopa aw tly?

MIKÂ 7:9

A chô liata ei molei hapa vâta, Ei kyh na reikhei sala, Pachiana eina taopa hlâlei cha, Abeipa ruchhôna ei phaoh aw. Khaihna lâ nâ chhi papua aw ta, A thaipachâsana ei hmô aw.

2 KAWRINI 13:7

Hmo nama parao lei nawpa ta Khazohpa lâ thlah eima cha chhâpa tyh. Pasiana liata a tlohpa hawhta keimo eimâ lâ thei nawpa châ vei. Keimo la a tloh leipa hawhta a lâ hra sih la, nâmo chhâ ta hmo dopa nama tao thei nawpa ta a châ.

1 THYSALAWNIKA 5:23

Thlalôhna Khazohpa ta tlokhuh cha pathaisa ei sala, nama thlahpa, nama pathipalôh nata nama pôhpa cha, eima Beipa Zisu Krista â vy tita, seina hnei leipa ta cha paysa mawh ei sy.

2 TIMAWTHY 4:18

Abeipa ta moleipa zydua tawhta na pachha aw ta, a vâ khinarâh lâ â bohpa ta eina tlôkhei aw. A hnohta chhâzaw nata tlyzaw ta rônahna y mawh sy. Amen.

RYUREITUHPAZY 5:2

“Chhituhpazy ta Izarei liata chhihtha ei ta, Phopi âmo kho ta amâ vaw hlâ lymâ; Abeipa cha reithai teh u!

1 SAMUELA 24:15

Chavâta Abeipa ta nâma nata keima likah pachia sala, bietluna tao mawh sy. Hmo yzie moh sala, ei chhâh a châ sala, na ku tawhta na pachha mawh sy,” tah ta.

1 SAMUELA 25:26

Chavâta ei zibeipa y, tahmâ Abeipa hrona nata nâma hrona reipa ta ei reih. Abeipa ta thisaih palo awpa tawhta nata na chariahpazy chô liata nâma ku ta phuh la awpa tawhta cha pakhâ ha ta, chavâta na chariahpazy nata na chô liata hmo pha leipa tao a chhuahpazy cha Nâbâ hawhta châ mawh ei sy.

1 SAMUELA 25:32

Dâvi ta Abikai hnohta, “Tanoh na vaw dy awpa ta châ vaw tuahtuhpa Abeipa, Izarei Khazohpa cha reithaipa ta y mawh sy!

1 SAMUELA 25:34

Abeipa, Izarei Khazohpa, nâma cha pasasa awpa tawhta nâ pakhâ hapa hrona reipa ta ei reih. Na vaw dy para leipa vaw châ la cha, mylâ khih a pavâ nahta, Nâbâ hnohta a ypa chapaw pakha hmahta y khao aw veih ei,” tah ta.

1 SAMUELA 25:40

Dâvi chakaotuhpazy cha Kâmel liata Abikai kô ama kei tlô nahta, a hnohta, “Dâvi ta a lapinô châta châ chhi awpa ta nâma lâ miah a za tuah,” tah ei ta.

1 SAMUELA 26:10

Dâvi ta, “Abeipa hrona reipa ta ei reih, Abeipa ta a chô liata ku a pathla aw. Cha hawhta a châ leipa chhao ta, a thina noh vaw tlô thei ta, adyuhna lâ sie aw ta a leidia thei hra.