1 SAMUELA 25:36 - Mara Bible RV (BSI)

³⁶ Chatawhcha Abikai cha Nâbâ lâ vawh ta, moh tua u, Nâbâ cha a o liata kyhchhi vaw tao ta, abei kyhchhipa hawhta kyh vaw chhih ta. Nâbâ cha a pari hapa vâta a ly kawpa ta vaw y ta. Chavâta a mylâ khih pavâ hlâlei cha, Abikai ta khâpa hmah chho leipa ta.

1 SAMUELA 25:36 ပူးပေါင်းရင်းမြစ်များ

2 SAMUELA 13:23

Kô no bohloh a lei nahta, Absalaw cha Epharai kiapâh Bâlâhazô liata mietaku hmi pangyusa ta. Absalaw ta abei sawchapaw zydua hrua ta.

2 SAMUELA 13:28

Absalaw ta a chakaotuhpazy hnohta biepie ta, “Ngia u la, Amanaw palôh cha kresawhti vâta thapha ngaitapa ta a y nahta, nama hnohta, ‘Amnaw kha thie teh u,’ ei cha tah ti ei ta, thie muh vy. Chi khuh vy. Bie ei cha pie ei. Nama riah a papha u la, a pachyu teh u,” tah ta.

2 SAMUELA 3:20

Abane cha pheisaih pakih a chhipa ta Hebraw liata Dâvi lâ vawh ta. Dâvi ta Abane nata a hnohta chyhsa a ypazy châta kyhchhi tao ta.

1 ABEIZY 20:16

Nohchhô locho nota pua ei ta. Benhadâ nata ano a baotuhpa bei sythôh nata pano zy cha byureih liata parina taihta sahma vaw doh ngâ kaw ei ta.

HLAZY 112:5

Chyhsa riaphapa nata a sôh dyu a pacheisapa cha, Phana ta vaoheipa châ ta, Adona ta rai a hriapa chhao, Phana ta vaoheipa a châ.

BIESOZY 20:1

Kresawhti cha pahneisaotuhpa châ ta, Sahma cha tu a thyupa a châ; Chazy ta a dôvei theipa chyhsazy cha asopa châ veih ei.

BIECHHOTUHPA 10:19

Pahnei awpa ta kyhchhi taopa châ ta, Kresawhti ta hro palysa ta, Tâkâ cha khopa to hneina a châ.

ISAI 28:3

Epharai sahma paripazy apalaina lakho cha, Phei ry liata tlypâpa châ aw ta;

ISAI 5:11

Mydi kari ta thyupa ta sahma do awpa ta a râ ei ta, Zâcho taihta kresawhti paripa ta a ypazy cha Ama hu a po na!

ZEREMIAH 51:57

Babylaw beimachâzy nata a chyhsa sopazy parisa aw ei na ta, Râhvaotuhpazy ei parisa aw ei; A pheisaih hyutuhpazy parisa aw ei na ta, A pasaiphazy ei parisa aw ei; Chhâzaw ta a mô aw ei ta, Thyu khao aw veih ei,” Abeipa, a moh Pheisaihzy Abeipa ta a tah.

HÔSIA 4:11

Sihryhna nata kresawhti a ly ei ta, Kresawhti thiehpazy amâ ly; Chazy chata ama pahnona a pahlei lymâ.

NÂHU 1:10

Ahloh buh a chaviapa hawhta châ ei ta, Sahma doh ta a paripa ama lyu; Sâhkô raohpa hawhta pakâ khaipa ama châ.

MATHAI 10:16

“Pachâ teh u, changie hry liata mietaku hawhta ei cha tua ei hih. Chavâta parihzy hawhta so u la, vachhuhzy hawhta nônaipa ta y teh u.

LUKA 14:12

Chatawhcha Zisu ta patinie a hruatuhpa hnohta, “Zâpati tlyma, kyhchhi rônahpa tlyma na tao tita, na viasazy, na unawhzy, na chieheihzy, na vaih hneirôhpazy hrua khah y. Chataleipatala cha hrua hri aw ei ta, thôpa ta na y pathlei aw.

LUKA 21:34

“A hrohrua teh u, chataleipatala phasana, sahma parina nata hro chhôh khihsa pachâna zy ta nama palôh pabie aw ta, cha noh chata khoheih hawhta eikhapi ta a cha vaw tlô thlu pathlei aw ei.

RAWMA 13:13

Nohchhô ta ypa hawhta â ngia ngaitapa ta y sih la, apatlapa nata sahma paripa ta y leipa ta, parâpa nata apheipa ta y hra leipa ta, ahryuchhiapa nata hiatliapa ta y khah ei suh u.

EPHESI 5:14

Hmô theipa ta a ypa maih cha khaihpa a châ. Chavâta, “Nâ, a môpa, a hra la, Athihpa hry tawhta thyu teh! Krista ta a cha khaipahlie aw,” tahpa a châpa kha.

EPHESI 5:18

Kresawhti paripa ta y khah u, parina liata a sohsi leina y tlôh ta, Thlahpa ta biepa ta tlao y teh u.

1 SAMUELA 25:19

A chakaotuhpa satliazy hnohta, “Ei hmia lâta sie aw ei chi ta, ei cha vaw pazi aw ei,” tah ta. A vahpa Nâbâ deikua cha chho vei.

1 SAMUELA 25:37

Mydi ta, Nâbâ cha Kresawhti a paripa a pai nahta, a lapinô ta hmo yziezy chho ta, a châh-ao a chalihpa ta, alô hawhta vaw y ha ta.