1 SAMUELA 25:29 - Mara Bible RV (BSI)

²⁹ Nâma a chadai awpa nata na hrona pahlei awpa ta chyhsazy vaw thyu hra ei sala, ei zibeipa hrona cha, Abeipa na Khazohpa mohôhna ry liata, a hrohpazy hry liata pahlaopa châ aw ta, na chariahpazy hrona deikua cha, cheisiah ta siapa hawhta Abeipa ta âmo cha siah aw ta, ama leidia aw.

1 SAMUELA 25:29 ပူးပေါင်းရင်းမြစ်များ

ÂTHAONA 15:1

Cha khai tawhta Abeipa bie cha aluahna ta Abarâ hnohta vaw tlô ta, “Abarâ, chi khah y, Na vyhphao châ na ta, Na lymâ rônah ngaitapa ei châ,” tah ta.

2 SAMUELA 4:8

Isabôse luh cha Hebraw liata Dâvi lâ vaw tlôkhei ei ta. Abei hnohta, “He he thie châ chhuahpa, na chariahpa Sawla sawchapawpa Isabôse luh a châ. Abeipa ta ei zibeipa abei phuh cha tanoh he Sawla nata a pathlazy chô liata a lapa haw,” tah ei ta.

ZAWBÂ 27:22

Khazohpa ta zawngiah leipa ta ano cha chanaoh ta, A hmotaotheina tawhta rawrôhpa ta â râ.

HLAZY 116:15

A mopathaihpazy thina cha, Abeipa pachâ a sôh ngaita.

HLAZY 54:3

Chihropazy ta na thyuhnaopa ta, Chyhsa nôchhiepazy ta ei hrona tei ei ta, Ama hmiakô liata Khazohpa soh veih ei. Selah

HLAZY 66:9

Ano cha eima hrona a pabohsatuhpa châ ta, Eima phei a chapia awpa a pasaih leipa a châ.

ZEREMIAH 10:18

Abeipa ta hetana heta a tah: “Moh teh u, râhsawzy cha, Cheichâ hawhta tahmâ siah pathlah ei na ta; Ama pahno thai nawpa ta, Nôpona ama chô liata ei vaw patlôsa aw.”

MALAKHAI 3:17

“Ei ryu sôhpazy ei paki ti ei ta, kei eih châ aw ei ta, paw ta ano palôh a hmôpa a sawchapawpa a hrôbiehpa hawhta âmo cha ei hrôbieh aw ei,” Pheisaihzy Abeipa ta a tah.

ZAWHÂNA 14:19

Bohpi leipa tawhta khizaw ta na hmô khao aw vei, châhrasala nâmo la eina hmô aw ei chi. Kei ei hrohpa vâta, nâmo chhao nama hroh aw.

ZAWHÂNA 17:21

Chatanachata ei Paw y, nâ liata kei y na ta, kei liata nâ na ypa hawhna heta, âmo chhao keimo liata ypa ta, ama zydua ta pôhkha châ aw ei ta, nâ ta eina tuah chi tahpa khizaw ta ama zo aw.

ZAWHÂNA 17:23

Kei âmo liata y na ta, nâ keima liata na ypa vâta, âmo chhao â ipa ta pôhkha ama châ. Chatanachata nâ ta kei na tuah chi ta, kyh eina pachâpa hawhna chi heta, âmo chhao kyh na pachâ ei tahpa khizaw ta ama pahno aw.

RYHPACHANEINA 33:29

“Hy Izarei, na nohlao ngaita na! Nâ hawhta Abeipa ta a pachhapa phopi he ahy ma a y? Abeipa cha na châta baona vyhphao châ ta, Na pahniena zaozi a châ. Châ ngiarih awpa ta na chariahzy nâ lâ a vy aw ei ta, Ama ky lia na phei ta na tly aw ei.”

1 PITY 1:5

Daihti hnôhchaipa liata palâhâh awpa ta a mâ chiehpa ta a ypa ngiapâna vâta pachhana nama hmô thei nawpa ta, Khazohpa hmotaotheina ta vaipa nama châ.

1 SAMUELA 2:9

“A chyhsa ngâchhihpazy phei vaih aw ta, Moleipazy deikua cha zohna liata chhawh pathlahpa ama châ aw; Thatlôna vâta chyhsa a duah veih ei.