1 SAMUELA 25:28 - Mara Bible RV (BSI)

²⁸ Châ chakaotuhnô paraona cha rie a ngiahthai mah y. Ei zibeipa he Abeipa adyuhnazy châta a dyuhpa na châpa vâta, Abeipa ta ei zibeipa he chipathla a ipa a paduapa tlai aw. Na hro chhôh zydua ta nâma liata moleina rai hmôpa châ aw vei.

1 SAMUELA 25:28 ပူးပေါင်းရင်းမြစ်များ

2 SAMUELA 5:2

Sawla eima chô liata â beina daihti liana chhao khata, Izarei puakhei ta a ngiakhei tyhpa cha nâ na châ. Abeipa ta na hnohta, ‘Ei phopi Izarei vaituhpa châ aw chi ta, Izarei chô liata bei ta na y aw,’ tahpa ta bie â taihpa na châ,” tah ei ta.

2 SAMUELA 7:11

Ei phopi Izarei chô liata ryureituhpazy ei raona daihti hawhna khata châ khao aw vei. Na chariah zydua tawhta ei cha pahâsa aw. Cha dei châ vei, Abeipa ta na pathlazy a cha paduapa aw tahpa ta Abeipa ta na hnohta a phuah.

2 SAMUELA 7:16

Na pathlazy nata nâ beinarâh cha ei hmiakô liata chhâzaw ta a duah aw ei ta, na beidyuchhai chhao chhâzaw ta â duah aw,’ tahpa ta kei chho teh,” tah ta.

2 SAMUELA 7:27

Hy Pheisaihzy Abeipa, Izarei Khazohpa y, nâma tlai ta, châ chakaotuhpa hnohta, ‘Chipathlazy ei cha paduapa aw,’ tahpa ta phuah ha chi ta, chavâta châ chakaotuhpa heta he thlahchhâna he na hnohta ei vaw tlôkhei ngâhpa a châ.

1 ABEIZY 15:3

A paw hmo moleipa taopa zydua kha tao hra ta, a mapaw Dâvi palôh phaoh leipa ta, Abeipa a Kha­zopa lâta a palôh zydua hlâ khai vei.

1 ABEIZY 15:5

Hiti chyhsa Uria kyh tah leipa khata cha, Dâvi kha Abeipa mohmô liata hmo dopa a tao tyhpa châ ta, Abeipa ta bie a piepa kheihawhpa hmah a hro chhôh zydua ta a tleisai beih leipa a châ.

1 ABEIZY 9:5

na paw Dâvi hnohta, ‘Izarei beidyuchhai liata a tyuh awpa na pathla tawhta chie aw veih ei,’ tahpa ta bie ei vaw taih hapa hawhta, Izarei chô liata nâ beina beidyuchhai cha chhâzaw ta ei pa-i aw.

1 THÂTIHZYRONA 17:10

Ei phopi Izarei chô liata ryureituhpazy ei raona daihti hawhna khata châ khao aw vei. Na chariah zydua ei panawhsa khai aw ei. Cha dei châ vei, Abeipa ta chipathla a cha paduapa aw tahpa na hnohta ei phuah.

1 THÂTIHZYRONA 17:25

Hy ei Khazohpa, nâma tlai ta, châ chakaotuhpa hnohna heta a pathlazy na paduapa awpa kyh palâhâh ha chi ta, chavâta châ chakaotuhpa heta riahphapa ta na hmiakô liata thlah ei chhâ ngâhpa a châ.

2 THÂTIHZYRONA 20:15

Zahâzie ta, “Nâmo, Zudâh râhsaw zydua nata Zerusale khihsaw zydua nata Bei Zehôsaphâ y, nathlie teh u. Abeipa ta nama hnohta, ‘Chi leipa u la, pheisaih hri hluh ngaitapazy vâta ngiarohpa ta y hra khuh vy. Adyuhna cha nâmo adyuhna châ leipa ta Khazohpa adyuhna a châ.

HLAZY 7:3

Hy Abeipa ei Khazohpa, He hawhpa hmo he vaw tao ha aw sah la, Ei kuzy liata adoleina y sala,

HLAZY 89:29

A chipathla tlyzaw ta padua aw na ta, Avâ y chhôh zydua a beidyuchhai â duah lymâ aw.

MALUHREINA 23:21

Zakaw liata chhiena hmô leipa ta, Izarei liata tymâna hmô vei. Abeipa ama Khazohpa ama hnohta y ta, Ama Bei palyupalihna pyu ama hry liata a y.

MATHAI 5:16

Cha hawhna chata, nama khaihna cha chyhsa mohmô ta khaih mawh sy. Chatanachata nama hmo pha taopa hmô aw ei ta, nama Paw avâ liata a ypa ama palyupalih thei aw.

LUKA 23:41

Keimo la hrie tlâh rai eima châ. Eima hmotaopa ty eima hmôpa a châ hih. He chyhsa deikua he cha, khâpa hmah parao vei,” tah ta.

LUKA 23:47

Pheisaih za kha hyutuhpa ta hmo a tlôpa cha a hmô nahta, “He chyhsa he chyhsa siapa tlai na a châ!” tah ta, Khazohpa reithai ta.

1 SAMUELA 15:28

Samuela ta a hnohta, “Tanoh tawhna heta Abeipa ta Izarei khinarâh cha nâma tawhta la ha ta, nâma hlâta a pha viapa, na opapa hnohta a pie haw.

1 SAMUELA 17:47

He liata ahmaohpakhypa zydua chhao heta, Abeipa ta zaozi nata asei ta pachha vei tahpa ama pahno aw. Adyuhna he Abeipa eih châ ta, Abeipa ta nâmo he eima ku liata miah a pie aw,” tah ta.

1 SAMUELA 18:17

Chatawhcha Sawla ta Dâvi hnohta, “Moh teh, he he ei sawchanô uhtheipa Merâbi a châ hih. Ano he lapinô ta ei cha pahneisa aw. Keima châta riahpha ngaitapa ta y la, Abeipa adyuhnazy cha a dyuh mah y,” tah ta. Sawla ta, “Kei ta Dâvi chô liata ku pathla leipa aw sah la, Philistinâ mo ta a chô liata ku tlao pathla lah vâ ei,” tahpa ta pachâna a hneipa vâta, cha hawhta a taopa a châ.

1 SAMUELA 2:35

Chatawhcha ei châta theihthaipa ngâchhihpa padua aw na ta, ano chata ei palôh liata nata ei pachâna liata hmo a ypa hawhta tao aw ta, chipathla a ipa ei paduapa awpa vâta a chi lei leipa aw ta, ei sathawthupa hmiakô liata chhâzaw ta a y aw.

1 SAMUELA 22:14

Ahimele ta abei cha a chhy ta, “Châ chakaotuhpa zydua hry liata, abei piahpa Dâvi hawhta ngâchhihpa chyhsa he ahy ma a y? Ano cha na pheisaih hyutuhpa châ ta, na o liata chyhsazy ta ama za ngaitapa châ vei ma?

1 SAMUELA 24:11

Ei pâ, moh tua, vaw moh tua rai, na poh pai chhao ei chaba thlâh ha hih. Na poh pai ei tai thei thlâh hapa ta, nâma ei cha thie leipa kha, ei ku liata paraona nata abei adyuhna rai y vei tahpa na hmô awpa nata na pahno awpa ei khopa vâta a châ. Ei hrona la a chhuahpa ta na tlua ngâ hra la, na chô liata molei va na.

1 SAMUELA 24:17

Dâvi hnohta, “Keima hlâta na sia via syulyu na, nâ cha ei chô liata hmo phapa tao chi ta, kei deikua cha, hmo chhiepa ta viari ei cha thô.

1 SAMUELA 24:21

Chavâta ei pathla vaw y lymâ awpazy cha chhawh pathlah leipa aw chi ta, ei paw pathlazy tawhta ei moh he pahleipadia aw va chi tahpa Abeipa moh ta tahmâ bie nâ taih mah y,” tah ta.

1 SAMUELA 24:4

Dâvi chyhsazy ta a hnohta, “Moh teh, tanoh he Abeipa ta na hnohta, ‘Na chariahpa cha na ku liata cha pie aw na ta, pha na tahpa hawhta a chô liata na tao aw,’ a tahpa noh kha a châ hih,” tah ei ta. Dâvi cha thyu ta, arulâta Sawla poh pai cha â ta.

1 SAMUELA 25:24

A phei thaby liata â khu lâta pao ta, a hnohta, “Ei zibeipa y, keima ta, keima tlai ta thaileichâna cha ei to aw. Na seichanô he na nah theina liata bie rei awpa ta rie pasaih la, châ chakaotuhnô biezy he ngiachhiepa ta nathlie mah y.

1 SAMUELA 29:3

Philistinâ pheisaih hyutuhpazy ta, “He Hebrai mo he, he liata khâpa ma ama tao?” tah ei ta. Akisâ ta Philistinâ pheisaih hyutuhpazy hnohta, “He he Davi, Izarei bei Sawla chakaotuhpa a châ. Kei lâ â vaw râ tawhta, ei hnohta cha ti kô sy y ha ta, tanoh taihta ano liata adoleina khâpa hmah hmô va na?” tah ta.

1 SAMUELA 30:26

Dâvi cha Zikalâ a vaw tlô nahta, hraona sôh thokhazy cha a viasa Zudâh machâzy paphao ta, ama hnohta, “He he nâmo châta hmosaipa a châ, Abeipa chariahpazy hraona sôh a châ hih,” tah ta.