1 SAMUELA 25:24 - Mara Bible RV (BSI)

²⁴ A phei thaby liata â khu lâta pao ta, a hnohta, “Ei zibeipa y, keima ta, keima tlai ta thaileichâna cha ei to aw. Na seichanô he na nah theina liata bie rei awpa ta rie pasaih la, châ chakaotuhnô biezy he ngiachhiepa ta nathlie mah y.

1 SAMUELA 25:24 ပူးပေါင်းရင်းမြစ်များ

ÂTHAONA 44:18

Zudâh ta Zawsi cha a kei hnia ta, “Hy ei zibeipa, nâ cha Phiraoh tlupa châ chi ta, ngiachhiepa ta ei zibeipa nah theina liata châ chakaotuhpa he bie kawh kha na pareisa la, châ chakaotuhpa chô liata na pathi rie ia khah sy.

2 SAMUELA 14:12

Chanô ta, “Ngiachhiepa ta, na seichanô heta ei zibeipa abei hnohta bie kawh khata ei reih via tua aw,” tah ta. Abei ta, “Reih teh,” tah ta.

2 SAMUELA 14:9

Tekô chanô ta abei hnohta, “Hy ei zibeipa abei y, thisaih maoh cha keima nata ei paw chhôhkha chô liata y sala, abei nata a beidyuchhai cha maophaoh khah sy,” tah ta.

2 SAMUELA 20:17

Zôabâ cha a kei hnia ta, chanô ta, “Zôabâ na châ ma?” tah ta. Ano ta, “Ei châ,” tah ta. Chanô ta a hnohta, “Na seichanô bie reipa he vaw nathlie mah y,” tah ta. Ano ta, “Ei nathlie na,” tah ta.

2 ABEIZY 4:37

A kei ngia ta, Elaisâh phei thaby liata pao ta, alei taih a bôhpa ta a naoh ta. Chatawhcha a sawchapawpa cha a pyh ta, pua ha ta.

ESTHERI 8:3

Estheri cha abei hmiakô liata bie reih heih ta. Abei phei thaby liata kei pao ta, Akaki chyhsa Hâmâ ta hmo pha leipa tao â chhuahpa, Zuzy chô liata hmotao â chhuahpa cha pachhâsa awpa ta mothlih chhaota hiah ta.

BIESOZY 25:15

Palôh pasina ta ryureituhpa pahnie theipa châ ta, Paleih naipa ta ru a pakei thei.

BIECHHOTUHPA 10:4

Ryureituhpa ta na chô liata a hie a hâh khiahta cha, Na yna su puasai khah y; Hiehâhna a pai tita cha, Taopasina lai ngaitapa chhao a ngiahthaipa a châ tyh.

MATHAI 18:29

A chakaolâhpa cha a pakhu paneih ta, a hnohta, ‘Zawh rie nâ ngiah chy mah y, a zydua ta ei cha thô khai aw,’ tahpa ta a haw ta.

1 SAMUELA 24:8

A hnôh lâta Dâvi chhao cha thyu ta, lôpu tawhta pua ta, “Abei y, ei zibeipa y!” tahpa ta Sawla cha awsao ta. Sawla cha a hnôh lâ a kei heih ta, Dâvi cha a hmia alei lâ a khupa Sawla cha a naoh ta.

1 SAMUELA 25:23

Abikai ta Dâvi a hmô nahta, alâ tawhta chô para ta, Dâvi hmiakô liata a hmia alei lâ a khupa ta pao ta, a naoh ta.

1 SAMUELA 25:25

Ei zibeipa heta chyhsa chhiepa Nâbâ he pachâ hlei khah sy. A moh hawh tlai heta na a châ. Nâbâ moh a phaopa hawh tlai ta a hru ha hih. Kei, châ chakaotuhnô heta ei zibeipa satlia vaw tuapazy kha vaw hmô va na.

1 SAMUELA 25:28

Châ chakaotuhnô paraona cha rie a ngiahthai mah y. Ei zibeipa he Abeipa adyuhnazy châta a dyuhpa na châpa vâta, Abeipa ta ei zibeipa he chipathla a ipa a paduapa tlai aw. Na hro chhôh zydua ta nâma liata moleina rai hmôpa châ aw vei.