1 SAMUELA 25:18 - Mara Bible RV (BSI)

¹⁸ Abikai cha a para kawpa ta viahchhâ tlâ za no, kresawhti ôh no, thlai chho thei awpa ta tao chiehpa mietaku pô pangawh, sâh pakâhpa saikhua hmo pangawh, kre thei pachawhpa sao za kha, theiku viahchhâ pakâhpa tlâ za no zy la ta, alâ paphaosa ta.

1 SAMUELA 25:18 ပူးပေါင်းရင်းမြစ်များ

2 SAMUELA 16:1

Dâvi cha tlâh laki bâhta a khô nahta, Mephibôse chakaotuhpa Zibâ ta vaw dy ta. Alâ ky padia chiehpa pô nozy cha viahchhâ tlâ za no, kre thei chawhpa sao za kha, nopi theilâpa za kha nata kresawhti ôh kha paphaosapa ta a vy ta.

1 THÂTIHZYRONA 12:40

Cha dei châ vei, lâhlapi ta a ypa ama heinawh Iskâra, Zebulawna nata Nâthalai râh tawh zy taihta, ama niedo awpazy cha alâzy, râraoseihpazy, arâzy nata viahchao tôhpazy paphaosapa ta ama vaw hlâ lymâ. Izarei liata thaphana y ta, chatanachata viahdie hluhpi, theiku viahchhâzy, kre sao pachawhpazy, kresawhtizy, sathawzy, viahchaozy nata mietakuzy phaopa ta, Hebraw khihpi lâ ama sie lymâ.

BIESOZY 18:16

Kuhria piepa cha a pietuhpa châta lâpi tao ta, Chyhsa rônahpazy hmiakô liata â chhi tyh.

BIESOZY 21:14

Arulâta hmosai piepa ta hiehâhna padia ta, Kalachhôh liata panaopapana nyupa ta pathiiana rupa a padia tyh.

BIESOZY 31:12

A hro chhôh noh zydua liata a vahpa châta Chhiena lâ châ leipa ta phana lâ sai ta hmo a taopa tyh.

MATHAI 5:25

Lyuh châ tuatuhpa nata ryureina su lâ nama sie hai nota, lâpi liata aryhna tao para ha mah y. Chataleipatala lyuh châ tuatuhpa ta ryureituhpa lâ cha hlâ aw ta, ryureituhpa ta vaituhpa lâ cha hlâ aw ta, patâhna o liata khôpa na châ pathlei aw.

1 SAMUELA 17:17

Zese ta a sawchapawpa Dâvi hnohta, “Sâh pakâhpa kachu hmo kha nata he viahchhâ tlâ hrawh he, na uhtazy châta phaoh la, na uhtazy riehmo lâ vawkhei para mah y.

1 SAMUELA 25:17

Chavâta he hmo he tahmâ pahno la, khâpa na tao aw, pakhâta ta pachâ mah y. Eima zibeipa chô liata nata a o liata a ypa zydua chô liata chhiena a vaw tlô ha bâ hih. Eima zibeipa hra he, chyhsa chhiepa, ahy hmahta bie amâ chho thei leipa chyhsa châ tlôh ta,” tah ta.

1 SAMUELA 25:34

Abeipa, Izarei Khazohpa, nâma cha pasasa awpa tawhta nâ pakhâ hapa hrona reipa ta ei reih. Na vaw dy para leipa vaw châ la cha, mylâ khih a pavâ nahta, Nâbâ hnohta a ypa chapaw pakha hmahta y khao aw veih ei,” tah ta.