1 SAMUELA 24:4 - Mara Bible RV (BSI)

⁴ Dâvi chyhsazy ta a hnohta, “Moh teh, tanoh he Abeipa ta na hnohta, ‘Na chariahpa cha na ku liata cha pie aw na ta, pha na tahpa hawhta a chô liata na tao aw,’ a tahpa noh kha a châ hih,” tah ei ta. Dâvi cha thyu ta, arulâta Sawla poh pai cha â ta.

1 SAMUELA 24:4 ပူးပေါင်းရင်းမြစ်များ

2 SAMUELA 4:8

Isabôse luh cha Hebraw liata Dâvi lâ vaw tlôkhei ei ta. Abei hnohta, “He he thie châ chhuahpa, na chariahpa Sawla sawchapawpa Isabôse luh a châ. Abeipa ta ei zibeipa abei phuh cha tanoh he Sawla nata a pathlazy chô liata a lapa haw,” tah ei ta.

ZAWBÂ 31:31

Ei poh o liata chyhsazy ta, ‘Zawbâ sa cha lôhrâtlôna taihta eima nie sy,’ ama tah tyh.

HLAZY 142:1

Ei ao ta Abeipa pado na ta, Ei ao ta Abeipa lâ ngiachhiena ei hiah tyh.

HLAZY 57:1

Hy Khazohpa, na ngiachhie la, Na ngiachhie tlai mah y, Ei hro ta nâ a châ chhai hih; Raona thlihpizy â pai hlâlei cha, Na mathlaw nohdi ry liata ei châ chhai aw.

PUASAINA 21:13

Thie a chhuahpa ta â byhpa vâta châ leipa ta, Khazohpa ta ano ku liata thi awpa ta a raopa a châ ha khiahta deikua cha, a thietuhpa châta â râ nawpa su ei raopa aw.

1 SAMUELA 22:1

Dâvi cha Kâthâ tawhta pua ta, Adulâ lôpu lâ a râ ta. Cha kyh cha a unawhzy nata a paw chhôhkha zydua ta ama thei nahta, a yna lâ cha zu ei ta.

1 SAMUELA 23:17

A hnohta, “Chi khah y, ei paw Sawla ku ta cha hmô aw vei. Izarei bei vaw châ aw chi ta, kei cha nâma châ pazipa ei châ aw. Ei paw Sawla chhao ta, cha cha a pahno,” tah ta.

1 SAMUELA 23:7

Dâvi cha Keilâh lâ a sie tahpa Sawla chho ei ta. Sawla ta, “Khazohpa ta ei ku liata eina pie ha chu. Chhikao nata ahraina a hneipa thokhy khih liata a ngia ta, cha liata â khawhlôh ha chu,” tah ta.

1 SAMUELA 24:10

Pachâ teh, tanoh lôpu liata Abeipa ta nâ cha ei ku liata na hlâ ta, cha cha na mo tlai ta tanoh na hmô haw. Thokha ta cha thie awpa ta na chho ei ta, châhrasala cha pahro na ta, ‘Ei zibeipa chô liata ei ku rai hy aw va na, Abeipa sathawthupa a châ hih,’ tahpa ta ei chho ei.

1 SAMUELA 24:18

Abeipa ta na ku liata eina so hapa chhao ta, na thie leipa chi ta, ei chô liata na pha ngaitanazie tanoh na palâsa haw.

1 SAMUELA 26:23

Abeipa cha chyhsa to ama siana nata ama ngâchhihna hawhta lymâ a pie tyhpa a châ. Tanoh he Abeipa ta nâma cha ei ku liata na pie ta, châhrasala Abeipa sathawthupa chô liata ku pathla awpa cha khoh va na.