1 SAMUELA 24:20 - Mara Bible RV (BSI)

²⁰ Pachâ teh, abei châ tlai aw chi ta, Izarei khinarâh cha nâma ku liata paduapa a châ aw tahpa tahmâ ei pahno haw.

1 SAMUELA 24:20 ပူးပေါင်းရင်းမြစ်များ

ZAWBÂ 15:25

Khazohpa chô liata a ku hy ta, Atotaotheipa hmia liata thatlô kawpa hawhta â hmô ta,

HLAZY 7:5

Ei chariahpa ta ei hro a chadai sala, Pha ha mawh sy; Ei hrona he alei liata tlypâ sala, Ei rônahna he dohlei liata soh mawh sy. Selah

BIESOZY 25:21

Na chariahpa a no a di khiahta cha nie awpa pie la, A dâh a phi khiahta cha ti do awpa pie mah y.

MATHAI 2:13

Ama sie tawhta, Abeipa vâlyuhchâpa cha Zawsi hnohta a mâ lâta a vaw luah ta, a hnohta, “Thyu la, hawsaih nata a nô kha a chhi la, Izi râh lâ a râ teh. Herawda ta hawsaih kha pahleipadia awpa ta a tlua awpa vâta, ei cha chho heih hlâlei cha, cha liata y thlâh ha mah y,” tah ta.

MATHAI 2:16

Herawda cha chyhsa sopazy ta ama dôpa a pahno nahta, a hiehâh ngaita ta, chyhsa tuah ta, chyhsa sopazy tawhta a daihti a pahnopa hawhta, Bethlehe khih nata a chheipâh zydua liata chapaw hawti kô no tawhta a ry lâ zydua cha thie khai awpa ta biepie ta.

RUTHI 2:12

Na hmotaopazy cha Abeipa ta cha thô sala, nâ boh nawpa ta a mathlaw ry liata nâ vaw ngiapa Abeipa Izarei Khazohpa ta lymâ kipa cha pie mawh sy!” tah ta.

1 SAMUELA 13:14

Châhrasala tahmâ cha na khinarâh he a duah parei khao aw vei. Abeipa ta bie a cha piepa na zyh leipa vâta, Abeipa ta ano palôh a phaohpa chyhsa tlua ta, a phopi chô liata a bei awpa ta Abeipa ta ano cha a rao haw,” tah ta.

1 SAMUELA 23:17

A hnohta, “Chi khah y, ei paw Sawla ku ta cha hmô aw vei. Izarei bei vaw châ aw chi ta, kei cha nâma châ pazipa ei châ aw. Ei paw Sawla chhao ta, cha cha a pahno,” tah ta.

1 SAMUELA 26:25

Sawla ta Dâvi hnohta, “Ei sawchapawpa Dâvi y, vânoh topa ta y mah y! Hmo hluhpi tao aw chi ta, na hlao a tloh lymâ aw,” tah ta. Chatawhcha Dâvi cha ano lâpi lâ sie ta, Sawla chhao a yna su lâ a lie ha hra ta.