1 SAMUELA 24:19 - Mara Bible RV (BSI)

¹⁹ Chyhsa ta a chariahpa hmô sala, â bohpa ta a pasiesa aw ma? Tanoh ta ei chô liata na hmotaopa vâna heta, Abeipa ta hmo phapa ta cha thô maw sy.

1 SAMUELA 24:19 ပူးပေါင်းရင်းမြစ်များ

HLAZY 18:20

Ei sianazie hawhta Abeipa ta ei chô liata tao ta, Ei ku pathaihnazie hawhta lymâ eina pie.

RYUREITUHPAZY 17:2

A nô hnohta, “Tâkâ tlaw 1,100 cha parupa ha ei ta, cha kyh liata chhiesa chi ta, keima nakhaoh lia chhao ta na reipa kha, moh teh, kha tâkâ kha keima liata a y, kei ta ei lapa a châ,” tah ta. A nô ta, “Ei sawchapawpa he Abeipa ta byhnâ pie mawh sy,” tah ta.

RUTHI 2:12

Na hmotaopazy cha Abeipa ta cha thô sala, nâ boh nawpa ta a mathlaw ry liata nâ vaw ngiapa Abeipa Izarei Khazohpa ta lymâ kipa cha pie mawh sy!” tah ta.

1 SAMUELA 23:17

A hnohta, “Chi khah y, ei paw Sawla ku ta cha hmô aw vei. Izarei bei vaw châ aw chi ta, kei cha nâma châ pazipa ei châ aw. Ei paw Sawla chhao ta, cha cha a pahno,” tah ta.

1 SAMUELA 23:21

Sawla ta, “Abeipa ta byhnâ cha pie mawh ei sy. Nâmo la eina ngiachhie ngaita ei chi na.

1 SAMUELA 26:23

Abeipa cha chyhsa to ama siana nata ama ngâchhihna hawhta lymâ a pie tyhpa a châ. Tanoh he Abeipa ta nâma cha ei ku liata na pie ta, châhrasala Abeipa sathawthupa chô liata ku pathla awpa cha khoh va na.

1 SAMUELA 26:25

Sawla ta Dâvi hnohta, “Ei sawchapawpa Dâvi y, vânoh topa ta y mah y! Hmo hluhpi tao aw chi ta, na hlao a tloh lymâ aw,” tah ta. Chatawhcha Dâvi cha ano lâpi lâ sie ta, Sawla chhao a yna su lâ a lie ha hra ta.