1 SAMUELA 24:14 - Mara Bible RV (BSI)

¹⁴ Izarei bei pi tlai ta ahy ma a vaw puahnao tly? Ahy ma na chadai tly? I thipa ma nâ chadai? Ihlih ma nâ chadai!

1 SAMUELA 24:14 ပူးပေါင်းရင်းမြစ်များ

2 SAMUELA 16:9

Zeru sawchapawpa Abisai ta abei hnohta, “Hao i thiruapa hao ta ei zibeipa abei he khâpa vâta chhie a sapa ma a châ tly? Vawh aw na ta, a luh ei kei tai tua aw” tah ta.

2 SAMUELA 3:8

Abane cha Isabôse bie reipa vâta a hiehâh ngaita ta, a hnohta, “Kei he Zudâh i luh ma ei châ tly? Tanoh taihta na paw Sawla chhôhkha nata a unawhzy nata a viasazy chô liata phana palâsa na ta, Dâvi ku liata cha hlâ leipa na ta, châhrasala he chanô kyh liata tanoh â do leipa ta eina bai chi.

2 SAMUELA 6:20

Dâvi cha a chhôhkhazy châta byhnâ aw awpa ta o lâ a vaw di ta. Sawla sawchanô Mikâli cha Dâvi dy awpa ta vaw pua ta, a hnohta, “Tanoh la Izarei bei kha a rônah kaw na! Chyhsa leilôpa, nozana chhao a pahno leipa ta thluahruapa ta a ypa hawhta, Izarei bei cha ano chakaotuhpazy a chakao pachhuahpa chanôzy mohmô liata thluahruapa ta a y thlâh ha kha zaw!” vaw tah ta.

2 SAMUELA 9:8

Mephibôse ta a naoh ta, a hnohta, “Kei i thiruapa, châ chakaotuhpa hawhpa na he, khâpa ma châ na ta, cha hawhta eina pachâ khoh chi tly?” tah ta.

1 ABEIZY 21:7

A lapinô Zezebel ta a hnohta, “Izarei bei châ va chi ma? Thyu la pati nie la, palôh thaphapa ta y mah y. Zezari chyhsa Nâbô kre sadô cha keima ta ei cha pie aw,” tah ta.

HÔSIA 10:13

Nâma pachâna liata a pahnieh chi ta, Pasaipha hluhpi na hneipa na ngâpa vâta, Moleina lei paliepa ta, Adoleina sâh hria chi ta, Haiphiana theilâpa na nie.

1 SAMUELA 17:43

Philistinâ chyhsa ta Dâvi hnohta, “I ma ei châ, chôchahrei ta ei nâ vyhnao chi?” tah ta. Philistinâ chyhsa ta a khazohzy moh reipa ta Dâvi chô liata chhiesa ta.

1 SAMUELA 26:20

Chavâta ei thisaih cha Abeipa hmô leina alei liata tla khah sy. Chyhsa ta bykheihpa a byhpa ta, tlâh liata râh â khiepa hawhta ma, Izarei bei pi tlai ta ihlih miakha tluapa ta a vaw pua,” tah ta.