1 SAMUELA 24:13 - Mara Bible RV (BSI)

¹³ Hlâno bieso ta, ‘Moleipa tawhta moleina a pua tyh,’ a tahpa hawhta, kei ta la, na chô liata ei ku pathla beih aw va na.

1 SAMUELA 24:13 ပူးပေါင်းရင်းမြစ်များ

ÂTHAONA 16:5

Sârai ta Abarâ hnohta, “Ei chô liata hmo doleipa a tlôpa he nâma chô liata y mawh sy. Ei seichanô he nâ pyh awpa ta cha pie na ta, saw a phaoh tahpa â pahnopa nahta, eina mohnao haw. Abeipa ta nâma nata keima likah pachia mawh sy!” tah ta.

1 THÂTIHZYRONA 12:18

Sythôh chô liata hyutuhpa Amasai chô liata Thlahpa vaw tlô ta, ano chata, “Hy Dâvi y, na chyhsazy châ pi ta, Hy Zese sawchapawpa y, Na chhâh a châpazy eima châ hih! Thlalôhna, na chô liata thlalôhna y sala, Châ baotuhpazy chô liata thlalôhna y mawh sy! Na Khazohpa ta a cha bao lymâ hih,” tah ta. Chatawhcha Dâvi ta âmo cha a ly ta, a pheisaih hyutuhpazy ta a tao ha ei.

EZEKIA 16:44

“Pachâ teh, bieso a hmâhpa maihta, ‘Sawchanô cha a nô a lyu,’ tahpa bieso he nâma kyh reina châta ama hmâh tyh bâ aw.

MATHAI 15:19

Moleina pachâna, lianycheina, apheina, apatlana, paruna, haipa bie reipa nata reipachhiena zy he palôh tawhta a kaw puapa a châ.

MATHAI 7:20

Cha hawhna chata, hrohso pakheipazy chhao ama thei tawhta nama pahno aw.

RYUREITUHPAZY 11:27

Chavâta na chô liata hmo khâpa hmah parao va na, nâma ta einâ dyuhpa vâ chi ta, ei chô liata hmo tlao na parao hih. Abeipa, Ryureituhpa ta tanoh he Izarei sawzy nata Amawna sawzy likah pachia mawh sy,” tahpa ta pachhosa ta.