1 SAMUELA 24:11 - Mara Bible RV (BSI)

¹¹ Ei pâ, moh tua, vaw moh tua rai, na poh pai chhao ei chaba thlâh ha hih. Na poh pai ei tai thei thlâh hapa ta, nâma ei cha thie leipa kha, ei ku liata paraona nata abei adyuhna rai y vei tahpa na hmô awpa nata na pahno awpa ei khopa vâta a châ. Ei hrona la a chhuahpa ta na tlua ngâ hra la, na chô liata molei va na.

1 SAMUELA 24:11 ပူးပေါင်းရင်းမြစ်များ

2 SAMUELA 1:14

Dâvi ta a hnohta, “Abeipa sathawthupa pahleipadia awpa ta a chô liata ku na pathlapa cha kheihtazieta a chi leipa ma na châ tly?” tah ta.

2 ABEIZY 5:13

A chakaotuhpazy ta a kei hnia ei ta, a hnohta, “Ei pâ y, hrohsopa ta hmo laipa cha pataosa sala, tao aw va chi ma? ‘Ti liata a kei ny teh, na pathaih ha aw,’ a cha tahpa cha hmo rairupa chhao châ va,” tah ei ta.

ZAWBÂ 10:16

Ei luh ei pachhua khiahta cha, Chakeibarôhneipa hawhta nâ byh chi ta, Na thatlôna eina hmâ thlu chi.

HLAZY 119:161

Ryureituhpazy ta a chhâpa y leipa ta na taola ei ta, Ei palôh deikua cha na biezy chipa ta tlao â chalyu.

HLAZY 140:11

Kyhchhie a reih thaipazy cha, Râh liata paduapa châ leipa ei sala; Thachahra a hmâhpa chyhsazy cha, Hmo pha leipa ta a chatliepa ta chadai ei sala pahlei mawh ei sy.

HLAZY 35:7

A chhâpa y leipa ta ama sao na chôkhâh ei ta, A chhâpa y leipa ta ei hrona he khaohtlô ama chao khâh.

HLAZY 59:3

Hy Abeipa, moh tua, Ei hrona a byh ei ta, Thatlôpazy ta eina tei ei. Ei paraona vâta châ leipa ta, Ei moleina vâta châ hra vei.

HLAZY 7:5

Ei chariahpa ta ei hro a chadai sala, Pha ha mawh sy; Ei hrona he alei liata tlypâ sala, Ei rônahna he dohlei liata soh mawh sy. Selah

BIESOZY 15:1

Achhyna naipa ta pathiiana padia ta, Reih chahrâhpa deikua ta hiehâhna a pathyu tyh.

CHAPHÔHTUNA 4:18

Chariahpazy ta eima hnie chathô ei ta, Chavâta eima khiliah liata chhao charei thei khao ma pi; Eima chhâna a hniapa ta eima nohzy reipati hapa châ ta, Eima chhâna a vaw tlô haw.

EZEKIA 13:18

Ama hnohta, ‘Abeipa Zehôvâh ta hetana heta a tah: Chyhsa zydua ku liata pachaopadâhna lâkyu a pakysatuhpa nata chyhsazy pa-ao nawpa ta chyhsa to châta luhkhunazy a taotuhpa chanôzy cha nôpopa ta y mawh ei sy. Ei phopi chyhsa hronazy pahlei aw ei chi ta ma, nâmo hrona deikua cha nama pabohsa aw?

MIKÂ 7:2

Khazohpa chyhsa cha, Alei tawhta leidia ha ta; Chyhsapa hry liata Adopa rai y khao veih ei; Thisaih palo awpa ta a byhpa sai châ ei ta, Sao ta a unawhpa a chadipa sai ama châ.

ZAWHÂNA 15:25

Ama ryhpa châbu liata, ‘A chhâpa y leipa ta einâ hao ei,’ tahpa bie ropa kha a vaw tlô nawpa ta a châ.

1 SAMUELA 12:3

Tahmâ nama hmiakô liata ei duah hih. Eina reipasipasua nawpa ei chi nama hneipazy cha, Abeipa hmiakô liata nata a sathawthupa hmiakô liana heta reih teh u. Ahy viahchao tôhpa ma ei chhu? Ahy alâ ma ei chhu? Ahy ma ei dôvei? Ahy ma ei tlybai? Ahy ku tawhta ma panaopapana ei la? Cha panaopapana chata a mo a pachaopa ei châ ma? Reih teh u, ei cha thô khai aw ei,” tah ta.

1 SAMUELA 18:27

Dâvi nata a chyhsazy cha thyu ei ta, sie ei ta, Philistinâ mo za no kei thie ei ta. Dâvi ta ama chopaw vozy cha vaw cheih ta, abei piahpa a cha thei nawpa ta, abei hnohta a zydua ta pie khai ta. Chatanachata Sawla ta a sawchanô­ Mikâli cha a lapinô ta pahneisa ta.

1 SAMUELA 23:14

Dâvi cha Ziphi râhchawhpa tlâh râh liata thokhy ta dôhpa khihpizy liata y ta. Sawla ta ano cha noh chareih ta tlua ta, châhrasala Khazohpa ta Dâvi cha a ku liata pie leipa ta.

1 SAMUELA 23:23

Chavâta chyhsa â nyukhâhna su zydua pahno a chhuah u la, keima lâ a vy heih u la, bie siapa na vaw chho aw ei chi ta, nama hnohta ei vaw sie hra aw. He râh liata a y tlai khiahta cha, Zudâh chyhsa sâh hluhpi hry tawhta tluapapua aw na ta, ei hmô thlyu aw,” tah ta.

1 SAMUELA 25:28

Châ chakaotuhnô paraona cha rie a ngiahthai mah y. Ei zibeipa he Abeipa adyuhnazy châta a dyuhpa na châpa vâta, Abeipa ta ei zibeipa he chipathla a ipa a paduapa tlai aw. Na hro chhôh zydua ta nâma liata moleina rai hmôpa châ aw vei.

1 SAMUELA 26:18

Dâvi ta, “Khâpa vâta ma ei zibeipa heta châ chakaotuhpa he â chadai tly? Khâpa hmo ma ei tao ha tly? Khâpa moleina ma ei ku liata a y tly?

1 SAMUELA 26:20

Chavâta ei thisaih cha Abeipa hmô leina alei liata tla khah sy. Chyhsa ta bykheihpa a byhpa ta, tlâh liata râh â khiepa hawhta ma, Izarei bei pi tlai ta ihlih miakha tluapa ta a vaw pua,” tah ta.

1 SAMUELA 26:23

Abeipa cha chyhsa to ama siana nata ama ngâchhihna hawhta lymâ a pie tyhpa a châ. Tanoh he Abeipa ta nâma cha ei ku liata na pie ta, châhrasala Abeipa sathawthupa chô liata ku pathla awpa cha khoh va na.