1 SAMUELA 24:10 - Mara Bible RV (BSI)

¹⁰ Pachâ teh, tanoh lôpu liata Abeipa ta nâ cha ei ku liata na hlâ ta, cha cha na mo tlai ta tanoh na hmô haw. Thokha ta cha thie awpa ta na chho ei ta, châhrasala cha pahro na ta, ‘Ei zibeipa chô liata ei ku rai hy aw va na, Abeipa sathawthupa a châ hih,’ tahpa ta ei chho ei.

1 SAMUELA 24:10 ပူးပေါင်းရင်းမြစ်များ

HLAZY 105:15

“Ei sathawthupazy hria leipa u la, Ei hrohsopazy pasasa khuh vy,” a tah.

HLAZY 125:3

Hmoparaopa ryureina chôchahrei cha, Mosiapazy ryuto râh liata a duah aw vei; Chataleipatala mosiapazy ta ama ku pazawh aw ei ta, Moleina hmo ama tao pathlei aw na.

HLAZY 7:3

Hy Abeipa ei Khazohpa, He hawhpa hmo he vaw tao ha aw sah la, Ei kuzy liata adoleina y sala,

HLAZY 7:4

Moleina ta ei viasa viarithôpa ta, A chhâpa y leipa ta ei chariahpa a hraopa ei châ khiahta cha,

PUASAINA 21:13

Thie a chhuahpa ta â byhpa vâta châ leipa ta, Khazohpa ta ano ku liata thi awpa ta a raopa a châ ha khiahta deikua cha, a thietuhpa châta â râ nawpa su ei raopa aw.

EZEKIA 22:9

Thisaih palo awpa ta chyhsa leih a hmâhpazy khihpi chhôh liata y ei ta, tlâhpizy liata pati a niepa chyhsazy chhao y ei ta, sihryhna hmo a taopazy chhao ama y.

THEIHTHAINA 19:16

Chyhsa kyh reipa ta na chiheihzy hry liata nâ khie awpa châ leipa ta, na vaih hrona châta chichhihpa bie nâ duakhei awpa châ vei. Kei he Abeipa ei châ.

1 SAMUELA 24:4

Dâvi chyhsazy ta a hnohta, “Moh teh, tanoh he Abeipa ta na hnohta, ‘Na chariahpa cha na ku liata cha pie aw na ta, pha na tahpa hawhta a chô liata na tao aw,’ a tahpa noh kha a châ hih,” tah ei ta. Dâvi cha thyu ta, arulâta Sawla poh pai cha â ta.

1 SAMUELA 24:9

Dâvi ta Sawla hnohta, “Khazia ma, ‘Dâvi ta na chhiena a tlua,’ châ tahpa chyhsazy bie reipa cha na zo thlâh tly?