1 SAMUELA 23:4 - Mara Bible RV (BSI)

⁴ Dâvi ta Abeipa a saohiah heih ta, Abeipa ta a chhy ta, a hnohta, “Thyu la, Keilâh lâ cha zu teh, Philistinâ mo cha na ku liata ei cha pie aw,” tah ta.

1 SAMUELA 23:4 ပူးပေါင်းရင်းမြစ်များ

2 SAMUELA 2:1

Cha hnôh lâ liata hetana heta vaw châ ta, Dâvi cha Abeipa a saohiah ta, “Zu­dâh khihpi miakha lâ chhâ ei khy aw ma?” tah ta. Abeipa ta a hnohta, “Khy mah y,” tah ta. Dâvi ta, “Khataih lâ ma ei khy aw?” tah ta. Abeipa ta, “Hebraw lâ,” tah ta.

2 SAMUELA 5:19

Dâvi cha Abeipa a saohiah ta, “Philistinâ mo a dyuh awpa ta ei khy aw ma? Âmo cha ei ku liata eina pie aw chi ma?” tah ta. Abeipa ta Dâvi hnohta, “Khy mah y, Philistinâ mo cha na ku liata ei cha pie tlai aw,” tah ta.

2 ABEIZY 3:18

Cha cha Abeipa pachâ ta hmo chyhpata dei a châ. Môabâ mo cha nama ku liata a cha pie aw ei.

1 THÂTIHZYRONA 14:10

Dâvi cha Khazohpa a saohiah ta, “Philistinâ mo a dyuh awpa ta ei khy aw ma? Âmo cha ei ku liata eina pie aw chi ma?” tah ta. Abeipa ta a hnohta, “Khy mah y, âmo cha na ku liata ei cha pie aw,” tah ta.

ZAWSUA 8:7

Chatawhcha namâ byhna su tawhta vaw pua aw ei chi ta, khihpi cha nama chho aw. Abeipa nama Khazohpa ta nama ku liata a cha pie aw ei.

RYUREITUHPAZY 6:39

Kidia ta Khazohpa hnohta, “Ei chô liata na hiehâh leipa la, eikhata bie bâh na pareisa heih mah y. Mietaku hmi ta pasia awpa eikhata na pasaih via mah y. Tahmâ cha mietaku hmi hi sala, alei zydua liata diati y mawh sy,” tah ta.

RYUREITUHPAZY 7:7

Abeipa ta Kidia hnohta, “Ti a paliepa chyhsa 300 hmâpa ta cha pachha aw ei na ta, na ku liata Midia mo ei cha pie aw. Ahropa zydua cha ama o lâ chyu padisa khai teh,” tah ta.

RYUREITUHPAZY 7:9

Cha zâ ta Abeipa ta Kidia hnohta,“Thyu la, Midia mo riehmo za chho teh. Na ku liata ei cha pie haw.

1 SAMUELA 10:22

Abeipa hiahri heih ei ta, “Chyhsa a vy awpa ama y khao ma?” tah ei ta. Abeipa ta, “Moh teh u, hmobaoh hry liata â nyu thlâh haw,” tah ta.

1 SAMUELA 23:2

Dâvi cha Abeipa a saohiah ta, “Philistinâ mo cha a dyuh awpa ta ei sie aw ma?” tah ta. Abeipa ta Dâvi hnohta, “Sie la, Philistinâ mo cha a zâ dyu la, Keilâh khih za pachha teh,” tah ta.

1 SAMUELA 23:3

Châhrasala Dâvi chyhsazy ta a hnohta, “Pachâ teh, Zudâh râh liata eima y thlâh hapa chhao heta chi pi ta, Keilâh lâ zu ta, Philistinâ pheisaihzy a za dyuh awpa cha, khatlu ta ma chi â chhih via vâ tly?” tah ei ta.

1 SAMUELA 23:5

Chatawhcha Dâvi nata a chyhsazy cha Keilâh lâ zu ei ta, Philistinâ mo cha a zâ dyuh ei ta, ama sahrohzy a kaw chhi ta, Philistinâ mo cha thata ama thie. Cha hawhna chata Dâvi ta Keilâh khihsawzy cha a pachha ha ei.

1 SAMUELA 28:6

Abeipa a saohiah ta, châhrasala Abeipa ta mâ lâta tlyma, Uri ta tlyma, hrohsopazy hmâpa ta tlyma a chhy leipa ta.

1 SAMUELA 30:8

Dâvi ta Abeipa a saohiah ta, “Pheisaihzy cha ei chadai aw ei ma? Ei pha aw ei ma?” tah ta. Abeipa ta a chhy ta, “A chadai teh, âmo cha pha cheingei aw chi ta, na chyhsazy na pachha khai heih aw ei,” tah ta.