1 SAMUELA 23:3 - Mara Bible RV (BSI)

³ Châhrasala Dâvi chyhsazy ta a hnohta, “Pachâ teh, Zudâh râh liata eima y thlâh hapa chhao heta chi pi ta, Keilâh lâ zu ta, Philistinâ pheisaihzy a za dyuh awpa cha, khatlu ta ma chi â chhih via vâ tly?” tah ei ta.

1 SAMUELA 23:3 ပူးပေါင်းရင်းမြစ်များ

HLAZY 11:1

Abeipa liata a chhaipa châ na ta, Kheihtazie ta ei hnohta, “Tlâhpizy lâta pavaw hawhta a zaw ha mah y.

ZEREMIAH 12:5

“Phei ta a siepa chyhsazy ta châ râpasua ei ta, Na tha ama cha pachhâ khiahta cha, Kheihta ma arâzy nâ râpasua thei aw? Abohna râh lia hmahta na pao khiahta cha, Zawdâh sipopa liata khâpa ma na tao aw?

1 SAMUELA 23:15

Dâvi ta a hrona la awpa ta Sawla a vaw puapa cha hmô ta. Dâvi cha Ziphi râhchawhpa Hôresâ liata y ta.

1 SAMUELA 23:2

Dâvi cha Abeipa a saohiah ta, “Philistinâ mo cha a dyuh awpa ta ei sie aw ma?” tah ta. Abeipa ta Dâvi hnohta, “Sie la, Philistinâ mo cha a zâ dyu la, Keilâh khih za pachha teh,” tah ta.

1 SAMUELA 23:23

Chavâta chyhsa â nyukhâhna su zydua pahno a chhuah u la, keima lâ a vy heih u la, bie siapa na vaw chho aw ei chi ta, nama hnohta ei vaw sie hra aw. He râh liata a y tlai khiahta cha, Zudâh chyhsa sâh hluhpi hry tawhta tluapapua aw na ta, ei hmô thlyu aw,” tah ta.

1 SAMUELA 23:26

Sawla cha tlâh hiakha lâ chhâh ta sie ta, Dâvi nata a chyhsazy cha tlâh hiakha lâ chhâh ta sie ei ta. Dâvi cha Sawla riah chipa ta a para ngaitapa ta a râ ta. Sawla nata a chyhsazy cha Dâvi nata a chyhsazy patu a chhuahpa ta a vaw hnia via lymâ ei ta.

1 SAMUELA 23:4

Dâvi ta Abeipa a saohiah heih ta, Abeipa ta a chhy ta, a hnohta, “Thyu la, Keilâh lâ cha zu teh, Philistinâ mo cha na ku liata ei cha pie aw,” tah ta.