1 SAMUELA 23:26 - Mara Bible RV (BSI)

²⁶ Sawla cha tlâh hiakha lâ chhâh ta sie ta, Dâvi nata a chyhsazy cha tlâh hiakha lâ chhâh ta sie ei ta. Dâvi cha Sawla riah chipa ta a para ngaitapa ta a râ ta. Sawla nata a chyhsazy cha Dâvi nata a chyhsazy patu a chhuahpa ta a vaw hnia via lymâ ei ta.

1 SAMUELA 23:26 ပူးပေါင်းရင်းမြစ်များ

2 SAMUELA 15:14

Chatawhcha Dâvi ta a hnohta Zerusale liata a ypa a chakaotuhpa zydua hnohta, “Thyu u la, a râ ei suh u, chataleipatala Absalaw tawhta ahy hmahta a boh aw ma pi. Pua para teh u, chataleipatala thlai ta miah vaw pha aw ta, eima chô liata chhiena patlôsa aw ta, zaozi ta khihpi he â vaw dyuh pathlei aw na,” tah ta.

2 THÂTIHZYRONA 20:12

Hy eima Khazohpa y, âmo cha pachia aw va chi ma? Miah a vaw siehnaopa pheisaih hri hluh ngaitapa he a dyuh awpa ta tloh ma pi. Tao awpa chhao pahno ma pi. Chavâta eima mozy nâ lâta eima vaw khaih hih,’” tah ta.

HLAZY 17:11

Tahmâ cha eima lâchakâna zydua miah dôh ha ei ta, Alei liata papao awpa ta ama mo miah ama tawpâ.

HLAZY 17:9

Nâ paraotuhpa moleipazy tawhta na nyu la, Nâ chadôpa chariah chichhihpazy tawhta na nyu mah y.

HLAZY 22:12

Viahchao tôhpa hluhpi ta na chadô ei ta, Bâsanâ viahchao tôhpa thatlôpazy ta eina dôh ei.

HLAZY 22:16

Izy ta na chadô ei ta, Hmoparaopa pyzy ta na dôhpa ta, Ei kupheizy ama papyu haw.

HLAZY 31:22

Kei hra ta ei rawrôhpa ta, “Na mohmô tawhta chhawh pathlahpa ta ei y haw,” tah na ta; Châhrasala baona hiapa ta ei cha aw tita, Zawngiah awpa ta ei châ hawna ao na thei heih.

2 KAWRINI 1:8

Unawh saih u, Asia râh liata pasa eima taopa kyh kha nama pahno lei awpa khoh ma pi. Eima tao thei awpa hlâta a hri viapa ta miah vi ta, hro awpa chhao a ngâ khao ma pi.

BIEPHUAH 20:9

Alei chô zydua hrâsie ei ta, mopathaihpazy riehmo nata khihpi kho ngaitapa cha chadô ei ta. Châhrasala avâ tawhta mei za tla ta, a kâ khai ha ei.

RYUREITUHPAZY 16:2

Kâza mo hnohta, “Sâsawna he lâ â vy,” tahpa chho ei ta. Cha su cha dôh ei ta, khihpi thokhy chhikao liata azo zâ khihdei a byh ei ta. Azo zâ khihdei a chalih ei ta, “My khih pavâna taih hâ aw pi ta, eima thie aw,” tah ei ta.

1 SAMUELA 19:12

Mikâli ta Dâvi cha opy tawhta pathliah ta, a râ ta, â boh haw.

1 SAMUELA 20:38

Zawnathâ ta hawtipa cha aw ta, “A para la, chatlie teh, kha liata y thlâh ha kha,” tah ta. Zawnathâ hawtipa cha châtaizy pakhy ta, a zibeipa lâ a vy ta.

1 SAMUELA 23:25

Sawla nata a chyhsazy cha ano tlua awpa ta sie ei ta. Cha kyh cha Dâvi chho ei ta. Dâvi cha lôkâhpa lâ zu ta, Maô râhchawhpa liata za y ta. Cha cha Sawla ta a thei nahta, Dâvi cha Maô râhchawhpa liana cha a chadai lymâ ta.

1 SAMUELA 23:27

Cha nota, zikyu a râpa vaw tlô ta, Sawla hnohta, “A chatliepa ta a vy teh, Philistinâ mo ta râh ama vaw chho,” tah ta.