1 SAMUELA 23:17 - Mara Bible RV (BSI)

¹⁷ A hnohta, “Chi khah y, ei paw Sawla ku ta cha hmô aw vei. Izarei bei vaw châ aw chi ta, kei cha nâma châ pazipa ei châ aw. Ei paw Sawla chhao ta, cha cha a pahno,” tah ta.

1 SAMUELA 23:17 ပူးပေါင်းရင်းမြစ်များ

HLAZY 118:6

Abeipa ta ei chhâh a châ ta, Chavâta chi aw va na. Chyhsa ta kheihta eina tah thei aw?

BIESOZY 14:26

Abeipa a chipa chyhsa cha a riahpha ta, A sawzy ta a chhai awpa ama hnei.

BIESOZY 19:21

Chyhsapa palôh liata achhuahna hluhpi y ta, Châhrasala a duah awpa cha Abeipa ryhraopa a châ tyh.

ISAI 35:3

Ku chiehleipazy cha thapatlô u la, Pakhu chalyupazy pa-i teh u.

ISAI 35:4

Palôh duapazy hnohta hetana heta tah teh u: “Chi leipa u la, thatlôpa ta y teh u! Pachâ teh u, nama Khazohpa cha, Phuh lana chhaota a vy aw ta, Khazohpa viarithôna chhaota â vy aw. A vy aw ta a cha pachha aw ei.”

ISAI 41:10

Chavâta chi khah y, Na hnohta ei y mâh tâh; Ngiarohpa ta y hra khah y, Na Khazohpa ei châ hih. Tha cha patlôpa ta cha bao aw na ta, Ei siana ku chachâh lâta khâchâ ei cha patu aw.

ISAI 41:14

Nâ, Zakaw châkariepa y, Chi khah y; Nâmo, Izarei chyhsazy saih u, Chi khuh vy! Ei cha bao aw ei, Abeipa ta a tah. Châ chatlaituhpa cha, Izarei Mo Pathaihpa a châ.

ISAI 54:17

Nâma a dyuh nawpa ta taopa chaihraizy cha, Kheihawhpa ta hmah cha tiah aw vei; Pachiana liata châ thyuhnaopa palei to chhao, Thailei na pachâsa aw ei. Cha cha Abeipa chakaotuhpazy ryuto châ ta, Kei tawhta ama thaichâna a châ,” Abeipa ta a tah.

LUKA 12:32

“Sahlao chyhpa saih u, chi khuh vy. Khinarâh a cha pie awpa ei cha nama Paw alynazie a châ.

HMOTAOPAZY 28:16

Rawma eima tlô nahta, Pawla cha vaituhpa pheisaih hneipa ta, ano kho ta y awpa ta pasaipa châ ta.

HMOTAOPAZY 5:39

Khazohpa tawhta a châ khiahta deikua cha, âmo he pahleipadia thei aw veih ei chi. Khazohpa a dyuhpa tlao nama châ aw!” tah ta.

RAWMA 15:24

Spânia râh lâ ei siena liata nâmo châ vaw hmô pâ awpa ei chhuah. Chatanachata nama hnohta a pahlaopa ta buakha chhôh a lypa ta y aw na ta, cha khai tawhta ei khitlyna liata chhao eina deichhy thei awpa ei chi ta ei hnabei a seih.

HEBRAI 13:6

Chavâta riahphapa ta, “Abeipa cha nâ baotuhpa châ ta, Chi aw va na; Chyhsa ta kheihta eina tao thei aw?” Eima tah ngâh.

1 SAMUELA 20:31

Zese sawchapawpa he alei liata a hro chhôh zydua cha, a duah thei aw va chi. Nâ beinarâh chhao a duah thei aw vei. Chavâta tahmâ chyhsa tuah la, kei lâta a vaw chhi teh, a thi thlyu awpa a châ,” tah ta.

1 SAMUELA 22:23

Ei hnohta y ha mah y. Chi khah y, keima thie nâ chhuahpa heta nâ chhao thie a châ chhuah hra. Keima hnohta la â bohpa ta na y aw,” tah ta.

1 SAMUELA 24:19

Chyhsa ta a chariahpa hmô sala, â bohpa ta a pasiesa aw ma? Tanoh ta ei chô liata na hmotaopa vâna heta, Abeipa ta hmo phapa ta cha thô maw sy.

1 SAMUELA 24:20

Pachâ teh, abei châ tlai aw chi ta, Izarei khinarâh cha nâma ku liata paduapa a châ aw tahpa tahmâ ei pahno haw.

1 SAMUELA 24:21

Chavâta ei pathla vaw y lymâ awpazy cha chhawh pathlah leipa aw chi ta, ei paw pathlazy tawhta ei moh he pahleipadia aw va chi tahpa Abeipa moh ta tahmâ bie nâ taih mah y,” tah ta.

1 SAMUELA 24:4

Dâvi chyhsazy ta a hnohta, “Moh teh, tanoh he Abeipa ta na hnohta, ‘Na chariahpa cha na ku liata cha pie aw na ta, pha na tahpa hawhta a chô liata na tao aw,’ a tahpa noh kha a châ hih,” tah ei ta. Dâvi cha thyu ta, arulâta Sawla poh pai cha â ta.

1 SAMUELA 25:30

Chatanachata Abeipa ta nâma kyh liata hmo phapa â taihpa zydua hawhta ei zibeipa chô liata taopa ta, Izarei bei ta a cha padua tita,