1 SAMUELA 22:8 - Mara Bible RV (BSI)

⁸ Khazia nama zydua ta eina tei ei chi? Ei sawchapawpa ta Zese sawchapawpa hnohta biehrai a taopa ahy hmahta na chho tlâ veih ei chi. Pachâ nâ rôhkheipa rai y veih ei chi. Nâ chakaotuhpa heta keima nâ dyuhpa ta, tanoh hawhna heta nâ byh awpa ta, ei sawchapawpa ta a pasyupa kyh chhao, nâ chhopa y tlâ veih ei chi,” tah ta.

1 SAMUELA 22:8 ပူးပေါင်းရင်းမြစ်များ

2 ABEIZY 6:11

Cha kyh liata Aramia bei cha a palôh nôpo kaw ta. A chakaotuhpazy aw ta, ama hnohta, “Eima hry liana heta ahy ma Izarei bei chhâh a châ tahpa na chho aw veih ei chi ma?” tah ta.

ZAWBÂ 33:16

Chyhsazy nah pahy ta, Zikyurâna ta âmo cha a pachisa ei;

1 SAMUELA 18:1

Dâvi ta Sawla hnohta bie a rei khaipa nahta, Zawnathâ hro cha Dâvi hro nata phie a zao ha ta. Zawnathâ ta ano hrona kyh â pachâpa tlu ta Dâvi cha a kyh pachâ ta.

1 SAMUELA 18:3

Zawnathâ ta Dâvi cha ano hrona hawh tlai ta a kyh a pachâpa vâta, a hnohta biehrai tao ta.

1 SAMUELA 20:2

Zawnathâ ta a hnohta, “Châ bao vâ! Thi cheita aw va chi. Moh teh, ei paw heta keima na pahnosa ha tua leipa ta khâpa hmahta, a laipa tlyma, a chyhpa tlyma, tao beih vei. Khazia ei paw ta he hmo he eina phih aw? Na phi cheita aw vei,” tah ta.

1 SAMUELA 20:42

Zawnathâ ta Dâvi hnohta, “Thlalôhpa ta sie mah y, ‘Abeipa cha keima nata nâma likah nata ei pathlazy nata na pathlazy likah liata chhâzaw ta y mawh sy,’ tahpa ta Abeipa moh ta bie liahsa eimâ taih raihrie ha khaw,” tah ta. Chatanachata Dâvi cha thyu ta, sie ha ta. Zawnathâ chhao khihpi lâ a lie ha hra ta.

1 SAMUELA 20:8

Châ chakaotuhpa he Abeipa biehrai liata a ngiakhei ha chi ta, chavâta châ chakaotuhpa chô liana he ngiachhiena rie palâsa mah y. Thaileichâna ei hnei khiahta deikua cha, nâma tlai ta na thie thlâh ha mah y, khazia na paw lâ cha einâ chhi ngâ kaw aw chi?” tah ta.

1 SAMUELA 22:13

Sawla ta a hnohta, “Khazia nâ nata Zese sawchapawpa heta eina tei ei chi? Viahchhâ nata zaozi zy vaw pie chi ta, Abeipa nâ vaw saohiahpa bao! Chavâta tanoh ta a taopa hawhna tlai heta nâ dyuh ta, einâ byhpa a châ hih,” tah ta.

1 SAMUELA 23:21

Sawla ta, “Abeipa ta byhnâ cha pie mawh ei sy. Nâmo la eina ngiachhie ngaita ei chi na.