1 SAMUELA 22:3 - Mara Bible RV (BSI)

³ Dâvi cha cha tawhta Môabâ râh liata Mizpâ lâ sie ta. Môabâ bei hnohta, “Khazohpa ta hmo eina taopa awpa ei pahno hlâlei cha, ei nô nata ei paw he na hnohta rie paysa chy mah y,” tah ta.

1 SAMUELA 22:3 ပူးပေါင်းရင်းမြစ်များ

ÂTHAONA 47:11

Zawsi ta a paw nata a unawhzy châta yna su paryh ta. Phiraoh biepiepa hawhta, Izi râh liata râh pha chaipa, Râmese râh chhôh liata, ama ryuto châta râh pie ta.

2 SAMUELA 8:2

Môabâ pahnie ta, Môabâ mo cha a tlâh tlâh ta alei liata paziasa ta, thliena ri ta thlie ta, tlâh thôh liata tlâh no thie ta, tlâh kha cha a tlâh dua ta a pahlôh lymâ ei. Chatanachata Môabâ mo cha Dâvi chakaotuhpa ta y ei ta, râhpaw ama pie lymâ.

PUASAINA 20:12

“Na nô nata na paw palyupalih teh. Chatanachata Abeipa na Khazohpa ta râh a cha piepa liata na hro a pareih aw.

1 TIMAWTHY 5:4

Châhrasala nôhmei cha sawzy tlyma, samohzy tlyma a hnei khiahta cha, Khazohpa chyhsa ama châna cha ama chhôhkha liata palâsa ei sala, ama nôpawzy chyh awpa ta a chu tua mawh ei sy. Cha cha Khazohpa alynazie a châ.

RYUREITUHPAZY 11:29

Abeipa Thlahpa cha Zephathâ chô liata vaw tlô ta. Chatanachata Kilia nata Manase zy chapiapa ta Kilia liata Mizpâ a ngia ta, Kilia liata Mizpâ tawhta Amawna mo yna lâ sie lymâ ta.

RUTHI 4:10

Cha dei châ vei, athipa cha a ryuto râh liata a moh a lei lei nawpa nata athipa moh cha a unawhzy tawhta nata a liahritlona khih thokhy chhikao tawhta chhawh pathlahpa ta a y lei nawpa ta, Mâhlô ta a panôhmeipa Môabâ zuah Ruthi chhao ei lapinô châta ei chalei haw. Tanoh nâmo he pahnokheituhpazy nama châ,” tah ta.

RUTHI 4:17

Ama opa chanôzy ta a moh bipa ei ta, “Naomi châta sawchapaw a vaw pih haw,” tah ei ta, a moh Ôbedâ ama bi. Ôbedâ cha Zese paw châ ta, Zese cha Dâvi paw a châ.

1 SAMUELA 14:47

Sawla cha Izarei bei a châ nahta, su to liata a chariahpazy cha a dyuh lymâ ta. Môabâ, Amawna mo, Edômâ, Zôbâ beizy nata Philistinâ mo zy a dyuh ta, â heina lâ maihta pahniena to lymâ ta.

1 SAMUELA 22:2

Nôpona a hneipa, leibâh a hneipa nata palôh pasana a hneipa maihta ano liata a hmaohpakhy ei ta, ama hyutuhpa ta y ta. A hnohta chyhsa 400 tlai ama y.

1 SAMUELA 22:4

Dâvi ta a nô nata a paw cha Môabâ bei lâ a chhi ta, thokhy chhôh liata Dâvi a y chhôh zydua cha Môabâ bei hnohta y ei ta.

1 SAMUELA 3:18

Chatanachata Samuela ta Eli cha hmo to chho khai ta, ano liata phihpa khâpa hmah hnei vei. Eli ta, “Cha cha Abeipa a châ chu, ano ta pha a tahpa hawhta tao mawh sy,” tah ta.