1 SAMUELA 22:2 - Mara Bible RV (BSI)

² Nôpona a hneipa, leibâh a hneipa nata palôh pasana a hneipa maihta ano liata a hmaohpakhy ei ta, ama hyutuhpa ta y ta. A hnohta chyhsa 400 tlai ama y.

1 SAMUELA 22:2 ပူးပေါင်းရင်းမြစ်များ

2 SAMUELA 17:8

Husai ta, “Na paw nata a chyhsazy cha na pahno ei, pasaiphazy châ ei ta, chyhsa chhyu ngaitapa, lyurâhpa liata chavyh a taw la hapa hawhta amâ hrâh. Cha dei châ vei, na paw cha a dyuhpa chyhsa châ ta, zawpi hry liata a rie ngyu aw vei.

2 SAMUELA 5:2

Sawla eima chô liata â beina daihti liana chhao khata, Izarei puakhei ta a ngiakhei tyhpa cha nâ na châ. Abeipa ta na hnohta, ‘Ei phopi Izarei vaituhpa châ aw chi ta, Izarei chô liata bei ta na y aw,’ tahpa ta bie â taihpa na châ,” tah ei ta.

2 ABEIZY 20:5

“Kua la, ei phopi hyutuhpa Hezekia hnohta, Abeipa, châ pathlatuhpa Dâvi Khazohpa ta hetana heta a tah: ‘Na thlahchhâna thei na ta, na mothlihzy ei hmô haw. Nathlie teh, cha patlâh aw na ta, noh thôhna noh ta Abeipa o lâ na khy aw.

2 ABEIZY 4:1

Hrohsopa sahlao lapinôzy hry liata chanô pakha ta Elaisâh hnohta, “Châ chakaotuhpa ei vahpa thi ha ta, châ chakaotuhpa kha Abeipa a chipa a châ tahpa na pahno. Leibâh â bâhpa chyhsa a vy ta, ei saw panozy cha sei ta a chhi awpa â chhuah,” tahpa ta a nôpona kyh chho ta.

BIESOZY 31:6

Leidia haipazy hnohta sahma pie u la, Palôh pasapazy hnohta kresawhti pie teh u.

MATHAI 11:12

Bâtituhpa Zawhâna daihti tawhta tahmâ taihta vârâh khinarâh cha thachahra ta adyuhna vâta pasa tao lymâ ta, thachahra a hmâhpazy ta tararuahna ta ama la lymâ.

MATHAI 11:28

Nâmo, hriapasapa nata phaohripa zydua saih u, kei lâ a vy u la, ei cha pahâsa aw ei.

HEBRAI 2:10

Ano châta nata ano zawhzi ta ato a ypa Khazohpa ta, saw hluhpi rônahna lâ a chhipa ta ama pachhana a taotuhpa Krista cha, pasa taona siepahliepa ta pakina patosa â chhuahpa cha, a châna awpa rai a châ.

RYUREITUHPAZY 11:3

Chatanachata Zephathâ cha a unawhzy tawhta a râ ta, Tôbâ râh liata pahrâ ta, chyhsa pha leipazy a hnohta a vy ei ta, Zephathâ cha pazi ei ta.

RYUREITUHPAZY 18:25

Dânâ pathlazy ta a hnohta, “Eima hry liata na ao thei awpa ta papua khah y, chataleipatala chyhsa pathichhiepazy ta ku cha pathla aw ei ta, na chhôhkhazy hrona a leina liata nâma hrona chhao a lei pâ pathlei aw na,” tah ei ta.

1 SAMUELA 1:10

Hânâ cha a palôh pasa ngaita ta, Abeipa lâta thlahchhâ ta, thata cha ta.

1 SAMUELA 22:3

Dâvi cha cha tawhta Môabâ râh liata Mizpâ lâ sie ta. Môabâ bei hnohta, “Khazohpa ta hmo eina taopa awpa ei pahno hlâlei cha, ei nô nata ei paw he na hnohta rie paysa chy mah y,” tah ta.

1 SAMUELA 23:13

Dâvi nata a chyhsazy za charu rachhôhpazy cha thyu ei ta, Keilâh tawhta pua ei ta, siena rypaohpa lâ maih sie ei ta. Dâvi cha Keilâh tawhta â râ haw tahpa Sawla chho ei ta, chavâta hrâsie â chhuahpa cha pathleih ha ta.

1 SAMUELA 25:13

Dâvi ta a chyhsazy hnohta, “Chyhsa zydua nama zaozi a pataih khai teh u,” tah ta. Ama zaozi a pataih chyu ei ta, Dâvi chhao a zaozi a pataih hra ta. Chyhsa za palih ta Dâvi cha zi ei ta, hmozy vaih awpa ta chyhsa za no riehmo liata y ei ta.

1 SAMUELA 30:6

Chyhsa to ta ama sawchapawzy nata sawchanôzy vâta palôh pasa ngaitapa ta y ei ta. Chavâta Dâvi cha alô ta vaw awpa kyh reih ei ta. Dâvi cha a nôpo kaw ta. Châhrasala Dâvi cha Abeipa a Khazohpa liata tha a patlô ta.

1 SAMUELA 9:16

“Mylâ, he daihti liana heta, Benzami râh tawhta nâ lâta chyhsa pakha vaw pasiesa aw na ta, ei phopi Izarei chô liata ryureituhpa châta sathaw na thu aw. Ano ta ei phopi cha Philistinâ mo ku tawhta a pachha aw. Ei phopi chapa pyu ta ei kô kaw daih ta, ei phopi pasataona ei hmô haw,” tahpa ta vaw pahnosa chhielie ha ta.