1 SAMUELA 22:17 - Mara Bible RV (BSI)

¹⁷ Abei ta a kiapâh liata a duahpa pheisaihzy hnohta, “A vaw palie u la, Abeipa theihthaipazy he thie teh u, âmo chhao he Dâvi chhâh a châhpa ama châ hih. A râpa a châ tahpa ama pahno thlâh hapa ta na chho veih ei,” tah ta. Châhrasala abei chakaotuhpazy ta Abeipa theihthaipazy thie awpa ta ama ku hy khoh leipa ei ta.

1 SAMUELA 22:17 ပူးပေါင်းရင်းမြစ်များ

2 SAMUELA 15:1

Cha khai tawhta hetana heta vaw châ ta, Absalaw ta talailih miakha nata arâzy nata chyhsa sypangawh a hmia lâta a râ awpa zy a chhuanoh ta.

1 ABEIZY 1:5

Haki sawchapawpa Adôniza cha anosasyh ta a chaluahpa ta, “Kei he a bei awpa ei châ,” tah ta. Chatanachata talailihzy nata ano hmia lâta a râ awpa arâ pheisaihzy sypangawh pachhuahpanoh ta.

1 ABEIZY 14:27

Bei Rehôbaw ta ngôh vyhphaozy vyuhpa ta dawh vyhphaozy tao ta, chazy cha abei o ochhi vaituhpa pheisaih hyutuhpazy pavaosa ta.

1 ABEIZY 18:4

Zezebel ta Abeipa hrohsopazy a thie no ei khata, Ôbadia he hrohsopa za kha a chhi ta, lôpu liata sypangawh sypangawh ta nyu ta, viahchhâ nata ti ta a pasatuhpa kha a châ.

2 ABEIZY 10:25

Raopa hlâna a hlâ khaipata nahta, Zehu ta vaituhpa nata pheisaih hyutuhpazy hnohta, “A kei ngia u la, thie teh u. Ahy hmah papua khuh vy,” tah ta. Zaozi ta chhawh ei ta, vaituhpa nata pheisaih hyutuhpazy ta âmo cha khôtho lâ kaw thy ei ta. Bâlâ achhyna o chhôhpadâhpa chhôh chaipa lâ a ngia ei ta,

PUASAINA 1:17

Châhrasala nawhpaytuhpazy cha Khazohpa a chipa ama châpa vâta, Izi bei biepiepa hawhta tao leipa ei ta, sawchapawzy chhao ama pahlôh lymâ.

HMOTAOPAZY 4:19

Châhrasala Pity nata Zawhâna ta a chhy ei ta, “Khazohpa bie zyh leipa ta nâmo bie zyhpa cha, Khazohpa mohmô ta â do thai aw ma? Nâmo ta pasia teh u.

1 SAMUELA 14:45

Châhrasala zawpizy ta Sawla hnohta, “He pachhana rônah ngaitapa Izarei hry liata a vaw tlôkheituhpa Zawnathâ he a thi aw ma? Châ bao va! Abeipa hrona reipa ta eima reih, a sâbu miakha chhao alei liata a tla awpa châ vei. Tanoh he ano cha Khazohpa a hrialâhpa a châ hih,” tah ei ta. Zawpi ta Zawnathâ cha pachha ha ei ta, thiepa châ khao vei.

1 SAMUELA 2:31

Moh teh, nâma bâh nata châ pathlatuhpa chizy bâh ei tai khai nawpa nohzy a vaw tlô hai, na chipathla liata machâpa y khao aw veih ei.

1 SAMUELA 20:33

Sawla ta Zawnathâ cha chakhao a chhuahpa ta a asei chalo ta, moai ta. A paw ta Dâvi cha thie â chhuah tlai tahpa Zawnathâ ta pahno ha ta.

1 SAMUELA 22:13

Sawla ta a hnohta, “Khazia nâ nata Zese sawchapawpa heta eina tei ei chi? Viahchhâ nata zaozi zy vaw pie chi ta, Abeipa nâ vaw saohiahpa bao! Chavâta tanoh ta a taopa hawhna tlai heta nâ dyuh ta, einâ byhpa a châ hih,” tah ta.

1 SAMUELA 22:16

Abei ta, “Ahimele, na thi tlai awpa a châ, nâ nata na paw chhôhkha zydua nama thi awpa a châ,” tah ta.

1 SAMUELA 25:17

Chavâta he hmo he tahmâ pahno la, khâpa na tao aw, pakhâta ta pachâ mah y. Eima zibeipa chô liata nata a o liata a ypa zydua chô liata chhiena a vaw tlô ha bâ hih. Eima zibeipa hra he, chyhsa chhiepa, ahy hmahta bie amâ chho thei leipa chyhsa châ tlôh ta,” tah ta.

1 SAMUELA 8:11

Ama hnohta, “Nama chô liata ryu a reih awpa bei taozie awpa cha he hawhna heta a châ aw: Nama sawchapawzy la aw ta, a talailih a haoh awpa ta zy, a arâ a kiah awpa ta zy nata a talailih hmia lâta a râ awpazy ta a rao aw ei.