1 SAMUELA 22:16 - Mara Bible RV (BSI)

¹⁶ Abei ta, “Ahimele, na thi tlai awpa a châ, nâ nata na paw chhôhkha zydua nama thi awpa a châ,” tah ta.

1 SAMUELA 22:16 ပူးပေါင်းရင်းမြစ်များ

1 ABEIZY 18:4

Zezebel ta Abeipa hrohsopazy a thie no ei khata, Ôbadia he hrohsopa za kha a chhi ta, lôpu liata sypangawh sypangawh ta nyu ta, viahchhâ nata ti ta a pasatuhpa kha a châ.

1 ABEIZY 19:2

Zezebel ta Elaizâh lâ chyhsa tuah ta, a hnohta, “Kha hrohsopazy hrona na lapa hawhna kha ta, mylâ tahmâ daihti liata nâma hrona chhao ei la leipa khiahta cha, khazohzy ta ei chô liata tao ei sala, cha hlâta pasa viapa chhao ta tao mawh ei sy,” tah ta.

ESTHERI 3:6

Châhrasala Môdekai chô lia dei ta kupathla awpa cha â daih tah leipa ta. Môdekai cha kheihawhpa phopi ma a châ tahpa ama chho hapa vâta, Ahasuarâ khinarâh liata a ypa Môdekai phopi Zu chyhsa zydua pahleipadia khai awpa a chhuah ta.

BIESOZY 28:15

Phopi dyhchhiepa chô liata ryureihtuh chhiepa cha, Chakeibarôhneipa a rôhpa hawhta châ ta, Chavyh a thyupa hawhta a châ.

DÂNIAH 2:12

Ama biereipa vâna chata abei cha a pathi iapa ta thata a hrâh ta, Babylaw chyhsa sopa zydua cha pahleipadia khai awpa ta biepie ta.

DÂNIAH 2:5

Abei ta Kaldia mo cha a chhy ta, ama hnohta, “Keima tawhta bie a puapa cha â i: Ei mâsapa nata a chhopasiana eina pahnosa leipa khiah ei chi ta cha, pachhaih pazaoh khaipa châ aw ei chi ta, nama ozy hnaihny thyna su ta taopa a châ aw.

MATHAI 2:16

Herawda cha chyhsa sopazy ta ama dôpa a pahno nahta, a hiehâh ngaita ta, chyhsa tuah ta, chyhsa sopazy tawhta a daihti a pahnopa hawhta, Bethlehe khih nata a chheipâh zydua liata chapaw hawti kô no tawhta a ry lâ zydua cha thie khai awpa ta biepie ta.

HMOTAOPAZY 12:19

Herawda ta Pity cha tlua ta, a hmô thei khao lei nahta, vaituhpazy kyh cha a chu pasiapa ta, âmo cha thie awpa ta biepie ta. Herawda cha Zudia tawhta Kaisaria lâ zu ta, cha liata y thlâh ha ta.

RYHPACHANEINA 24:16

“Sawzy vâta pawzy thie awpa châ leipa ta, pawzy vâta sawzy thie awpa châ hra vei. Chyhsa to âmo moleina vâ chyu ta thie awpa a châ.

1 SAMUELA 14:44

Sawla ta, “Na thi thlyu awpa a châ, Zawnathâ. Na thi vei khiahta cha, Khazohpa ta ei chô liata tao sala, cha hlâta pasa viapa chhao ta tao mawh sy,” tah ta.

1 SAMUELA 20:31

Zese sawchapawpa he alei liata a hro chhôh zydua cha, a duah thei aw va chi. Nâ beinarâh chhao a duah thei aw vei. Chavâta tahmâ chyhsa tuah la, kei lâta a vaw chhi teh, a thi thlyu awpa a châ,” tah ta.

1 SAMUELA 22:15

Tanoh he ma ano châta Khazohpa ei saohiah tua noh a châ? Châ bao va! Abei ta a chakaotuhpa tlyma, ei paw chhôhkha zydua tlyma, bai cheita khah sy. Châ chakaotuhpa heta he kyh zydua he, a hluhpi tlyma, a chyhta tlyma, ei pahnopa y vei,” tah ta.

1 SAMUELA 22:17

Abei ta a kiapâh liata a duahpa pheisaihzy hnohta, “A vaw palie u la, Abeipa theihthaipazy he thie teh u, âmo chhao he Dâvi chhâh a châhpa ama châ hih. A râpa a châ tahpa ama pahno thlâh hapa ta na chho veih ei,” tah ta. Châhrasala abei chakaotuhpazy ta Abeipa theihthaipazy thie awpa ta ama ku hy khoh leipa ei ta.