1 SAMUELA 21:5 - Mara Bible RV (BSI)

⁵ Dâvi ta theihthaipa cha a chhy ta, a hnohta, “Adyuhna lâ ei sie nota ei tao tyhpa hawhta, chanô liata eima pathaih tahpa â ipa ta ei rei ngâh. Khitlyna peimawh hropa ta khi eima tly nota chhao, satliazy hmobaoh cha pathaisa khai hapa a châ tyh. Tanoh hawhpa liata chhochhi cha, ama hmobaoh a pathaih via pachai mâh tâh” tah ta.

1 SAMUELA 21:5 ပူးပေါင်းရင်းမြစ်များ

PUASAINA 19:14

Mawsi cha tlâh tawhta zawpi lâ zu ta, zawpi cha pathaisa ta. Ama chysiazy pasu ei ta.

PUASAINA 19:15

Mawsi ta zawpi hnohta, “A noh thôhna noh châta a pachyh teh u, chanô rai namâ hnia awpa châ vei,” tah ta.

PUASAINA 25:30

Tlâhkhai liana chata khatino rai ta ypâna viahchhâ ei hmiakô liata na soh awpa a châ.

THEIHTHAINA 24:9

Cha cha Arawna nata a sawchapawzy tovyuh châ aw ta, Abeipa lâta mei ta hmohlâpazy tawhta chhâzaw châta ama tovyuh pathaihpa a châpa vâta, su pathaihpa liata ama nie awpa a châ,” tah ta.

THEIHTHAINA 8:26

Abeipa hmiakô liata a ypa viahchhâ thinô pahlao leipa hrâbyh tawhta viahchhâ pakâhpa miakha, sathaw pahlaopa viahchhâ puahpa miakha nata viahchhâ apapa miakha la ta, a thaw nata a phei chachâh lâ chô liata soh ta.

HMOTAOPAZY 9:15

Châhrasala Abeipa ta a hnohta, “Vawh thlâh teh, ano cha Zenitaizy, abeizy nata Izarei sawzy lâta ei moh a ngiakheituhpa châ awpa ta, ei chhaichhi châta raopa a châ.

1 KAWRINI 7:5

Thlahchhâ awpa ta namâ pie thei nawpa ta bohpi leipa châta â ryh nama tah raihriepa dei leipa ta cha, nôvah châna kyh liata a paky khuh vy. Thlahchhâ awpa ta bohpi leipa chhôh namâ paky hapa chhao ta, thlah nama chhâ khai tawhta cha, nama yzie tyhpa hawhta y heih tyh muh vy. Chataleipatala namâ sohsi thei leipa vâta Sâtâ ta a cha reipasao pathlei aw ei.

1 PITY 3:17

Moleina hmo taopa vâta pasa taopa hlâta cha, Khazohpa khozie a châ khiahta cha, hmo pha taopa vâta pasa taopa a pha via.