1 SAMUELA 20:8 - Mara Bible RV (BSI)

⁸ Châ chakaotuhpa he Abeipa biehrai liata a ngiakhei ha chi ta, chavâta châ chakaotuhpa chô liana he ngiachhiena rie palâsa mah y. Thaileichâna ei hnei khiahta deikua cha, nâma tlai ta na thie thlâh ha mah y, khazia na paw lâ cha einâ chhi ngâ kaw aw chi?” tah ta.

1 SAMUELA 20:8 ပူးပေါင်းရင်းမြစ်များ

ÂTHAONA 24:49

Chavâta tahmâ ei zibeipa cha nama ngiachhie thei awpa nata a chô liata â dopa ta nama tao awpa khiahta cha, na chho u la, nama tao lei awpa a châpa chhao rai ta, na chho hra teh u. Chatanachata chachâh lâ tlyma, chavei lâ tlyma ei heih thei aw,” tah ta.

ÂTHAONA 47:29

Izarei cha a thi nawpa daihti â hnia nahta, a sawchapawpa Zawsi aw ta, a hnohta, “Na modypa ei châ khiahta cha, ngiachhiepa ta na ku kha ei byhpi ry liata vaw chahraoh la, ei chô liata nôphapa nata âdopa ta tao awpa ta bie nâ taih mah y. Izi râh liana he rie na pabu cheita khah y.

2 SAMUELA 14:32

Absalaw ta Zôabâ cha a chhy ta, a hnohta, “Pachâ teh, abei lâ cha tuahpa ta, a hnohta, ‘Khâpa­ vâta ma Kesu tawhta ei vy ngâ kawna tly? Kha liana kha vaw y thlâh ha aw sah la ei châta a pha via awpa tlai,’ tahpa ta kei chho awpa ta bie cha vaw ta na ta. Chavâta abei hmia cha tahmâ na pahmôsa teh. Paraona a hneipa ei châ khiahta cha, na thie thlâh ha mawh sy,” tah ta.

1 THÂTIHZYRONA 12:17

Dâvi cha âmo dy awpa ta pua ta, ama hnohta, “Na bao awpa ta adyhna bie rei awpa ta kei lâ a vypa nama châ khiahta cha, ei palôh ta châ pazao aw ei ta, ei ku liata hmo doleipa khâpa hmah y vei tahpa pahno thlâh hana chôta, ei khakhaipazy na patusa namâ chhuah khiahta deikua cha, miah pathlatuhpazy Khazohpa ta cha hmô ei sala, viari cha thô mawh ei sy,” tah ta.

HLAZY 116:11

Chipa ta y na ta, “Chyhsapa zydua a haihpa sai ama châ,” Ei vaw tah thlâh ha cha.

BIESOZY 3:3

Ngâchhihna nata biehmeiseihpa ta châ heihsai khah sy; Na rao liata chazei la, Na palôh lôphiapa liata roh ha mah y.

HMOTAOPAZY 25:11

Hmoparaotuhpa châ ha sah la, thina tlâh a châpa hmo a paraopa ei châ khiahta cha, thina khôkhâh awpa a chhuah va na. He Zu chyhsazy ta eina leihna ei he khâpa hmah a y leipa a châ khiahta deikua cha, ahy hmahta âmo lâ na hlâ thei aw veih ei. Kaisarâ kô ei tlô aw,” tah ta.

ZAWSUA 2:14

Mohparutuhpazy ta a hnohta, “Eima hmotaopa he nama reih leipa khiahta cha, eima hrona ta nama hrona cha pachha aw pi ta, eima thipa chhao ta eima thi aw. Abeipa ta râh he miah a pie tita, cha ngiachhie aw pi ta, na chô liata ngâchhih ngaitapa ta eima tao aw,” tah ei ta.

ZAWSUA 22:22

“Zehôvah, khazohzy Khazohpa! Abeipa, khazohzy Khazohpa! Ano ta pahno ta, Izarei chhao ta pahno mawh sy! Eima maisâh taopa he Abeipa a dyuhpa tlyma, a rei a ngiah leipa tlyma a châ khiahta cha, tanoh he miah pahlôh khuh vy.

RUTHI 1:8

Naomi ta a myuhnô panozy hnohta, “Sie u la, nama nô o chyu lâta kua ha muh vy, athipazy chô liata nata keima chô liata nama taopa hawhna heta, Abeipa ta nama chô liata nôpha ngaitapa ta tao hra mawh sy.

1 SAMUELA 18:1

Dâvi ta Sawla hnohta bie a rei khaipa nahta, Zawnathâ hro cha Dâvi hro nata phie a zao ha ta. Zawnathâ ta ano hrona kyh â pachâpa tlu ta Dâvi cha a kyh pachâ ta.

1 SAMUELA 18:3

Zawnathâ ta Dâvi cha ano hrona hawh tlai ta a kyh a pachâpa vâta, a hnohta biehrai tao ta.

1 SAMUELA 20:16

Chatawhcha Zawnathâ ta Dâvi chhôhkha chô liata bie hraih ta, “Zawnathâ moh he Dâvi chhôhkha tawhta chhawh pathlahpa ta y leipa sala, Abeipa ta Dâvi chariahzy chô liata phuh la mawh sy,” tah ta.

1 SAMUELA 20:9

Zawnathâ ta, “Châ bao vâ! Ei paw ta na chô liata hmo pha leipa tao â chhuah khiahta cha, cha chho leipa ta ma ei y aw?” tah ta.

1 SAMUELA 23:18

Ama pano ta Abeipa hmiakô liata bie hraih ei ta. Dâvi cha Hôresâ liata a ngua ta, Zawnathâ cha o lâ sie ha ta.