1 SAMUELA 20:42 - Mara Bible RV (BSI)

⁴² Zawnathâ ta Dâvi hnohta, “Thlalôhpa ta sie mah y, ‘Abeipa cha keima nata nâma likah nata ei pathlazy nata na pathlazy likah liata chhâzaw ta y mawh sy,’ tahpa ta Abeipa moh ta bie liahsa eimâ taih raihrie ha khaw,” tah ta. Chatanachata Dâvi cha thyu ta, sie ha ta. Zawnathâ chhao khihpi lâ a lie ha hra ta.

1 SAMUELA 20:42 ပူးပေါင်းရင်းမြစ်များ

2 SAMUELA 9:1

Dâvi ta, “Zawnathâ vâta a pathlazy chô liata ngiachhiena ei palâsa thei nawpa ta, Sawla pathlazy hry liata a hrohpa pakha chhâ ama y tlyma i?” tah ta.

MALUHREINA 6:26

Abeipa ta nâmo lâ a vaw heih sala, Thlalôhna cha pie mawh ei sy!”

LUKA 7:50

Zisu ta chanô hnohta, “Nâ ngiapâna ta a cha pachha haw. Thlahlôhpa ta sie mah y,” tah ta.

HMOTAOPAZY 16:36

Cha bie cha patâhna o vaituhpa ta, Pawla chho ta, “Cha papua awpa ta, bie pachiatuhpazy ta chyhsa ama vaw tuah. Chavâta tahmâ vaw pua u la, thlalôhpa ta sie teh u,” tah ta.

1 SAMUELA 1:17

Eli ta, “Thlalôhpa ta sie mah y, Izarei Khazohpa ta ano lâta na hmo hiapa cha cha pie mawh sy,” tah ta.

1 SAMUELA 20:15

Ei thi ha khiahta deikua cha, na ngiachhiena cha ei chhôhkha chô liata chhâzaw ta chhawh pathlah beih khah y,” tah ta.

1 SAMUELA 20:16

Chatawhcha Zawnathâ ta Dâvi chhôhkha chô liata bie hraih ta, “Zawnathâ moh he Dâvi chhôhkha tawhta chhawh pathlahpa ta y leipa sala, Abeipa ta Dâvi chariahzy chô liata phuh la mawh sy,” tah ta.

1 SAMUELA 23:18

Ama pano ta Abeipa hmiakô liata bie hraih ei ta. Dâvi cha Hôresâ liata a ngua ta, Zawnathâ cha o lâ sie ha ta.

1 SAMUELA 25:35

Dâvi ta Abikai vaw cheipa hmozy cha a ku tawhta a hlâh ta, a hnohta, “Thlalôhpa ta na o lâ a di mah y. Na ao thei na ta, na hiapa hlao ei cha patloh haw,” tah ta.