1 SAMUELA 20:41 - Mara Bible RV (BSI)

⁴¹ Hawtipa a siepata nahta, Dâvi cha alô pachopa chho lâ chhâh tawhta vaw pua ta, a hmia alei liata a khupa ta ei thôh a bôh ta. A pahnâ raihriepa ta, a chakhei raihrie ei ta, Dâvi cha a cha via pachai.

1 SAMUELA 20:41 ပူးပေါင်းရင်းမြစ်များ

ÂTHAONA 29:11

Zakaw ta Râkheli cha a pahnâ ta, aoh tlili ta cha ta.

ÂTHAONA 29:13

Lâbâ cha a sietanô sawchapawpa Zakaw thâtih a theipata nahta, dy awpa ta a râ ta. Zakaw cha a pyh ta, a pahnâ ta, o lâ a chhi ta. Zakaw ta hmo yzie zydua Lâbâ chho ta.

ÂTHAONA 33:4

Esaw cha Zakaw a tyh awpa ta a râ ta, a pyh ta, a ku ta rao liata a pyh ta, a pahnâ ta, ama pano ta cha ei ta.

ÂTHAONA 42:6

Zawsi cha Izi râh ryureituhpa châ ta, cha râh liata chyhsa zydua hnohta sâh a zuahtuhpa a châ. Zawsi unawhzy cha za tlô ei ta, ama hmia alei lâ a bôhpa ta ano cha a naoh ei ta.

ÂTHAONA 43:28

Âmo ta, “Châ chakaotuhpa eima paw cha a tlâh no a châ, a hroh thlâh chy,” tah ei ta. Ama luh a bôhpa ta, ano cha a naoh ei ta.

ÂTHAONA 45:15

A unawh zydua a pahnâ ta, cha thlu chyu ta. Cha khai tawhta a unawhzy ta Zawsi cha bie a chho ei ta.

2 SAMUELA 1:2

A noh thôhna noh ta Sawla riehmo tawhta chyhsa pakha, a chysiazy hriepa ta nata a luh liata dohlei chhaota a vy ta. Dâvi kô a vaw tlô nahta, alei liata pao ta a naoh ta.

2 SAMUELA 1:26

Ei unawhpa Zawnathâ y, Ei cha taokheizie rimâ cha! Ei chô liata pha ngaita chi ta, Kyh eina pachâna chi kha noâh a chhih ta, Chanô kyhpachâna hlâta â sâh via.

2 SAMUELA 14:4

Tekô chanô ta abei cha bie a chho ta, a hmia alei lâ a khupa ta a naoh ta, a hnohta, “Hy abei y, na bao teh,” tah ta.

2 SAMUELA 19:39

Zawpi zydua cha Zawdâh haosâ chaka ei ta, abei chhao chaka hra ta. Abei ta Bâzilai cha a pahnâ ta, byhnâ awpa ta. Bâzilai cha a o lâ a lie ha ta.

2 SAMUELA 9:6

Sawla sawchapawpa Zawnathâ saw­chapawpa Mephibôse cha Dâvi lâ a vy ta, a hmia lâta pao ta, a naoh ta. Dâvi ta, “Mephibôse!” tah ta. Ano ta, “Châ chakaotuhpa ei châ,” tah ta.

1 ABEIZY 1:16

Bâsebâ ta abei cha a bôhpa ta a naoh ta, abei ta, “Khâpa na khoh?” vaw tah ta.

1 ABEIZY 1:23

Abei hnohta, “Hrohsopa Nâthâ â vy,” tahpa ta chho ei ta. Nâthâ cha abei hmiakô a kei tlô nahta, abei hmiakô liata a hmia alei lâ a khupa ta a bôh ta.

1 ABEIZY 1:31

Bâsebâ cha a hmia alei lâ a khupa ta a bôh ta, abei cha a naoh ta, a hnohta, “Ei zibeipa Bei Dâvi cha chhâzaw ta hroh mawh sy!” tah ta.

HMOTAOPAZY 20:37

Ama zydua ta thata cha ei ta, Pawla cha a pyhpahlypa ta, a pahnâ ei ta.

1 SAMUELA 10:1

Samuela ta sathaw ôh pachhi ta, Sawla luh liata bao ta, Sawla cha a pahnâ ta, a hnohta, “Abeipa ta a ryuto chô liata ryureituhpa châ awpa ta sathaw a cha thu. Abeipa phopi chô liata ryureih aw chi ta, âmo a chadôpa ama chariahpazy ku tawhta na pachha aw ei. He he Abeipa ta a ryuto chô liata ryureituhpa châta sathaw a cha thu tahpa na châta ngiana a châ aw.

1 SAMUELA 18:3

Zawnathâ ta Dâvi cha ano hrona hawh tlai ta a kyh a pachâpa vâta, a hnohta biehrai tao ta.

1 SAMUELA 20:40

Zawnathâ ta hawtipa cha a chaihraizy pie ta, a hnohta “Sie la, khihpi lâ phaoh teh,” tah ta.

1 SAMUELA 24:9

Dâvi ta Sawla hnohta, “Khazia ma, ‘Dâvi ta na chhiena a tlua,’ châ tahpa chyhsazy bie reipa cha na zo thlâh tly?

1 SAMUELA 25:23

Abikai ta Dâvi a hmô nahta, alâ tawhta chô para ta, Dâvi hmiakô liata a hmia alei lâ a khupa ta pao ta, a naoh ta.